3/29/2024
Today from Hiiraan Online:  _
Wararka Maanta- Isniin, Oct 24, 2011
Madaxweynaha Soomaaliya oo booqday degmada Dayniile oo ay dagaallo ka dhaceen, kana hadlay faragelinta Kenya (SAWIRRO)


Isniin, Oktoobar 24, 2011 (HOL) — Madaxweynaha Soomaaliya, Sheekh Shariif Sheekh Axmed ayaa maanta booqday furumaha dagaalka ee degmada Dayniile oo maalmahan ay ku dagaalamayeen ciidammada DKMG ah iyo kuwa AMISOM oo dhinac ah iyo xoogagga Xarakada Al-shabaab.

Sheekh Shariif oo shir jaraa'id ku qabtay xaafadda Tiida ee degmada Dayniile ayaa ka hadlay dagaalladii khasaaraha badan geystay ee ka dhacay degmadaas, isagoo beeniyay in 76-askari oo ka tirsan ciidamada AMISOM lagu dilay dagaalladii dhacay, isagoo dhanka kale ka hadlay ciidamada Kenya ee soo galay gudaha Soomaaliya.

"Marka hore waxaan jeclahay inaan muujiyo farxaddeyda ku aaddan guulaha ay ciidammada DKMG ah iyo kuwa AMISOM oo isgarabsanaya ka gaareen dagaalladii ka dhacay degmada Dayniile, bilo ka hor xaaladdu sidan way ka duwanayd," ayuu yiri Sheekh Shariif.

Madaxewyuhu wuxuu sheegay inay muddo dheer ugu baaqayeen Al-shabaab nabad iyo wadahadal, balse aysan suurogelin, sidaa daraadeedna ay dowladdu go'aan ku gaartay inay xoog kusoo celiso nabadda.

Sidoo kale, wuxuu sheegay inay socon doonaan dagaallada lagula jiro Al-shabaab inta laga saarayo dalka oo dhan, wuxuuna intaas ku daray in qorshaha dowladda uu yahay in la sugo ammaanka Muqdisho si ay dadkii horay uga barakacay magaalada ay dib ugu soo laabtaan iyadoo ammaan ah.

Dhanka kale, madaxweynaha Soomaaliya wuxuu ka hadlay howlgallada dowladda Kenya ay ka waddo gobollada Koonfurta Soomaaliya, isagoo sheegay inay dadka Soomaaliyeed ay aad ugu wareereen waxa ka socda meesha.

"Markii dowladda KMG ah lasoo dhisay, dowladaha dairska ah oo ay Kenya ka mid tahay waxaan ka dalbanay inay ciidammo noo tababaraan, waana la tababaray ujeedaduna waxay ahayd inay ka qaybqaataan nabad soo celinta iyo xoreynta dalka howshaasuna way billaabatay," ayuu yiri Sheekh Shariif.

"Waxaa jira waxyaabo yar-yar oo aan u argno inaysan haboonayn - waana kala hadalnay dowladda Kenya. Waxaana ka mid ah waxyaabahaas inay ciidammo iska soo galaan dalka, shacabka Soomaaliyeed ma ogola taas - dowladduna ma ogola," ayuu Sheekh Shariif hadalkiisa raaciyay.

Madaxweynuhu wuxuu intaas ku daray in ciidammada AMISOM ay dalka ku joogaan ogolaashaha shacabka Soomaaliyeed iyo kan dowladda KMG ah, sidoo kale ay ka haystaan ogolaasho ururka Midowga Afrika iyo Qarammada Midoobay.

"Dowladda Kenya iskaashi ayaa naga dhexeeya, waxaana kala hadalnay habka aan innagu u rabno inay noo caawiyaan oo ah mid cad, kaasoo ah in ciidamada DKMG ah ay diyaar u yihiin inay shaqada qabsadaan, Kenyana aan uga baahannahay inay ciidamadeenna gacan siiyaan, balse aysan dhicin wax intaas ka duwan," ayuu yiri Sheekh Shariif.

Isagoo arrintan kasii hadalaya ayaa wuxuu sheegay in Kenya ay gaarsiiyeen inay aad uga xun yihiin inay dalkooda dhibaato u geysato Al-shabaab, balse loo baahan yahay in labada dal ay iska kaashadaan sidii loo xaqiijin lahaa amniga.

Waa markii ugu horreysay oo mas'uul ka tirsan dowladda KMG ah ee Soomaaliya uu uga digo dowladda Kenya faragelinta ciidan, iyadoo madaxda Kenya ay sheegeen in ciidamadooda ay gudaha Soomaaliya kula dagaalamayaan Xarakada Al-shabaab.





















Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/24/2011 2:59 PM EST
Isniin, October 24, 2011(HOL)-Magaalada Nairiobi ee caasimadda dalka Kenya ayaa waxaa goor dhaweyd ka dhacay labo qarax oo is-xigay, kuwaasi oo geystay khasaare dhimasho iyo dhaawac isugu jira.

10/24/2011 12:04 PM EST
Isniin, October 24, 2011 (HOL) - Madaxweynaha Soomaaliya Sheekh Shariif Sheikh Axmed ayaa cambaareeyey joogitaanka ciidmada Kenya ee Koonfurta dalka Soomaaliya.

10/24/2011 11:23 AM EST
Isniin, October 24, 2011Diyaarado nooca dagaal oo aan la aqoon cida rasmiga ah ee iska leh ayaa goordahawayd duqeymo ka geeystay qaar katirsan jaziiradaha ku yaal galbeedka gobolka J/hoose.

10/24/2011 10:07 AM EST
Wakiilo kakala socda qaar kamid ah maamul goboleedyada dhawaanahan looga dhawaaqayay bartamaha iyo koonfurta Soomaaliya oo isugu yimid magaalada Nairobi ayaa ka dhawaajiyay inay isku afgarteen midaynta maamulka ee deegaamada ay ku dhawaaqeen inay ka taliyaan, si loo helo hal maamul goboleed oo tayo leh.

10/24/2011 9:39 AM EST
Isniin, Oktoobar 24, 2011 (HOL) — Wasiir-ku-xigeenka wasaaradda caafimaadka DKMG ah ee Soomaaliya, Faysal Xuseen Daahir ayaa tababar soconaya muddo 30 maalmood ah maanta u furay illaa 30 umulisooyin ah oo ka kala yimid gobollada dalka Soomaaliya.

10/24/2011 9:23 AM EST
Taliyaha ciidamada booliska ee magaalada Nairobi Antony Kibuchi oo shir jaraa;id ku qabtay Nairobi ayaa ku tilmaamay qaraxii ka dhacay baar lagu caweeyo oo kuu yaalla Nairobi inuu ahaa mid ka dhashay bam-gacmeed.

10/24/2011 8:37 AM EST
Isniin, Oktoobar 24, 2011 (HOL) — Booliiska dalka Kenya ayaa sheegay in qaraxii bambaano ee xalay ka dhacay baar lagu caweeyo oo ku yaalla bartamaha Kenya ay mas'uul ka tahay Xarakada Al-shabaab, iyagoo sheegay in weerarkan uu la xiriiro hanjabaaddii Al-shabaab.

10/24/2011 7:24 AM EST
Isniin, Oktoobar 24, 2011 (HOL) — Askari ka tirsan ciidanka DKMG ah ee Soomaaliya ayaa maanta toogasho ku dilay laba haween ah oo ka mid ahaa dad raashin loogu qaybinayay siliggii hore ee Mareykanka oo ka tisran degmada Wadajir, iyadoo ay ku dhaawacantay rasaastaas haweeney kale.

10/24/2011 7:15 AM EST
Isniin, Oktoobar 24, 2011 (HOL) — Maamulka Ahlu Sunna Waljameeca ee bartamaha Soomaaliya ayaa eedeyn kulul u jeediyay dowladda KMG, kadib markii sida uu maamulku sheegay dowladda Idhaha ka qabsatay wax u qabashada shacabka ku dhaqan gobollada bartamaha Soomaaliya.

10/24/2011 5:54 AM EST
Isniin, Oktoobar 24, 2011 (HOL) — Warsaaxafadeed ay Xarakada Al-shabaab soo saartay maanta oo Isniin ah ayaa waxay digniin ugu dirtay shacabka dalka Burundi oo ay kumannaan ciidammo ah ka joogaan Soomaaliya.

10/24/2011 4:53 AM EST
Isniin, Oktoobar 24, 2011 (HOL) — Weerar bam-gacmeed ah oo xalay lagu weeraray goob lagu caweeyo oo ku taalla bartamaha magaalada Nairobi ee dalka Kenya ayaa sababtay dhaawacyada 13-qof sida ay sheegeen booliiska Kenya. Waxaan weerarkan uu imaanayaa iyadoo Xarakada Al-shabaab ay ku dhaawaqday inay Kenya ka aargudanayso.

10/24/2011 4:48 AM EST
Isniin, Oktoobar 24, 2011 (HOL) — Hay'adda dhaqaatiirta aan xuduudda lahayn ee MSF ayaa warsaxaafadeed ay soo saartay ku sheegay in dagaalladii 20-kii bishan ka dhacya degmada Kismaayo ay ku qabseen inay joojiyaan howlo caafimaad oo ay ka wadeen degmadaas.

10/24/2011 3:55 AM EST
Isniin, Oktoobar 24, 2011 (HOL) — Cabsi aad u xoogan ayaa lasoo darastay shacabka ku dhaqan magaalada Kismaayo, xilli ay diyaarado dagaal shalay duqeeyeen goobo katirsan magaalada Kismaayo ee xarunta gobolka J/hoose.

10/24/2011 3:46 AM EST
Isniin, Oktoobar 24, 2011 (HOL) — Xaflad balaadhan oo lagaga dhowaaqayey naadiga akhriska iyo Wax-qorista oo loogu magac-daray Alle ha naxariistee Abwaan Cabdi Iidaan Faarax (Iidaan Readers Club (IRC) ayaa xalay lagu qabtay magaalada Hargeysa.