3/28/2024
Today from Hiiraan Online:  _
Wararka Maanta- Talaado, Oct 18, 2011
Sheekh Xasan Turki oo sheegay in Kooxda Raaskambooni oo uu horay uga tirsanaa ay la mid yihiin dowladaha cadowga ah

Talaado, Oktoobar 18, 2011 (HOL) — Sheekh Xasan C/llaahi Xirsi (Sheekh Xasan Turki) oo ka mid ahaa saraakiisha ururka Raaskambooni oo xiriir la leh hadda dowladda KMG ah ayaa sheegay in ururkaas uu ula mid yahay dalalka cadowgooda ah sida Kenya.

Wadaadkan oo shir jaraa'id ku qabtay Kismaayo ayaa sheegay in xubnaha ururka ay markii hore la jireen iyaga haddana ay la jiraan dalalka cadowga ah ee kasoo horjeeda in diinta Islaamka la isku xukumo, sidaa daradeedna ay u arkaan kuwo ka baxay Islaamka.

"Ururka Raaskambooni markii hore wuxuu ahaa urur u dagaalamaya dinta Islaamka, balse hadda waa urur kasoo horjeeda islaamnimada, sidaa daraadeedna waa galo waxayna la mid yihiin dalalka cadowgeena ah," ayuu yiri Sheekh Xasan Turkey.

Hoggaamiyahan oo ka mid ahaa aasaasayaashii ururkan ayaa ka baxay, isagoo ku biiray ururkii Xisbul Islaam oo uu markaas hoggaaminayay Sheekh Xasan Daahir Aweys, balse markii dambe u xuub-siibtay Al-shabaab.

"Qof walba oo muslim ah waxaa waajib ku ah inay dagaalada socda ka qaybqaataan, waayo waxaa lagu soo duulay diinta islaamka," ayuu Sheekhu hadalkiisa raaciyay, isagoo xusay in ruux walba ay tahay inuu diintiisa difaaco isagoo aan meel kale eegayn.

Mas'uuliyiinta Al-shabaab ayaa waxay tan iyo markii ay Kenya soo gashay gudaha Soomaaliya wadeen goodin ay ku sheegayaan inay ka aargudan doonaan Kenya haddii ay ciidamadeeda sida ugu dhaqsiyaha badan ugala bixi waydo Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/18/2011 11:48 AM EST
Ammaanka Caasimadda dalka Kenya ee Nairobi ayaa sare loo qaaday, iyadoo laga cabsi qabo weeraro ka yimaada xarakada Alshabaab oo ku hanjabtay inay weerari doonto magaalooyinka Kenya , kadib markii ay Kenya ciidamadeeda ka gudbeen xadka, iyagoo baadi goobaya dagaal yahanada Alshabaab.

10/18/2011 11:18 AM EST
Golaha wasiirrada ee dalka Kenya oo maanta isugu yimid shir degdeg ah ayaa si aan qarsoodi lahayn u taageeray weerarka ay Kenya ku tilmaantay inuu yahay mid ay ku bartilmaameedsanayso xarakada Alshabaab oo ay ciidamadeedu ku galeen gudaha Jamhuuriyadda Soomaaliya.

10/18/2011 9:51 AM EST
Talaado, October 18, 2011(HOL): Qarax geystay dhimashada 3 ruux iyo dhaawaca dad kale oo aad u badan ayaa wuxuu goor dhaweyd ka dhacay Magaalada Muqdisho ee caasimadda u ah Dalka Soomaaliya.

10/18/2011 9:51 AM EST
Talaado, October 18, 2011(HOL): Dowladda Soomaaliya iyo Kenya ayaa isu baheysanaya la dagaallanka kooxda Al-Shabaab, iyadoo maanta ay Muqdisho booqdeen Wasiirrada Arrimaha Dibadda iyo Gaashaandhigga ee Dowladda Kenya.

10/18/2011 7:55 AM EST
Saxafiga Soomaaliyeed ee Faarax Maxamed Cali (Faarax Blue) ayaa xubin ka noqday guddiga Saxafiyiinta ajaanibta ah ee ka shaqeeyay dalalka bariga iyo bartamaha Africa ee Foreign Correspondents’ Association of East Africa (FCA).

10/18/2011 7:31 AM EST
Talaado, Oktoobar 18, 2011 (HOL) — Dagaalyahanada badan oo ka tirsan Xarakada Al-shabaab ayaa buuxiyay degmada Afmadow ee gobolka Jubbada hoose, iyadoo dadkii ku noolaa ay bilaabeen inay degmadaas uga baxaan sababo cabsi dagaal ah awgood.

10/18/2011 7:17 AM EST
Talaado, Oktoobar 18, 2011 (HOL) — Wasiirrada arrimaha dibada iyo gaashaandhigga dalka Kenya Moses Watang'ula iyo Maxamed Yuusuf Xaaji ayaa ku sugan Muqdisho, iyagoo kulammo kula leh xarunta madaxtooyada Soomaaliya madaxweyne Sheekh Shariif.

10/18/2011 7:09 AM EST
Talaado, Oktoobar 18, 2011 (HOL) — Iyadoo ay isa soo tarayaan Deeqaha lacageed ee soo gaaray deegaanka iyo weliba howlaha loogu gurmanayo dadka ay waxyeelada ka soo gaartey dhibaatooyinka Abaaraha ee ka taagan Gobolka ayaa maalmahii ugu dambeeyey Deeq lacageed oo ka timid Jaaliyada Soomaalida ee Dalka Masar,gaar ahaan kuwooda degan Magaalada Qaahira ayaa waxaa Raashin Gargaar ah loogu iibiyey Qoysas ku dhibaateysan Kaamamka Barakacayaasha ee ku yaala daafaha Magaalada Baardheere.

10/18/2011 4:03 AM EST
Talaado, Oktoobar 18, 2011 (HOL) — Afhayeenka Xarakada Al-shabaab, Sheekh Cali Maxamuud Raage (Sheekh Cali Dheere) oo shir jaraa'id ku qabtay Muqdisho ayaa ugu baaqay dowladda Kenya inay ciidamadeeda kala baxdo Soomaaliya, haddii kale ay beegsan doonaan.

10/18/2011 3:54 AM EST
Talaado, Oktoobar 18, 2011 (HOL) — Wasiirka gaashaandhigga dalka Kenya Maxamed Yuusuf Xaaji oo saxaafadda dalkiisa la hadlay ayaa sheegay in ciidamadooda ay ku jiraan gudaha Soomaaliya, isagoo sheegay inaysan raalligelin ka bixinayn faragelinta ay ku sameeyeen Soomaaliya.

10/18/2011 3:48 AM EST
Taalado, Oktoobar 18, 2011 (HOL) — Maxkamada gobolka Saaxil ayaa dacwad lagu soo oogay Badhasaabka gobolka Saaxil Maxamuud Cali Hayste (Ramaax) iyo Maareeyaha dekeda Berbera Axmed Yuusuf Dirir iskaga leexiyey maxkamada sare.

10/18/2011 3:38 AM EST
Talaado, Oktoobar 18, 2011 (HOL) — Ra'iisul wasaaraha dalka Kenya, Raila Odinga ayaa sheegay markii ugu horreysay in ciidamadooda ay u galeen gudaha Somalia sidii ay ula dagaalami lahaayeen Xarakada Al-shabaab oo uu ku sheegay koox Argagaxiso ah.