4/17/2021
Today from Hiiraan Online:  _
Wararka Maanta- Khamiis, July 22, 2010
Maxkamad ku taala Maraykanka oo xukuntay nin lagu eedeeyay in uu taageero Al-Shabaab


Khamiis, 22 July 2010 (HOL)- Maxkamad ku taala dalka Maraykanka ayaa Nin ka soo jeeda Gobolka Virginia ee dalkaas ku xukuntay eedayn loo haystay oo ah in uu  dhaqaale ku taageero Xarakatul Shabaabul-Mujaahidiin, isla markaana laba jeer isku dayay in uu u socdaalo dalka Soomaaliya, si uu ugu biiro Al-Shabaab.

Zachary Adam Chesser oo da’diisu tahay 20-jir, kana soo jeeda Gobolka Virginia ee Maraykanka, ayaa waaxda Caddaaladda Maraykanku ay sheegtay in lagu helay oo ay Arbacadii ku caddaatay eedayn ahayd in uu taageero agab iyo dhaqaaleba isugu jirta siiyo Xarakatul Shabaabul-Mujaahidiin. Maxkamaddu waxa kale oo ay sheegtay in Chesser uu laba jeer isku dayay in uu ka socdaalo dalka Maraykanka oo uu tago

Soomaaliya, kuna biiro Al-Shabaab. Warku wuxuu intaa ku daray in Ninkan ay Hay’adda Sirdoonka ee FBI waraysi ka qaaday bishii May 2009, isla markaana ilaa muddadaa ay daba-gal ku hayeen.

Ninkan ayaa hore loo qabtay 10-bisha July mar uu isku dayay in isaga oo uu wehelinayo Wiil uu dhalay ay Diyaarad u raacaan dalka Uganda, markaas oo lagu qabtay Garoonka Diyaaradaha JFK ee New York. “Kiiskani wuxuu shaaca ka qaadayaa jiritaanka xag-jirnimada ee in ay ka dhici karto meel kasta oo ay ka mid tahay Waqooyiga Virginia.” Sidaa waxa yiri Xeer-Ilaaliyaha Maraykanka Neil MacBride.

Mar uu Xeer-Ilaaliyuhu ka hadlayay Ninkan la qabtay iyo eedaynta loo haysto ee la sheegay in lagu helo, ayaa wuxuu yiri, “Ninkan da’da yari wuxuu ku eedaysan yahay in uu doonayay in uu ku biiro Al-Shabaab oo xidhiidh la leh Al-Qaacida. Eedaymahaasi waxay hoosta ka xarriiqaysaa sida loogu baahan yahay in laga hortego argagixisada ku soo badanaysa dalka.”

Barkhad M. Kaariye  Hiiraan Online
[email protected]
Hargeisa, Somaliland.










Click here
7/22/2010 3:12 PM EST
Khamiis 22, July 2010(HOL): Tartamadii xagaaga ciyaaraha K-koleyga Sweden ayaa si aad u qurux badan habeenimadii xalayto o taariikhdu ay ku begnayd 20 JULY 2010 loogu soo gabagabeeyay garoonka K-koleyga ee UNGDOMSHUS I ee ku yalla xafadda Rinkeby.

7/22/2010 2:17 PM EST
Khamiis, July 22, 2010(HOL): Maxamed Muuse Cabdi Jabroos oo ah Wakiilka Zone 4 ayaa wuxuu hambalyo iyo bogaadin u diray Xiriirka Soomaaliyeed ee Kubadda Cagta, isagoo si gaar ah ugu hambalyeeyay qaabkii ay u dhacday Doorashadii Xiriirka Soomaaliyeed ee Kubadda Cagta.

7/22/2010 1:57 PM EST
Khamiis, July 22, 2010 (HOL) - Ugu yaraan laba qof ayaa ku dhintay dagaal maanta degmada Hodan ee Magaalada Muqdisho ku dhexmaray Xoogag taabacsan Xarrakatul Shabaab iyo Culumaa'uddiinka Ahulsunna, waxaana dagaalkaas ku dhaawacmay 7-qof oo kale.

7/22/2010 1:57 PM EST
Khamiis, 22, July, 2010 (HOL) Wararka laga helayo deegaannka Ceel-gaal oo ilaa 13-km dhinaca Waqooyi kaga beegan Magaalada Beledweyne ee xarunta Goballka Hiiraan ayaa sheegaya in dagaal culus ku dhaxmaray Xoogagga Xarrakada Mujaahidiinta Al-shabaab iyo kuwa Dowladda Soomaaliya.

7/22/2010 1:56 PM EST
Khamiis, 22, July, 2010 (HOL) Xiriirayaha arrimaha Bani'adanimada u qaabilsan QM Mark Bowdan ayaa hadal uu u jeediyay Golaha Amaanka ee QM waxaa uu ka sheegay in dalka Soomaaliya oo ka mid yahay ama la oran karo waxaa uu kagaga jiraan safka hore dalalka ay ka taagan yahay xaaladaha dhinaca Bani'adanimada kuwood ugu liita.

7/22/2010 1:55 PM EST
Khamiis, July 22, 2010 (HOL) - Madaxweynaha Soomaaliya Sheekh Shariif Sheekh Axmed ayaa tagay Shalay oo Arbaco ahayd dalka Jaad si uu uga qaybgalo shirkii 12-aad oo ay dalalka Saaxil iyo Saxaaruhu oo ka dhacaya xarunta dalkaas ee N'djamena, kaasoo soconaya muddo laba casho ah.

7/22/2010 1:54 PM EST
Khamiis, July 22, 2010(HOL): Shirweynaha ay isugu yimaadeen Madaxda ururka Midowga Africa ee ka soconaya magaalada Kampala ee dalka Uganda ayaa lagu xusay in waqti kordhin loo sameyn doono ciidamada nabad ilaalinta ee AMISOM ee ku sugan Magaalada caasimadda ah ee Muqdisho.

7/22/2010 11:38 AM EST
Arbaco, July 21, 2010 (HOL) − Taliyaha ciidanka Ilaalada Madaxtooyada Soomaaliya G/sare C/llaahi Cali Caanood ayaa maanta beeniyay inuu isku dhiibay Xarrakatul Shabaabul Mujaahidiin isagoo ka jawaabayay hadal kasoo baxay Afhayeenka dhanka howlgallada ee Xarrakatul Shabaabul Mujaahidiin.

7/22/2010 11:38 AM EST
Arbaco, July 21, 2010 (HOL) − Ra'iisul Wasaaraha Soomaaliya Cumar C/rashiid Cali Sharma'arke ayaa maanta uga qaybgalay Magaalada Muqdisho oo xaflad loogu soo xirayay tababar 800-askari oo ka tirsan ciidanka Booliiska Soomaaliya.

7/22/2010 8:10 AM EST
Khamiis,July 22,2010 (HOL) -Ciidamada amaanka Bosaaso ayaa maalintii Afaraad wada qorshe lagu musaafurinayo dhalinyarada ka soo jeeda koonfurta ee ku sugan degmada ,kuwaasi oo lala xiriirinayo danbiyadii Gobolka ka dhacay Bilihii la soo dhaafay.

7/22/2010 8:07 AM EST
Khamiis, 22 July 2010 (HOL)- Dawladda Itoobiya ayaa sii deysay xubno ka tirsan Jabhadda ONLF ee dagaalka kula jira Dawladda dalkaas.

7/22/2010 8:04 AM EST
Khamiis, 22 July 2010 (HOL)- Qaramada Midoobay ayaa shaacisay welwel ay ka qabto cunto-la’aanta baahsan ee ka jirta Soomaaliya.