4/11/2021
Today from Hiiraan Online:  _
Wararka Maanta- Khamiis, July 22, 2010
Ciyaarihii Sweden ee Kubadda Koleyga oo la soo gabagabeeyay (DAAWO SAWIRRO)



Khamiis 22, July 2010(HOL): Tartamadii  xagaaga  ciyaaraha K-koleyga Sweden ayaa si aad u qurux badan habeenimadii xalayto o taariikhdu ay ku begnayd 20 JULY 2010  loogu soo gabagabeeyay garoonka K-koleyga  ee UNGDOMSHUS I   ee ku yalla xafadda Rinkeby.

Ciyaarahasi iyaga ah oo ay qabanqaabadiisa  iska lahaayeen   Ururka dhaqanka iyo cayaaraha Sweden oo marka la soo gaabiyo loo yaqaan SKIF   ayaa waxaa ka soo qaybgalay kooxo ka kala yimid dalalka Sweden iyo Uk, iyo qaar badan oo ka tirsanaa halgamayaashii Isboortiga Soomaaliyeed  gaar ahaan K-koleyga.(Legends)


Ciyaarahaasi ayaa waxaa ka qaybgalayay 4 kooxood oo kala ahaa: South Stockholm, West London, Stockholm, Acton Vale iyo Gavle. Waxaana barbar socday   ciyaaro dhexmaray  Odayaashii cuslaaday ee ciyaarta Kubadda Kolayga.


Ciyaartii  kama dambaysta ahayd oo aad u xaraarad badnayd ayaa waxaa fooda is daray kooxaha kala ah West London iyo Stockholm, waxaana dawashadeeda ka so qayb-galay dadweyne aad u faro badan oo iyagu kala tageerayay labada kooxood. In kasta oo aad mooday qaybtii hore inay aad u gacan sarreeyeen inamada kooxda Stockholm, haddana arrintaasi ma  sii socon , waxaana kooxda west London ay jaanta isla heleen wareeggii dambe ee cayaarta oo ay hoggaanka la wareegeen. Ciyartiina waxa ay ku so gabagabowday kooxda west London oo ay guushu ku raacday 71 dhibcod, halka kooxda Stockholm ay ka keensadeen 68 dhibcood.

Daawashada ciyaarahaasi waxaa ka soo qaybgalay Guddoomiye ku xigeenka Ölymbikada Soomaaliyeed ,Xoghayaha Olymbikada Soomaaliyeed, guddoomiye ku xigeenka XSKK, Kaaliyaha xoghayaha XSKK,Tababaraha xulka qaranka Soomaaliyeed ee wiilasha K-koleyga, ciyaaryahannadii (Legends) xulka qaranka  Soomaaliyeed oo isugu jiray gabdho iyo wiilal iyo macallimiin heer  qaran, tababarayaal,Garsoorayaashii Caalamiga ahaa ee Soomaaliyeed.


Sidoo kale waxaa ciyaarahan ka soo qeybgalay Gabar Soomaaliyeed oo lagu magacaabo Farxiyo Cali Cabdi oo ay la socdeen saaxibadeeda kala ah Amanda iyo Sandra una ciyaara xulka qaranka k-koleyga Sweden, ciyaryahannadii heerka qaran ee K-cagta iyo  marti sharaf aad u faro badnayd oo ka kala yimid Europé iyo North Amerika oo halkaasi lagu casuumay iyo daawadayaal aad u faro badnaa.   


Guddoomiyaha Ururka Dhaqanka iyo Ciyaaraha Mr. Abuukar Aadan Deeqow (Boss Caato),
oo aan halkasi kula kulmay xiritaankii cayaarta ka dib ayaa  wuxuu si aad ugu mahadceliyay dadkii sida hagar la’aanta ah ula shaqeeyay, Madaxdii, maamulkii, tababarayaashii, garsoorayaashii, dadkii qaaliga ku ahaa isboortiga Soomaaliyeed  ee tartanka ka soo qeybgalay iyo weliba dadweynaha reer Sweden, gaar ahaan kuwa ku nool Magaalada Stockholm.

Sidoo kalena wuxuu u mahadceliyay Universal TV,Hiiraan Online.Warya TV,Somali-youth.org, Alazhar School, Somali Centre for Water and Enviroment (SCWE), Radio Dalmar, Cayaarahasweden.com Radio Sweden,Xogta.com, Yuusuf Yare Designer, Ibraahim Jeeri,C/rashiid Doobka,C/casiis low iyo fannaankii qaliga ahaa Super Khaalid oo isaguna muddadii tartanka uu socday dadka si weyn ugu madadaalinayay halkaasi.

Ugu dambayntii Boss Caato waxa uu ka dhawaajiyay in cayaaraha la ballaarin doono, isla mar ahaantaana sanadaha so socda ay ku talo jiraan ururkooda  inay casuuman kooxo faro badan oo ka kala yimaadaa North Ameerika iyo Europe.

Halkan ka Daawo Filim Ciyaaraha laga duubay


Filim kale daawo


Sidan ayaa loogu kala guulaystay abaalmarinada:

 

Kaalinta 1aad kooxda West london


Kaalinta 2aad Kooxda Stockholm


Koobkii xiddigaha oo ay ku guulaysteen kooxda West London

Ciyaarwanaagga Best Player oo la siiyay ciyaaryahan Xuseen Cismaan Shiis (N0 8) oo ka socday kooxda West London

Asluubta oo la siiyay ciyaaryahan (N0 1) oo ka socday  kooxda  Stockholm

Ciyaaryahankii ugu dhibcaha badnaa Maxamed (N0 10) oo ka socday kooxda West London.

Sidoo kale waxaa halkaasi lagu bixiyay shahadooyin aad u faro badnaa iyo koob lagu sharfayay qoyska isboortiga ee Dr. Shiis iyo Xaawo Taako oo iyagu gacan aad u weyn ka gaystay taabagalka tartankani inuu qabsoomo. 
 
By: C/qaadir Shiikha
[email protected]

iyo Salaad Xiis
[email protected]












Click here
7/22/2010 2:17 PM EST
Khamiis, July 22, 2010(HOL): Maxamed Muuse Cabdi Jabroos oo ah Wakiilka Zone 4 ayaa wuxuu hambalyo iyo bogaadin u diray Xiriirka Soomaaliyeed ee Kubadda Cagta, isagoo si gaar ah ugu hambalyeeyay qaabkii ay u dhacday Doorashadii Xiriirka Soomaaliyeed ee Kubadda Cagta.

7/22/2010 1:57 PM EST
Khamiis, July 22, 2010 (HOL) - Ugu yaraan laba qof ayaa ku dhintay dagaal maanta degmada Hodan ee Magaalada Muqdisho ku dhexmaray Xoogag taabacsan Xarrakatul Shabaab iyo Culumaa'uddiinka Ahulsunna, waxaana dagaalkaas ku dhaawacmay 7-qof oo kale.

7/22/2010 1:57 PM EST
Khamiis, 22, July, 2010 (HOL) Wararka laga helayo deegaannka Ceel-gaal oo ilaa 13-km dhinaca Waqooyi kaga beegan Magaalada Beledweyne ee xarunta Goballka Hiiraan ayaa sheegaya in dagaal culus ku dhaxmaray Xoogagga Xarrakada Mujaahidiinta Al-shabaab iyo kuwa Dowladda Soomaaliya.

7/22/2010 1:56 PM EST
Khamiis, 22, July, 2010 (HOL) Xiriirayaha arrimaha Bani'adanimada u qaabilsan QM Mark Bowdan ayaa hadal uu u jeediyay Golaha Amaanka ee QM waxaa uu ka sheegay in dalka Soomaaliya oo ka mid yahay ama la oran karo waxaa uu kagaga jiraan safka hore dalalka ay ka taagan yahay xaaladaha dhinaca Bani'adanimada kuwood ugu liita.

7/22/2010 1:55 PM EST
Khamiis, July 22, 2010 (HOL) - Madaxweynaha Soomaaliya Sheekh Shariif Sheekh Axmed ayaa tagay Shalay oo Arbaco ahayd dalka Jaad si uu uga qaybgalo shirkii 12-aad oo ay dalalka Saaxil iyo Saxaaruhu oo ka dhacaya xarunta dalkaas ee N'djamena, kaasoo soconaya muddo laba casho ah.

7/22/2010 1:54 PM EST
Khamiis, July 22, 2010(HOL): Shirweynaha ay isugu yimaadeen Madaxda ururka Midowga Africa ee ka soconaya magaalada Kampala ee dalka Uganda ayaa lagu xusay in waqti kordhin loo sameyn doono ciidamada nabad ilaalinta ee AMISOM ee ku sugan Magaalada caasimadda ah ee Muqdisho.

7/22/2010 11:38 AM EST
Arbaco, July 21, 2010 (HOL) − Taliyaha ciidanka Ilaalada Madaxtooyada Soomaaliya G/sare C/llaahi Cali Caanood ayaa maanta beeniyay inuu isku dhiibay Xarrakatul Shabaabul Mujaahidiin isagoo ka jawaabayay hadal kasoo baxay Afhayeenka dhanka howlgallada ee Xarrakatul Shabaabul Mujaahidiin.

7/22/2010 11:38 AM EST
Arbaco, July 21, 2010 (HOL) − Ra'iisul Wasaaraha Soomaaliya Cumar C/rashiid Cali Sharma'arke ayaa maanta uga qaybgalay Magaalada Muqdisho oo xaflad loogu soo xirayay tababar 800-askari oo ka tirsan ciidanka Booliiska Soomaaliya.

7/22/2010 8:10 AM EST
Khamiis,July 22,2010 (HOL) -Ciidamada amaanka Bosaaso ayaa maalintii Afaraad wada qorshe lagu musaafurinayo dhalinyarada ka soo jeeda koonfurta ee ku sugan degmada ,kuwaasi oo lala xiriirinayo danbiyadii Gobolka ka dhacay Bilihii la soo dhaafay.

7/22/2010 8:07 AM EST
Khamiis, 22 July 2010 (HOL)- Dawladda Itoobiya ayaa sii deysay xubno ka tirsan Jabhadda ONLF ee dagaalka kula jira Dawladda dalkaas.

7/22/2010 8:05 AM EST
Khamiis, 22 July 2010 (HOL)- Maxkamad ku taala dalka Maraykanka ayaa Nin ka soo jeeda Gobolka Virginia ee dalkaas ku xukuntay eedayn loo haystay oo ah in uu dhaqaale ku taageero Xarakatul Shabaabul-Mujaahidiin, isla markaana laba jeer isku dayay in uu u socdaalo dalka Soomaaliya, si uu ugu biiro Al-Shabaab.

7/22/2010 8:04 AM EST
Khamiis, 22 July 2010 (HOL)- Qaramada Midoobay ayaa shaacisay welwel ay ka qabto cunto-la’aanta baahsan ee ka jirta Soomaaliya.