5/11/2021
Today from Hiiraan Online:  _
Wararka Maanta- Khamiis, Feb 12, 2009
Madaafiic lagu weeraray Dekedda Muqdisho oo Dhimasho iyo Dhaawac sababay


Khamiis, February 12, 2009(HOL): Labo Ruux oo ka mid ah Shaqalaha Rayidka ah ee Dekedda Muqdisho ayaa geeriyootay, ku dhawaad 10 kalena dhaawacyo kala duwan ayaa soo gaaray kadib markii maanta madaafiic hoobiyayaal ah lagu weeraray Dekedda Muqdisho.

Madaafiicda Dekedda lagu weeraray oo qaarkood ay gudaha Dekedda ku dhaceen, qaar kalena ay ka gudbeen ayaa waxay  hakad geliyeen dhaqdhaqaaqii Dekedda ka socday, gaar ahaan howlihii dejinta ahaa ee u socday Ganacsatada.

Xiliga Madaafiicda lagu weerarayay Dekedda Muqdisho ayaa waxaa Dekedda ku xirnaa Markab Qalab u sida Ciidamada AMISOM ee Muqdisho ku sugan, waxayna dad arkay qalabkaas ay sheegeen in uu qornaa magaca UN-ka, iyadoo ay xusid mudan tahay in qalabka la dejinayay uu isugu jiray Gaadiid iyo walxo kale oo Konteenarro ku qafilan.

Waa Markii ugu horeysay oo Madaafiic lagu weeraray Dekedda Muqdisho ay dhimasho geystaan, marka laga reebo in ay jireen dad ku dhaawacmay madaafiic Dekedda horay loogu weeraray. Ma jirto ilaa iyo haatan cid sheegatay in ay ka dambeysay madaafiicdaas Dekedda lagu garaacay.

Dekedda Muqdisho oo ay dib u howlgeliyeen Maxkamadihii Islaamka ee Muqdisho ka talinayay bartamihii 2006 kadib dhowr sano oo ay u xirneyd Hoggaamiye Kooxeedyadii Muqdisho ayaa waxaa labadii sano ee ugu dambeysay gacanta ku heysay Dowalddii TFG-da oo saraakiishii u qaabilsaneyd ay ilaa haatan ka shaqeeyaan.

Salaad Iidow Xasan (Xiis), Hiiraan Online
[email protected]
Mogadishu, Somalia












Click here
2/12/2009 7:55 AM EST
Khamiis, 12 February 2009 (HOL): Guddoomiye Ku-xigeenka koowaad ee Xisbiga Mucaaradka ah ee Kulmiye Muuse Biixi Cabdi, ayaa ka digay khatar iyo cawaaqib xumo ka dhalan karta dhaqdhaqaaq la xidhiidha sidii Xilka looga qaadi lahaa Guddoomiyaha Golaha Guurtida Saleebaan Maxamuud Aadan, kaas oo uu tilmaamay inay ku hawlan tahay Madaxtooyadu.

2/12/2009 7:53 AM EST
Khamiis, 12 February 2009 (HOL): Taliyaha Ciidanka Boliska Somaliland Maxamed Saqadhi Dubad ayaa sheegay in ay qabteen koox lagu tuhmay inay qorsheynayeen Falal budhcad-badeednimo.

2/12/2009 6:23 AM EST
Khamiis, February 12, 2009(HOL): Afhayeenka Dhaqdhaqaaqa Al-Shabaab Shiikh Mukhtaar Roobo Cali (Abuu Mansuur) oo maanta shir jaraa’id ku qabtay Magaalada Baydhabo ee Xarunta u ah Gobolka Bay ayaa wuxuu sheegay in aysan jirin wax wada hadallo ah oo dhexmaray isaga iyo Madaxweynaha Soomaaliya Shiikh Shariif Shiikh Axmed.

2/12/2009 5:03 AM EST
Khamiis, February 12, 2009(HOL): Madaxwaynaha DGPL C/raxmaan Maxamed Faroole ayaa shalay gelinkii danbe booqday xeebta Mareero oo laga tahriibiyo dadka doonaya in ay aadaan xeebaha dalka Yemen.

2/12/2009 4:30 AM EST
Khamiis, February 12, 2009(HOL): Jen. Maxamed Nuur Galaal oo ka mid ah Saraakiisha Ciidamadii Xoogga Dalka Soomaaliyeed ayaa wuxuu ka hadlay dowladda cusub ee loo soo dhisay Soomaaliya.

2/12/2009 4:22 AM EST
Khamiis, February 12, 2009(HOL): Ciidamada Badda Mareykanka ee ku sugan Xeebaha Soomaaliya ayaa waxay gacan ku dhigeen 7 Burcad Badeed Soomaali ah oo doonayay in ay af-duubtaan Doon ganacsi oo mareysay Gacanka Cadmeed.

2/12/2009 4:20 AM EST
Khamiis, February 12, 2009(HOL): Xisbiga la magac-baxay Xisbul Islaam oo ay ku midoobeen afar kooxood oo ka tirsan Kooxaha ka dagaallama Soomaaliya ayaa wuxuu shaaca ka qaaday in uu maamul Islaami ah u sameeyay Gobolka Gedo.

2/12/2009 4:17 AM EST
Khamiis, February 12, 2009(HOL): Waxaa saaka hawada dib ugu soo noqotay Isgaarsiintii Degmada Xudur ee Gobolka Bakool ku xiri jirtay guud ahaan caalamka iyo gaar ahaan gobollada kale ee Dalka Soomaaliya.

2/12/2009 4:14 AM EST
Khamiis, February 12, 2009(HOL): Saddexda Xisbi Siyaasi iyo Guddida Doorashooyinka Somaliland ayaa si wada-jir ah Qalinka ugu duugay Heshiis nuxurkiisu yahay hawlgelinta Agabka kaydinta iyo kala saaridda dadkii is-diiwaangeliyay (Server) iyo qaabka loo waajayo.

2/12/2009 4:11 AM EST
Khamiis, February 12, 2009(HOL): Kadib markii ganacsatadada yar-yar ee Wadankan u dhalatay ay cadaadis kala kulmeen shruuc ay dowladda kusoo rogtay oo ah in ay shatiyo u sameystaan goobaha ay ku ganacsadaan khaasatan goobaha lagu iibiyo qamriga oo dowladdu ay ku soo rogtay in goobahaasi la xiro haddii aysan laheyn waraaqo ogolaasho ah oo dowladda ka socda.