5/11/2021
Today from Hiiraan Online:  _
Wararka Maanta- Khamiis, Feb 12, 2009
Xisbiga Kulmiye oo ka digay in Xilka laga qaado Guddoomiyaha Golaha Guurtida Somaliland


Khamiis, 12 February 2009 (HOL): Guddoomiye Ku-xigeenka koowaad ee Xisbiga Mucaaradka ah ee Kulmiye Muuse Biixi Cabdi, ayaa ka digay khatar iyo cawaaqib xumo ka dhalan karta dhaqdhaqaaq la xidhiidha sidii Xilka looga qaadi lahaa Guddoomiyaha Golaha Guurtida Saleebaan Maxamuud Aadan, kaas oo uu tilmaamay inay ku hawlan tahay Madaxtooyadu.

Muuse Biixi oo shalay galab shir jaraa’id ku qabtay xarunta xisbiga Kulmiye ee Hargeysa, wuxuu ka hadlay mooshinka xil-ka-qaadista Guddoomiyaha Guurtida, siidaynta laba Nin oo dhawaan lagu qabtay Gantaalaha Lidka diyaaraddaha oo Xukuumadda Somaliland sheegtay inay xoriyadoodii u celisay, aragtida Somaliland ee isbedelka siyaasaddeed ee Soomaaliya iyo arrimo kale.

“Waxaynu ku jirnaa doorashadii, maantana (shalay) waxay saddexda Xisbiba xareeyeen Murashaxiintii doorashada Madaxtooyada u sharaxnayd, shalayna (doraad) waxaa la saxeexay heshiiskii tiro-koobka lagu hufayay ama lagu shaandhaynayay, dalku wuxuu ku jiraa doorashadii ugu weynayd oo ah ta Madaxtooyada. Markaa maanta hay’ad walba, qof walba iyo urur walba waxaa waajib qararn ah inuu Nabadgelyada ilaaliyo, wixii dhexdiisa ahna dhulka dhigo oo aynu dhamaanteen u jeedsano si Nabadgelyo iyo degenaansho inoogu dhacdo doorashada Madaxtooyadu.” Sidaa ayuu yidhi Muj. Muuse Biixi. Wuxuuna intaa raaciyay, “Markaynu Distoorka eegno, dalka labada hay’addood ee ugu sareeyaa waa Madaxtooyada iyo Golaha Guurtida, baratakoolka (maamuuska) koowaadna waxaa leh Madaxtooyada iyo Shirguddoonka Guurtida. Waxaa nasiib-daro ah, oo aan caqliga geli karayn oo aan waqtigeedii ahayn in maanta laga bilaabo olole in Shirguddoonka Guurtida la bedelo.

Dalku ma qaadi karo in labada hay’addood ee ugu sareeyaa isku waqti doorasho galaan, taasna Distoorkeenu wuu kasii talogalay in labadaa hay’addood marna isku sannad doorasho wada gelin, waayo cimriga Madaxtooyadana waxaa laga dhigay shan sannadood ka Guurtidana lix sannadood, ujeedaduna waxa weeye waa labadii hay’addood ee dalka ugu sareeyayoo waa in midi joogtaa, midna doorashada ku jirtaa. Waxaanu u aragnaa arrintaas cida ka talisa iyo cida ka dambaysa in aanay Somaliland u danaynayn. Waxay u muuqataa inuu cadow sawaabani soo gacan geliyay oo uu inoo dhigay qorshe ah in umaddu khalkhal siyaasi ah iyo doorashooyin mar qudha wada gasho. Waxaan leeyahay cida arrintaas soo abaabushay waa cid aan ka fekerin nuxurka danta Somaliland siyaasiyan iyo Nabadgelyo ahaanba. Sidaa darteed, waxaanu si qaylo dheer ugu baaqaynaa cida arrintaa abaabulaysa inay maanta cagta u dhigaan, waayo marka hore waxay carqaladaynayaan doorashada Madaxtooyada, mar labaadka waxay gilgilayaan doorashada Golaha Guurtida, mar saddexaadkana haddii maanta aynu doorashada galno (Madaxtooyada) wax soo bixi doona ma garanayno, taasina inoo dan maaha.” Ayuu yidhi Muuse Biixi Cabdi.

Guddoomiye Ku-xigeenka xisbiga Kulmiye, waxa uu sheegay in xisbi ahaan Guddoomiyaha Golaha Guurtidu ahaa ninkii ugu adkaa ee ka soo horjeeday, sidaa darteedna khilaafkan Saleebaan-gaal iyo Madaxtooyada ay uga faa’iidaysan karaan hab siyaasi ah, balse ay ka eegayaan danta guud ee qaranka.

“Annaga Kulmiye ahaan, Shirguddoonka Guurtida tusaale ahaan Saleebaan oo kale waa ninkii ugu adkaa ee naga soo horjeeday. Haddii aanu dantayada siyaasiga ah ka eegi lahayn oo Kulmiye ahmiyada siiyo sidii aad u qaangaadhaan xisbigu, ee aanaan tu qaran ka eegayn waxaanu odhan lahayn UDUB baa is haysata oo Shirguddoonkii la leeyahay hakala ridato, haynoo kala jabto, laakiin taas uma aragno……Saleebaan waa ninkii ugu adkaa ee naga soo horjeeday ee doorashadii hore la wada ogaa inuu ahaa ninkii 80% hirgeliyay in UDUB guulaysato, maantana Shirguddoon iyo awoodaa u leh. Markaa haddii aanu dan siyaasi ah oo timi ka ka eegayno waxaanu odhan lahayn waaba fursade ka faa’iidaysta, laakiin uma aragno taas. Danta qaranku laba doorasho oo Guurti iyo Madaxtooyo ma geli kartee halaga daayo ayaanu leenahay.” Sidaa ayuu yidhi Muj. Muuse Biixi.  Waxaanu intaa ku daray oo uu yidhi, “Waxaanu soo jeedinaynaa Guurtidu hadday Shirguddoonkeeda bedelayso ha sugto inta doorashada Madaxtooyada la qabanayo, ha noqoto sidii xeerku ahaa ee loo dhigtay halka hadhowto muranka kala saaraysa. Odayaasha Guurtida hadday ha hoostay, haddii loo soo dhiibay iyo hadday meel soke wax ka eegeen dib hawga fiirsadaan, hana sugaan doorashada Madaxtooyada wixii ka dambeeyay”.

Barkhad M. Kaariye  Hiiraan Online
[email protected]
Hargeisa, Somaliland












Click here
2/12/2009 10:05 AM EST
Khamiis, February 12, 2009(HOL): Labo Ruux oo ka mid ah Shaqalaha Rayidka ah ee Dekedda Muqdisho ayaa geeriyootay, ku dhawaad 10 kalena dhaawacyo kala duwan ayaa soo gaaray kadib markii maanta madaafiic hoobiyayaal ah lagu weeraray Dekedda Muqdisho.

2/12/2009 7:53 AM EST
Khamiis, 12 February 2009 (HOL): Taliyaha Ciidanka Boliska Somaliland Maxamed Saqadhi Dubad ayaa sheegay in ay qabteen koox lagu tuhmay inay qorsheynayeen Falal budhcad-badeednimo.

2/12/2009 6:23 AM EST
Khamiis, February 12, 2009(HOL): Afhayeenka Dhaqdhaqaaqa Al-Shabaab Shiikh Mukhtaar Roobo Cali (Abuu Mansuur) oo maanta shir jaraa’id ku qabtay Magaalada Baydhabo ee Xarunta u ah Gobolka Bay ayaa wuxuu sheegay in aysan jirin wax wada hadallo ah oo dhexmaray isaga iyo Madaxweynaha Soomaaliya Shiikh Shariif Shiikh Axmed.

2/12/2009 5:03 AM EST
Khamiis, February 12, 2009(HOL): Madaxwaynaha DGPL C/raxmaan Maxamed Faroole ayaa shalay gelinkii danbe booqday xeebta Mareero oo laga tahriibiyo dadka doonaya in ay aadaan xeebaha dalka Yemen.

2/12/2009 4:30 AM EST
Khamiis, February 12, 2009(HOL): Jen. Maxamed Nuur Galaal oo ka mid ah Saraakiisha Ciidamadii Xoogga Dalka Soomaaliyeed ayaa wuxuu ka hadlay dowladda cusub ee loo soo dhisay Soomaaliya.

2/12/2009 4:22 AM EST
Khamiis, February 12, 2009(HOL): Ciidamada Badda Mareykanka ee ku sugan Xeebaha Soomaaliya ayaa waxay gacan ku dhigeen 7 Burcad Badeed Soomaali ah oo doonayay in ay af-duubtaan Doon ganacsi oo mareysay Gacanka Cadmeed.

2/12/2009 4:20 AM EST
Khamiis, February 12, 2009(HOL): Xisbiga la magac-baxay Xisbul Islaam oo ay ku midoobeen afar kooxood oo ka tirsan Kooxaha ka dagaallama Soomaaliya ayaa wuxuu shaaca ka qaaday in uu maamul Islaami ah u sameeyay Gobolka Gedo.

2/12/2009 4:17 AM EST
Khamiis, February 12, 2009(HOL): Waxaa saaka hawada dib ugu soo noqotay Isgaarsiintii Degmada Xudur ee Gobolka Bakool ku xiri jirtay guud ahaan caalamka iyo gaar ahaan gobollada kale ee Dalka Soomaaliya.

2/12/2009 4:14 AM EST
Khamiis, February 12, 2009(HOL): Saddexda Xisbi Siyaasi iyo Guddida Doorashooyinka Somaliland ayaa si wada-jir ah Qalinka ugu duugay Heshiis nuxurkiisu yahay hawlgelinta Agabka kaydinta iyo kala saaridda dadkii is-diiwaangeliyay (Server) iyo qaabka loo waajayo.

2/12/2009 4:11 AM EST
Khamiis, February 12, 2009(HOL): Kadib markii ganacsatadada yar-yar ee Wadankan u dhalatay ay cadaadis kala kulmeen shruuc ay dowladda kusoo rogtay oo ah in ay shatiyo u sameystaan goobaha ay ku ganacsadaan khaasatan goobaha lagu iibiyo qamriga oo dowladdu ay ku soo rogtay in goobahaasi la xiro haddii aysan laheyn waraaqo ogolaasho ah oo dowladda ka socda.