5/11/2021
Today from Hiiraan Online:  _
Wararka Maanta- Khamiis, Feb 12, 2009
Cabsi aad u weyn oo soo food saartay Ganacsatada Soomaaliyeed ee ku dhaqan Dalkan Koofur Afrika


Khamiis, February 12, 2009(HOL): Kadib markii ganacsatadada yar-yar ee Wadankan u dhalatay ay cadaadis kala kulmeen shruuc ay dowladda kusoo rogtay oo ah in ay shatiyo u sameystaan goobaha ay ku ganacsadaan khaasatan goobaha lagu iibiyo qamriga oo dowladdu ay ku soo rogtay in goobahaasi la xiro haddii aysan laheyn waraaqo ogolaasho ah oo dowladda ka socda.
 
Taas ayaa sababtay in caradii ay dowladda u qabeen ay kaa dul dhaceen ganacsatada Soomaalida ah iyo kuwa kale ee ajnabiga ah oo ay ku eedeeyeen in dowladdu aanay wax cadaadis ah saarin ganacsigooda.
Goobaha ay cabsida weyni ka taagan tahay ayaa waxa ka mid ah tuulooyinka iyo xaafadaha ku xeeran magaalada Cape Town.
 
Mar aan qadka taleefanka kula xiriiray ganacsade Soomaaliyeed oo magaciisa la yiraahdo Ismaaciil Maxamed ( Jawiil ) oo dagan xaafadda DUNNUN ee ku taala duleedka magaalada Cape Town ayaa waxa uu HOL u sheegay in ay cabsi weyn qabaan xaaladduna  ay aad u kacsantahay, ganasatada badankooduna ay halkaasi ka rarteen alaabahoodii u yaalay dukaamada iyo xaafadihii ay daganaayeen inta hartayna ay iyaguna isku diyaarinayaan sidii ay u guuri  lahaayeensaacadaha soo socda.
 
Ciidamada booliska Koofur Afrika ayaa ilaalinaya ammaankooda inta ay ka guurayaan halkaasi waayo boolisku sida ay u sheegeen dadka halkaasi ka qaxaya waa ay ku adag tahay in ay hor istaagaan haddii dadka deegaanku ay bilaabaan in ay wax boobaan.
 
Haddaba waxaa xiisadda sii kiciyay milkiilayaasha iyo darawaliinta gaadiidka dadweynaha oo shaqo ka fariisi ku jira taasoo sababtay in dadkii magaalooyinka waa weyn u shaqo tegi lahaa ay waayeen gaadiid ay isticmaalaan oo ay wadooyinka xaafadaha koox-koox u socdaan iyagoo ku dhawaaqaya ereyo ka dhan ah dadka ajnabiga ah.

Sidii horayba u dhacday sanaddii aynu soo dhaafnay  kumanaan goobood oo ganacsi iyo guryo isugu jira oo  ay shisheeye  leeyihiin  ayaa cagta la mariyay iyadoo ay xusid mudan tahay in la dilay oo naftooda la dhaafiyay 70 ruux.
 
Sanadkan 2009ka dilka Soomaalida loogu geystay dalka Koofur Afrika  waxaa uu gaarayaa ilaa 7 ruux oo saddex ka mid ah lagu dilay xaafado ka tirsan magaalda Cape Town, waxaana ugu dambeeyay dilkii 4 maalmood kahor loo geystay alle ha’u naxariistee marxuun Axmed AbuukarXuseen oo lagu dhex toogtay dukaankiisa oo ku yaalay xaafada DELAFT oo ku taala duleedka magaalada Cape Town.

Faarax Daahir, Hiiraan Online
[email protected]
Cape Town, South Africa












Click here
2/12/2009 10:05 AM EST
Khamiis, February 12, 2009(HOL): Labo Ruux oo ka mid ah Shaqalaha Rayidka ah ee Dekedda Muqdisho ayaa geeriyootay, ku dhawaad 10 kalena dhaawacyo kala duwan ayaa soo gaaray kadib markii maanta madaafiic hoobiyayaal ah lagu weeraray Dekedda Muqdisho.

2/12/2009 7:55 AM EST
Khamiis, 12 February 2009 (HOL): Guddoomiye Ku-xigeenka koowaad ee Xisbiga Mucaaradka ah ee Kulmiye Muuse Biixi Cabdi, ayaa ka digay khatar iyo cawaaqib xumo ka dhalan karta dhaqdhaqaaq la xidhiidha sidii Xilka looga qaadi lahaa Guddoomiyaha Golaha Guurtida Saleebaan Maxamuud Aadan, kaas oo uu tilmaamay inay ku hawlan tahay Madaxtooyadu.

2/12/2009 7:53 AM EST
Khamiis, 12 February 2009 (HOL): Taliyaha Ciidanka Boliska Somaliland Maxamed Saqadhi Dubad ayaa sheegay in ay qabteen koox lagu tuhmay inay qorsheynayeen Falal budhcad-badeednimo.

2/12/2009 6:23 AM EST
Khamiis, February 12, 2009(HOL): Afhayeenka Dhaqdhaqaaqa Al-Shabaab Shiikh Mukhtaar Roobo Cali (Abuu Mansuur) oo maanta shir jaraa’id ku qabtay Magaalada Baydhabo ee Xarunta u ah Gobolka Bay ayaa wuxuu sheegay in aysan jirin wax wada hadallo ah oo dhexmaray isaga iyo Madaxweynaha Soomaaliya Shiikh Shariif Shiikh Axmed.

2/12/2009 5:03 AM EST
Khamiis, February 12, 2009(HOL): Madaxwaynaha DGPL C/raxmaan Maxamed Faroole ayaa shalay gelinkii danbe booqday xeebta Mareero oo laga tahriibiyo dadka doonaya in ay aadaan xeebaha dalka Yemen.

2/12/2009 4:30 AM EST
Khamiis, February 12, 2009(HOL): Jen. Maxamed Nuur Galaal oo ka mid ah Saraakiisha Ciidamadii Xoogga Dalka Soomaaliyeed ayaa wuxuu ka hadlay dowladda cusub ee loo soo dhisay Soomaaliya.

2/12/2009 4:22 AM EST
Khamiis, February 12, 2009(HOL): Ciidamada Badda Mareykanka ee ku sugan Xeebaha Soomaaliya ayaa waxay gacan ku dhigeen 7 Burcad Badeed Soomaali ah oo doonayay in ay af-duubtaan Doon ganacsi oo mareysay Gacanka Cadmeed.

2/12/2009 4:20 AM EST
Khamiis, February 12, 2009(HOL): Xisbiga la magac-baxay Xisbul Islaam oo ay ku midoobeen afar kooxood oo ka tirsan Kooxaha ka dagaallama Soomaaliya ayaa wuxuu shaaca ka qaaday in uu maamul Islaami ah u sameeyay Gobolka Gedo.

2/12/2009 4:17 AM EST
Khamiis, February 12, 2009(HOL): Waxaa saaka hawada dib ugu soo noqotay Isgaarsiintii Degmada Xudur ee Gobolka Bakool ku xiri jirtay guud ahaan caalamka iyo gaar ahaan gobollada kale ee Dalka Soomaaliya.

2/12/2009 4:14 AM EST
Khamiis, February 12, 2009(HOL): Saddexda Xisbi Siyaasi iyo Guddida Doorashooyinka Somaliland ayaa si wada-jir ah Qalinka ugu duugay Heshiis nuxurkiisu yahay hawlgelinta Agabka kaydinta iyo kala saaridda dadkii is-diiwaangeliyay (Server) iyo qaabka loo waajayo.