9/26/2022
Today from Hiiraan Online:  _
Wararka Maanta- Sabti, Jan 24, 2009
15 Ruux oo ku geeriyootay Qarax is-miidaamin ah oo Muqdisho ka dhacay iyo Ciidamada Amisom oo Duqeeyay Suuqa Bakaaraha

Sabti, January 24, 2009(HOL): Qarax is-miidaamin ah oo khasaare xooggan geystay ayaa wuxuu maanta ka dhacay Wadada Makka Al-Mukarrama ee Magaalada Muqdisho, iyadoo qaraxaasna lala eegtay Ciidamada Amisom ee Wadadaas ku sugan.

Inta la xaqiijiyay 15 ruux ayaa qaraxaas ku geeriyooday, kuwaasi oo 14 ka mid ah ay ahaayeen Dad Rayid ah oo la socday gaari BL ah oo Wadadaas socday, halka ruuxa kalena uu ahaa askari ka tirsan Ciidamada Dowladda Federaalka oo joojiyay gaari waxyaabaha qarxa laga soo buuxiyay oo marayay nawaaxiga Gurigii Shaqaalaha ee Wadada Makka Al- Mukarrama.

Guddoomiye ku xigeenka maamulka Gobolka Banaadir C/fataax Ibraahim Shaawey oo daqiiqado kadib gaaray goobta qaraxa ka dhacay ayaa sheegay in uu arkay dadka dhintay ee rayidka ahaa, wuxuuna wax laga xumaado ku tilmaamay in la bartilmaameedsado Dadka Rayidka ah.

Rasaas ay qaraxaas kadib fureen Ciidamada Amisom ee ku sugan Wadada Makka Al-Mukarrama ayaa waxay sababtay dhaawac soo gaaray dad ka dhawaa halka qaraxa ka dhacay, kuwaasi oo dhaawacooda loola cararay Isbitaallada Magaalada Muqdisho.

Dhanka kalena, iska hor-imaad ka dhacay nawaaxiga Isgoyska KM4 ayaa wuxuu sababay inay Ciidamada Amisom duqeeyaan Suuqa Bakaaraha, iyadoo duqeyntaasna ay geysatay dhaawac soo gaaray dad ku sugnaa Suuqa Bakaaraha gudahiisa iyo daafahiisa.

Cali Muuse oo ka mid ah samafalayaasha la shaqeeya gaadiidka gargaarka deg dega ah ee Muqdisho ka howlgala aayaa sheegay in ay Suuqa Bakaaraha iyo nawaaxigiisa ka qaadeen dad  dhaawacyo kala duwan qaba oo gaaraya 23 ruux, kuwaasi oo 7 ka mid ah ay ahaayeen caruur yar yar oo ay guryahooda ugu tageen madaafiicdii ay Ciidamada Amisom ku duqeeyeen Suuqa Bakaaraha.

Duqeyntan khasaaraha geysatay ee ay Ciidamada Amisom ka geysteen Suuqa Bakaaraha ayaa waxay ku soo beegmeysaa iyadoo Wasiirka Gaashaanshigga Uganda Dr. Crispus Kiyonga  uu sheegay in ay Midowga Afrika ka doonayaan 14 Milyan Doollar, taasi oo loogu qiimeynayo hubkii ay ku isticmaaleen Magaalada Muqdisho labadii sano ee aynu ka soo gudubnay.

Haddaba waxaa cajiib ah in Dowladda Uganda ay warsaneyso Midowga Afrika  lacag mag-dhow ah oo ay ku rabto hub ay ku isticmaashay Magaalada Muqdisho, kaasi oo qaarkiis la ogyahay in uu galaaftay nolosha dad badan oo Soomaaliyeed, kuwaasi oo aaney jirin cid u doodeysa in mag-dhow laga bixiyo.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
1/24/2009 11:27 AM EST
Sabti, January 24, 2009(HOL): Taliyaha Ciidanka Booliska Soomaaliyeed Jen. Cabdi Xasan Cawaale Qeybdiid oo shir jaraa’id ku qabtay Xarunta Taliska Booliska ayaa shaaca ka qaaday in qofkii fuliyay qarax is-miidaamin ah oo maanta ka dhacay Wadada Maka Al-Mukarrama uu ahaa nin Ajnabi ah.

1/24/2009 6:32 AM EST
Sabti, January 24, 2009(HOL): Wararka naga soo gaaraya magaalada Djibouti ee dalka Jibouti ayaa waxay sheegayaan in ay wanaagsan tahay rajada laga qabo in halkaas lagu soo dhiso Dowlad-Midnimo-Qaran oo baarlamaankeeda uu ka kooban yahay 550 Mudane.

1/24/2009 3:32 AM EST
Sabti, January 24, 2009(HOL): Wararka naga soo gaaraya magaalada Baydhabo ee xarunta u ah Gobolka Bay ayaa waxay sheegayaan in saaka ay magaaladaas ka amba baxeen Xildhibaannadii ugu dambeeyay oo ka tirsan Baarlamaanka Soomaaliya,kuwaasi oo ku sii jeeda dalka Jibouti.

1/24/2009 3:32 AM EST
Sabti, January 24, 2009(HOL): Waxaa shalay garoonka Kubadda Kolayga 1-da Luulyo (Ex-Luujino) ka dhacday ciyaar ka tirsaneyd horyaalka 25aad ee Kubadda Kolyaga Soomaaliya.

1/24/2009 3:31 AM EST
Sabti, January 24, 2009(HOL): Isbitaalka Hooyada iyo Dhallaanka SOS oo adeegyadiisa caafimaad ay gaabis noqdeen intii ay Ciidamada Itoobiyaanka deganaayeen Warshadda Baastada iyo Xeyla Bariise ayaa haatan howshiisa si caadi ah u bilaabay.

1/24/2009 3:30 AM EST
Sabti, January 24, 2009(HOL): Waxgarad iyo Odayaal ku howlanaa maalmihii aynu ka sooo gudubnay sidii xal loogu heli lahaa dagaallo khasaare badan geystay oo ka dhacay Degmooyinka Wadajir iyo Dharkeenley ayaa waxay sheegeen in uu dadaalkooda waan waanta ah meel wanaagsan u marayo.

1/24/2009 3:27 AM EST
Sabti, January 24, 2009(HOL): Bilihii ugu dambeeyay waxaa mar kale soo cusboonaaday dagaallo u dhaxeeya Beelaha Abgaal iyo Xawaadle oo kala dega Goballada Shabeelada dhexe iyo Hiiraan, waxaana inta la og-yahay tan iyo wixii ka danbeeyay hishiis ay horay u gaareen ku dhawaad 20 ruux kadib markii ay weerarro gaadmo ah ay ku qaadeen kooxo hubeysan oo ka soo kala jeeda labada dhinac.

1/24/2009 3:20 AM EST
Sabti, January 24, 2009(HOL): Xafladan Caawa lagu Maamuusayay ka bixitaanka Ciidamada Itoobiya Dalka laguna taagerayay Hanaanka Nabada Jabuuti ,waxaa soo agaasimay Jaaliyadda Soomaaliyeed ee ku nool magaalada Qaahira.

1/24/2009 3:12 AM EST
Sabti, January 24, 2009(HOL): Waxaa manta magalada kuala lumpur ee caasimada dalka Malaysia lagu aasay marxuud C/khadar C/qaadir Saciid oo kamid ahaa ardeyda Soomaaliyeed ee tacliinta u joogta dalkaan, kaas oo maalintii shalay aheed ugeeriyooday dhawac aad u halis ahaa oo ey ugeesteen qolyo naxariis lawayaal ah oo kamid hindida madowga ee u dhalatay dalkaan Malaysia oo sida la sheegay ey is gaareen.