3/29/2024
Today from Hiiraan Online:  _
Wararka Maanta- Sabti, Mar 15, 2008
Dagaal ka dhacay Magaalada Muqdisho

Sabti, March 15, 2008(HOL): Dagaal xooggan oo la isugu adeegsaday hubka culus iyo midka fudud ayaa goor dhaweyd waxaa uu ka dhacay xaafado ka mid ah Degmada Yaaqshid, gaar ahaan nawaaxiga Fariisimo ay Ciidamo Itoobiyaan ah ku leeyihiin Warshaddii Baastada iyo Warshaddii Xeyla Bariise.

Dagaalkan oo madaafiicda la isugu adeegsanayo, lagana maqlayay xaafado ka mid ah Magaalada Muqdisho oo ka fog halka uu dagaalka ka dhacay ayaa wuxuu dhexmaray Ciidamo Itoobiyaan ah iyo Kooxo hubeysan oo ka soo horjeeday.

Sidoo kalena, waxaa la soo sheegayaa in uu iska hor-imaad kale caawa ka dhacay fariisin ay Ciidamada Itoobiya ku leeyihiin Xeradii Maslax oo dhanka Waqooyi kaga toosan Suuqii Xoolaha ee magaalada Muqdisho, iyadoo dagaalkaasina sidoo kale la isugu adeegsaday hub culus.

Lama oga ilaa iyo haatan khasaaraha uu dagaalkan geystay, waxaana taasi ugu wacan iyadoo xiliga uu dagaalka dhacay ay ahayd xili uu sii dumayay gabalka, isla markaana ay dadkii deganaa mar hore ka barakaceen halka uu dagaalka ka dhacay.

Magaalada Muqdisho ee Caasimadda Dalka Soomaaliya ayaa marka habeenkii la gaaro waxaa ka dhaca iska hor-imaadyo dhexmara Ciidamada Dowladda Federaalka iyo kuwa Itoobiya oo isku dhinac ah iyo kooxo hueysan oo ka soo horjeeda, iyadoo iska hor-imaadyadaasna ay sii socdaan muddo sanad iyo dheeraad ah.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/15/2008 12:55 PM EST
Sabti, March 15, 2008(HOL): Isbaheysiga Dib u Xoreynta Soomaaliya ayaa shaaca ka qaaday in shirkii dhawaan ka dhacay Magaalada Entebbe ee Dalka Uganda aaney jirin cid uga qeybgashay oo Isbaheysiag meteleysay.

3/15/2008 12:14 PM EST
Sabti, March 15, 2008(HOL): Qof Rayid ah ayaa geeriyooday, Seddex kalena waa ay dhaawacmeen kadib markii ay haleeshay rasaas ay rideen Ciidamo ka amar qaata Dowladda Federaalka Soomaaliya oo ku sugan Isgoyska Howl-Wadaag oo inta badan laga galo Suuqa Bakaaraha.

3/15/2008 11:52 AM EST
Sabti, March 15, 2008(HOL): Xaafado ka mid ah magaalada Hargeysa ayaa, markale lagu arkay meydka Waraabe qoorta laga jaray oo lagu tuuray xaafad ka mid ah magaalada dhexdeeda, taas oo dadweynaha xaafaddaas argagax iyo baqdin gelisey.

3/15/2008 11:47 AM EST
Sabti, March 15, 2008(HOL): Tuuladda Ceel-baraf ee Gobalka Shabelada dhexe ayaa waxaa lagu qabtay kulan qaatay Muddo labo cisho ah oo ay ka wadda qeyb-galeen odayaal iyo wax-garad ka kala tirsan Beelaha Xawaadle iyo Abgaal kaa oo lagu soo gabo gabeeyay hishiis kama danbeys ah oo ay gaareen Wax-garadka labada Beelood.

3/15/2008 11:07 AM EST
Sabti, March 15, 2008(HOL): Banaanbaxyo lagu taageerayay baaqii dib u heshiisiinta ahaa ee uu dhawaanahan sii deynayay Ra’iisal Wasaare Nuur Cadde ayaa maant a ayaa maanta wuxuu ka dhacay degmooyin ka tirsan Gobolka Shabeelaha Hoose.

3/15/2008 11:05 AM EST
Sabti, March 15, 2008(HOL): Qiimo koror ku yimid Shidaalka ayaa waxaa uu saameyn ku yeeshay Dadka ku dhaqan Magaalada Muqdisho, gaar ahaan kuwa heysta adeegyada aan isticmaalkooda looga maarmeynin Korontada.

3/15/2008 10:58 AM EST
Sabti, March 15, 2008(HOL): Shirkii ay madaxda Wadamada Islaamka ku yeesheen Dalka Senegal ayaa waxaa looga hadlay arrimaha dalka Soomaaliya, iyadoo gunaanadkii shirkaasna laga soo saaray baaq ku saabsan in wax laga qabto xaaladda dalka Soomaaliya.