3/28/2024
Today from Hiiraan Online:  _
Wararka Maanta- Khamiis, Feb 21, 2008
Dadka Degmada Waaberi oo ka cabanaya rag ku labisan Dharka Ciidamada Dowladda oo dhac u geysta

Khamiis, 21 February, 2008(HOL): Dadka ku dhaqan Degmada Waaberi ee gobolka Banaadir ayaa waxay qaati ka joogaan Rag ku labisan Dharka Ciidamada Dowladda Federaalka Soomaaliya oo habeenkii dhac u geysta.

Raggan ku labisan dharka Ciidamada Dowladda ayaa marka habeenkii la gaaro waxay falal dhac ah u geystaan dadka socotada ah iyo kuwa mehradaha ganacsi ku leh Degmada Waaberi, ilaa iyo haatanna ma jirto tallaabo laga qaaday raggaas.

Qaar ka mid ah Dadka Degmadaas ayaa waxay sheegen in ay Raggani ay yihiin Ciidamo ka amar qaata Dowladda Federaalka Soomaaliya oo welibana ka soo baxa Saldhigga Degmada Waaberi iyo Xarunta CID-da ee Degmada Hodan, iyadoo dadkani qaarkood ayba sheegeen in ay garanayaan dadka dhaca u geysta.

"Degmada Waaberi waxaa isugu darsamay Tuuggo Qoryo dadka ku dhaceysa iyo kuwo Derbi-ka-boodooy ah oo habeenkii marka la seexdo guryaha u soo booda, kuwa aan hubeysneyn waan la dagaalami karnaa oo waan iska celin karnaaye yaa naga qabanaya kuwa ka tirsan Dowladda Federaalka"sidaas waxaa tiri Faadumo Cabdi Shiikh oo ka mid ah Dadka ku dhaqan agagaarka Masjidka Muuse Boqor ee Degmada Waaberi.

Magaalada Muqdisho ayaa waxaa ku soo badanaya cabashooyinka laga soo gudbinayo rag ku labisan Dharka Ciidamada Dowladda Federaalka oo hadana dadka dhac u geysta, mana jiraan  ilaa iyo haatan wax tallaabo ah oo ay arrintan ka qabteen talisyada ay ka tirsan yihiin Ciidamadan la sheegayo inay dhaca geysteen.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
2/21/2008 8:47 AM EST
Khamiis, February 21, 2008(HOL): Dagaal xooggan ayaa maanta wuxuu ka dhacay Deegaanka Suuqa Xoolaha ee Degmada Huriwaa, iyadoo dagaalkaasina uu u dhaxeeyay Ciidamada Dowladda Federaalka Soomaaliya iyo Kooxo hubeysan oo ka soo horjeeda.

2/21/2008 8:43 AM EST
Khamiis, February 21, 2008(HOL): Ciidamo ka amar qaata Dowladda Federaalka Soomaaliya ayaa maanta markii labaad waxay gudaha u galeen Suuqa Bakaaraha oo ah Suuqa ugu weyn Soomaaliya.

2/21/2008 8:34 AM EST
Khamiis, February 21, 2008(HOL): Idaacadda Horn Afrik oo ka mid ah Idaacadaha sida weyn looga dhegeysto dalka Soomaaliya gudahiisa iyo Dibaddiisa ayaa waxay hawada ka maqan tahay dhwor maalmood

2/21/2008 3:21 AM EST
Khamiis, 21 February, 2008(HOL): Safiirka Dowladda Koofur Afrika u fadhiya Qaramada Midoobay Ambassador Dumisani Kumalo ayaa golaha Ammaanka ee Qaramada Midoobay ku eedeeyay in uu ka cago-jiido arrinta Soomaaliya mar kasta oo la yiraahdo ha laga hadlo.

2/21/2008 3:19 AM EST
Khamiis, 21 February, 2008(HOL): Ugaas Maxamed Weli oo ka mid ah Xubnaha Isbaheysiga Dib u xoreynta Soomaaliya ayaa ugu baaqay Ciidamada Amisom in ay muddo 25 maalmood ah uga baxaan Soomaaliya, isagoo haddii ay ka bixi waayaana sheegay in ay jab iyo halaag la kulmi doonaan.

2/21/2008 3:16 AM EST
Khamiis, 21 February, 2008(HOL): Dagaal u dhaxeeyay Ciidamada Dowladda iyo kuwa Itoobiya oo isku dhinac ah ayaa saaka ka dhacay Deegaanka Suuqa Xoolaha ee Degmada Huriwaa.

2/21/2008 3:13 AM EST
Khamiis, 21 February, 2008(HOL): Waxaa ku sugan Magaalada Addis Ababa ee Dalka Itoobiya Ra'iisal Wasaarihii hore ee Dowladda Federaalka Soomaaliya Prof. Cali Maxamed Geeddi, kaasi oo la sheegay in uu halkaas ku tegay casuumaad uu ka helay Madaxda Dowladda Federaalka Itoobiya.