11/29/2020
Today from Hiiraan Online:  _
Wararka Maanta- Khamiis, Mar 20, 2008
Maamul Goboleedka Puntland oo sheegay in uu bilaabayo Baarista Shidaalka ku jira Deegaanada uu ka taliyo


Khamiis, March 20, 2008(HOL): Maamul Goboleedka Puntland ayaa wuxuu shaaca ka qaaday in uu bilaabayo baaritaan uu ku sameynayo shidaalka ku jira deegaannada uu ka taliyo.
 
Wasiirka Tamarta iyo Macdanta Maamulka Puntland Xasan Cusmaan Aloore ayaa sheegay in Shirkado shidaalka baara oo ku sugan Magaalada Garowe ay dhawaan bilaabi doonaan baaris ku saabsan shidaalka ku jira deegaannada Puntland.

Wasiirka waxaa uu sheegay in Wasaaraddiisa ay diyaarineyso nabadgelyada Shaqaalaha Hay’adaha Shidaalka baaraya, sidoo kalena ay ka shaqeyn doonto shuruucda u degsan baarista Shidaalka, wuxuuna caddeeyay in ay howshaas haatan si wanaagsan u socoto.

“Horay ayaa loo baaray meelaha haatan Shidaal qodista laga bilaabayo, dhaawaan ayaana lagu bilaabi doonaa Riigagga lagu qodaya Shidaalka”ayuu yiri Wasiirka Tamarta iyo Macdanta Puntland Xasan Cusmaan Aloore.

Wasiirka oo sii hadlayay waxaa uu sheegay in ay arrimaha soo saarista Shidaalka ay kala hadleen Dowladda Federaalka Soomaaliya, wuxuuna caddeeyay in ay Dowladda ka heystaan Qoraal caddeynaya in ay baari karaan oo ay soo saari karaan shidaalka, wuxuuna caddeeyay in marka ay Shidaalka soo saaraan kadib ay wax qeybsiga isaga imaan doonaan.

“Kheyraadka Dhulka ku jira ee Umadda Soomaaliyeed Mudada badan ka baahneyd soo saaristiisa  Soomaali oo dhan ayaa kheyr ugu jiraa waayo wax bey ku leeyihiin, sidaas darteed waxaan aaminsannahay haddii wax soo saar yimaado, shaqana jirto in Dadka Soomaaliyeed ay Nabadgelyada ilaalin doonaan”ayuu yiri Wasiirka Tamarta iyo Macdanta Puntland Xasan Cusmaan Aloore.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/20/2008 12:22 PM EST
Khamiis, March 20, 2008(HOL): Waxaa degan goobihii ay maanta dagaallada ka dhaceen ee Suuqa Bakaaraha iyo Wadada Wadnaha, inkastoo mararka qaarkood la maqlayo rasaas ay ridayaan Ciidamo ka amar qaata Dowladda Federaalka oo dib ugu soo noqday Isgoysyada Howl-Wadaag iyo Aadan Cadde oo ay ka baxeen intii uu socday Dagaalkii maanta.

3/20/2008 12:18 PM EST
Khamiis, March 20, 2008(HOL): Toban Sarkaal oo ka tirsan Ciidamada Dowladda Nigeria ayaa maanta waxay booqasho xaqiiqo raadin ah ku tageen Caasimadda Soomaaliya ee Muqdisho.

3/20/2008 12:15 PM EST
Khamiis, March 20, 2008(HOL): Waxaa maanta is-casilay mas’uuliyiin ka tirsanaa maamulka Degmada Xamar Jajab, kuwaasi oo sheegay in ay go’aan is-casilaadda ah qaateen kadib markii ay la soo derseen culeysyo uga yimid dhinaca ehelladooda, sidoo kalena ay u baqeen ammaankooda.

3/20/2008 12:11 PM EST
Khamiis, March 20, 2008(HOL): Madaxweynaha Somaliland Md. Daahir Rayaale Kaahin ayaa cafis u fidiyay 78 Maxbuus oo la sheegay in lagu qabqabtay Dagaalladii dhex maray Somaliland iyo Puntland.

3/20/2008 12:07 PM EST
Khamiis, March 20, 2008(HOL): Gudoomiyaha Komishanka Doorashooyinka Somaliland, Md. Maxamed Aw Yuusuf Axmed ayaa iska Casilay Xilkii Gudoomiyanimada guddida Doorashooyinka.

3/20/2008 12:05 PM EST
Khamiis, March 20, 2008(HOL): Qaxooti fara badan oo ka kala yimid xaafadaha kala duwan ee magaalada Cape Town oo u kala dhashay wadamada Somalia, Zimbabwe, Congo, Malawi iyo wadamo kale ayaa waxay maanta banaan bax ku sameeyeen albaabka weyn ee baarlamaanka dowlada Koofur Afrika ee magaalada Cape Town.

3/20/2008 6:54 AM EST
Khamiis, 20, Mar, 2008 (HOL): Waxaa sii xoogeystay Dagaalkii saaka ka bilowday Isgoyska Howl-Wadaag ee ka mid ah Waddooyinka laga galo Suuqa Bakaaraha, iyadoo dagaalkaasina uu ku faafay qeybo ka mid ah Wadada Wadnaha.

3/20/2008 6:53 AM EST
Khamiis, 20, Mar, 2008 (HOL): C/qaasim Salaad Xasan Madaxweynaha Dowladdii TNG-da ee lagu soo dhisay Dalka Jabuuti oo maanta shir jaraa’id ku qabtay Hoygiisa Magaalada Muqdisho ayaa wuxuu shaaca ka qaaday in dhibaatooyinka ka jira Soomaaliya ay ka dambeeyaan Ciidamada Shisheeye ee ku sugan gudaha Soomaaliya.

3/20/2008 6:01 AM EST
Khamiis, 20, Mar, 2008 (HOL): Hal Ruux ayaa geeriyooday Seddex ruux oo kalena dhaawac ayaa soo gaaray kadib markii Shineemo ay daawanayeen oo ku taala Degmada Afgooye lagu tuuray Bambo Gacmeed.

3/20/2008 5:22 AM EST
Khamiis, March 20, 2008(HOL): Shir ay maalgelineyso Dowladda Mareykanka, isla makraana ay gogoshiisa fidisay Dowladda Yemen ayaa todobaadka soo socda waxaa uu ka bilaabanayaa Dalka Yemen.

3/20/2008 4:15 AM EST
Khamiis, 20, Mar, 2008 (HOL) Waa yaab iyo Amakaag iyo waliba arin lama filaan ah kadib markii Qoysas badan oo Soomaaliyeed xiligan Noloshoodu gashay heer quus ah kadib markiii Sicir bararka ku yimid maciishadda uu qasab ka dhigay in ay soo baxaan Qoysas hal galin maalintii wax quuta maadaama qarashka ay heli karaan uu yahay mid intaa kaafiya.

3/20/2008 4:08 AM EST
Khamiis, March 20, 2008(HOL): Dagaal xooggan oo la isugu adeegsanayo hubka noocyadiisa kala duwan ayaa wuxuu haatan ka soconayaa gudaha Suuqa Bakaaraha, iyadoo dagaalkanna uu u dhaxeeyo Ciidamo ka amar qaata Dowladda Federaalka oo ku sugan Waddooyinka laga galo Suuqaas iyo Kooxo hubeysan oo ka soo horjeeda.