3/28/2024
Today from Hiiraan Online:  _
Wararka Maanta- Arbaco, Mar 19, 2008
AFHAYEENKA ALSHABAAB: “Waan ku faraxsannahay in uu Mareykanka nagu daro Liiska Argagixisada waayo waxaan diidnay waxa uu isagu rabo”

Arbaco, March 19, 2008(HOL): Shiikh Mukhtaar Roobow Abuu Mansuur oo ah Afhayeenka Dhaqdhaqaaqa Al-Shabaab oo u waramayay Laanta Afka Soomaaliga ee BBC-da, isla markaana wax laga weydiiyay sida uu u arkayo hadal ka soo yeeray Mareykanka oo ahaa in Ururkooda lagu daray Liiska Argagixisada ayaa wuxuu sheegay in ay aad ugu faraxsan yihiin hadalka ka soo yeeray Mareykanka.
 
“Waan ku faraxsannahay in uu Mareykanka nagu daro Liiska Argagixisada waayo waxaan diidnay waxa uu isagu rabo” ayuu yiri Shiikh Mukhtaar oo intaas ku sii daray in Madaxweynaha Mareykanka Bush uu horay u sheegay in ciddii aan isaga la jirin ay ka soo horjeeddo, isla markaana ay argagixisada la jirto.

Shiikh Roobow oo wax laga weydiiyay waxa uu ka leeyahay in Rag uu isaga ka mid yahay oo Ururkooda ku jira ay ku soo tababarteen Dalka Afganistan ayaa wuxuu sheegay in aysan taasi wax micno ah sameynin, isla markaana haddii tababar laga hadlayo ay jiraan Dad badan oo Soomaaliyeed oo qaarkood lagu soo tababaray Dalalka Ruushka, Ciraaq, Sacuudiga iyo kuwo kale.

“Waa marmarsiyo uu Mareykanka ku doonayo in uu dadka Soomaaliyeed ku dilo mana jiraan dad argagixiso ah oo aan ku heyno Soomaaliya”ayuu yiri Shiikh Mukhtaar Roobow Abuu Mansuur oo carrabka ku dhuftay in markii uu Mareykanka duqeeynayay sanadkii hore Gobolka Jubbada Hoose uu sheegayay in uu daba taagan yahay Dad argagixiso ah, hayeeshee uusan helin dadkii uu sheegayay in uu dartood deegaanadaas u duqeeyay.

“Annagu argagixiso ma nihin ee waxaa argagixiso ah Dadka Gurigeena noogu yimid ee Shacabkeena madaafiicda ku duqeynaya, kuwaasi ayaana hubka u sidanaa oo aan la dagaalameynaa”ayuu mar kale yiri Shiikh Mukhtaar Roobow Abuu Mansuur.

Ugu dambeyntiina, Shiikh Mukhtaar Roobow waxaa wax laga weydiiyay sida uu xal ku imaan karo, wuxuuna sheegay in uu xalka ku imaan karo iyadoo ay Ciidamada Shisheeye dalka Soomaaliya ka baxaan xitaa Ciidamada Amisom, isagoo intaas ku daray in ay la dagaalamayaan Ciidamo kasta oo Wadanka yimaada haddii xitaa ay yihiin kuwo Qaramada Midoobay ka socda.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/19/2008 11:04 AM EST
Arbaco, March 19, 2008(HOL): Kadib dagaal socday muddo saacado ah ayaa Ciidamo Itoobiyaan ah oo ku sugnaa Xeradii Maslax ee Duleedka Suuqa Xoolaha waxaa lagala wareegay fariisin ay halkaas ku lahaayeen.

3/19/2008 11:03 AM EST
Arbaco, March 19, 2008(HOL): Guddoomiyaha Baarlamaanka Soomaaliya Shiikh Aadan Maxamed Nuur (Shiikh Aadan Madoobe ayaa maanta ku hanjabay mar uu la hadlayay Xildhibaannada Baarlamaanka in uu is-casili doono haddii aaney mudanayaasha bedelin qaab dhaqankooda.

3/19/2008 11:02 AM EST
Arbaco, March 19, 2008(HOL): Abaarihii 5tii galabnimo ee shalay ayay soo weerareen Tuugo Koofur African ah ganacsade Soomaliyeed oo Dukaan ku lahaa Tuulo lagu magacaabo Oronge Form oo hoos timada Magalada Vereenining oo ka tirsan Gobolka Gauteng.

3/19/2008 6:53 AM EST
Arbaco, March 19, 2008(HOL): Haddii aad ku taqiinay inuu wax badan kaa qosliyo, haatan ma jiro qosolkii aad ku tiqiin jilaaga C/llaahi Amiir Rooble(Ow Kuu-kuu) waxa uuna ku xanuunsan yahay hoygiisa ku yaala Ex-Fiyoore, kaasi oo uusan meelna uga dhaqaaqin tan iyo markii ay burburtay Dowladdii hore ee xanaaneyn jirtay Fannaaniinta Soomaaliyeed.

3/19/2008 6:47 AM EST
Arbaco, March 19, 2008(HOL): Dad ka careysan sicir barar maalmahan ka taagan magaalada Mqudisho ayaa waxay maanta boobeen Raashin u rarnaa Ganacsato Reer Muqdisho ah, kadib markii gaari uu Raashinkaas saarnaa ay Dadkaas ku qamaameen.

3/19/2008 5:16 AM EST
Arbaco, March 19, 2008(HOL): Dagaal xooggan oo la isugu adeegsanayo hubka noocyadiisa kala duwan ayaa sakaa waxaa uu ka dhacay Deegaanka Suuqa Xoolaha ee Degmada Huriwaa, iyadoo dagaalkaasina uu u dhaxeeyay Ciidamo Itoobiyaan ah iyo Kooxo hubeysan oo ka soo horjeeday.

3/19/2008 5:13 AM EST
Arbaco, March 19, 2008(HOL): Xoghayaha Guud ee Qaramada Midoobay Mr. Ban Ki-Moon ayaa shaaca ka qaaday in ay suurtagal tahay in Ciidamo ka socda UN-ka loo diro dalka Soomaaliya oo muddo 17 sano ka badan ay xaaladdiisa tahay mid saldhigan la’.

3/19/2008 5:11 AM EST
Arbaco, March 19, 2008(HOL): Maamulka Gobalka Hiiraan ayaa Xabisgga dhigay in ka badan 6 Ruux oo qaar kood ka yimid dhinaca Gobaladda dhaxe kuwaa oo sidda uu maamulku sheegay lid ku ah Nabad-galyadda guud ee Gobalka Hiiraan kadib markii aysidda la sheegay Ciidamadu dabagal ku sameeyeen.

3/19/2008 5:02 AM EST
Arbaco, March 19, 2008(HOL): Warka ka soo baxay Xafiiska arrimaha dibedda ee dowladda Mareykanka oo loogu tala galay saxaafadda ayaa sheegay in Kooxda Al shabaab ee waddanka Somalia lagu daray liiska Ururada argagaxisada ee caalamka.