3/29/2024
Today from Hiiraan Online:  _
Wararka Maanta- Arbaco, Mar 19, 2008
Tuugo South African ah oo Dilay Ganacsade Somaliyeed

Arbaco, March 19, 2008(HOL): Abaarihii 5tii galabnimo ee shalay ayay soo weerareen Tuugo Koofur African ah ganacsade Soomaliyeed oo Dukaan ku lahaa Tuulo lagu magacaabo Oronge Form oo hoos timada Magalada Vereenining oo ka tirsan Gobolka Gauteng.

Tuugadan ayaa waxay toogasho ku dileen marxuum lagu magacaabi jiray Cabdullaahi Maxamuud Shiikh Cali, kaasi oo la sheegay in aysan wax hanti ah ka qaadan Tuugadii dishay.

Shiikh Axmed Maxamuud (Shiikh Axmed Dheere) oo ka tirsan culimaa’udiinka Somaliyeed ee ku nool Dalkan Koonfurta Africa ahna Sheikha U qabilsan arimaha Aaska dadka dhinto ayaa ka mid ahaa Culimadii gaartay meesha lagu dilay marxuunka mar aan ku wareystay qadka Taleefoonka ayuu ii xaqiijiyay in marxuunka lagu aasi doono isla Caawa Qabuuro ku yaala Magaladda Johannesburg haddii alle idmo.

Ugu dambeyntiina, Soomaalida ku dhaqan Dalka Koofur Afrika ayaa waxay la kulmaan dhibaatooyin ay u geystaan dadka Wadankaas u dhashay, kuwaasi oo Dil, Dhac iyo weliba handadaad u geysta Soomaalida meheradaha ganacsi ku heysta Dalkaas.

Saciid Xerow, Hiiraan Online
[email protected]
Johannesburg, South Africa













Click here
3/19/2008 11:06 AM EST
Arbaco, March 19, 2008(HOL): Shiikh Mukhtaar Roobow Abuu Mansuur oo ah Afhayeenka Dhaqdhaqaaqa Al-Shabaab oo u waramayay Laanta Afka Soomaaliga ee BBC-da, isla markaana wax laga weydiiyay sida uu u arkayo hadal ka soo yeeray Mareykanka oo ahaa in Ururkooda lagu daray Liiska Argagixisada ayaa wuxuu sheegay in ay aad ugu faraxsan yihiin hadalka ka soo yeeray Mareykanka.

3/19/2008 11:04 AM EST
Arbaco, March 19, 2008(HOL): Kadib dagaal socday muddo saacado ah ayaa Ciidamo Itoobiyaan ah oo ku sugnaa Xeradii Maslax ee Duleedka Suuqa Xoolaha waxaa lagala wareegay fariisin ay halkaas ku lahaayeen.

3/19/2008 11:03 AM EST
Arbaco, March 19, 2008(HOL): Guddoomiyaha Baarlamaanka Soomaaliya Shiikh Aadan Maxamed Nuur (Shiikh Aadan Madoobe ayaa maanta ku hanjabay mar uu la hadlayay Xildhibaannada Baarlamaanka in uu is-casili doono haddii aaney mudanayaasha bedelin qaab dhaqankooda.

3/19/2008 6:53 AM EST
Arbaco, March 19, 2008(HOL): Haddii aad ku taqiinay inuu wax badan kaa qosliyo, haatan ma jiro qosolkii aad ku tiqiin jilaaga C/llaahi Amiir Rooble(Ow Kuu-kuu) waxa uuna ku xanuunsan yahay hoygiisa ku yaala Ex-Fiyoore, kaasi oo uusan meelna uga dhaqaaqin tan iyo markii ay burburtay Dowladdii hore ee xanaaneyn jirtay Fannaaniinta Soomaaliyeed.

3/19/2008 6:47 AM EST
Arbaco, March 19, 2008(HOL): Dad ka careysan sicir barar maalmahan ka taagan magaalada Mqudisho ayaa waxay maanta boobeen Raashin u rarnaa Ganacsato Reer Muqdisho ah, kadib markii gaari uu Raashinkaas saarnaa ay Dadkaas ku qamaameen.

3/19/2008 5:16 AM EST
Arbaco, March 19, 2008(HOL): Dagaal xooggan oo la isugu adeegsanayo hubka noocyadiisa kala duwan ayaa sakaa waxaa uu ka dhacay Deegaanka Suuqa Xoolaha ee Degmada Huriwaa, iyadoo dagaalkaasina uu u dhaxeeyay Ciidamo Itoobiyaan ah iyo Kooxo hubeysan oo ka soo horjeeday.

3/19/2008 5:13 AM EST
Arbaco, March 19, 2008(HOL): Xoghayaha Guud ee Qaramada Midoobay Mr. Ban Ki-Moon ayaa shaaca ka qaaday in ay suurtagal tahay in Ciidamo ka socda UN-ka loo diro dalka Soomaaliya oo muddo 17 sano ka badan ay xaaladdiisa tahay mid saldhigan la’.

3/19/2008 5:11 AM EST
Arbaco, March 19, 2008(HOL): Maamulka Gobalka Hiiraan ayaa Xabisgga dhigay in ka badan 6 Ruux oo qaar kood ka yimid dhinaca Gobaladda dhaxe kuwaa oo sidda uu maamulku sheegay lid ku ah Nabad-galyadda guud ee Gobalka Hiiraan kadib markii aysidda la sheegay Ciidamadu dabagal ku sameeyeen.

3/19/2008 5:02 AM EST
Arbaco, March 19, 2008(HOL): Warka ka soo baxay Xafiiska arrimaha dibedda ee dowladda Mareykanka oo loogu tala galay saxaafadda ayaa sheegay in Kooxda Al shabaab ee waddanka Somalia lagu daray liiska Ururada argagaxisada ee caalamka.