11/29/2020
Today from Hiiraan Online:  _
Wararka Maanta- Arbaco, Mar 19, 2008
Dagaal ka dhacay Deegaanka Suuqa Xoolaha


Arbaco, March 19, 2008(HOL): Dagaal xooggan oo la isugu adeegsanayo hubka noocyadiisa kala duwan ayaa sakaa waxaa uu ka dhacay Deegaanka Suuqa Xoolaha ee Degmada Huriwaa, iyadoo dagaalkaasina uu u dhaxeeyay Ciidamo Itoobiyaan ah iyo Kooxo hubeysan oo ka soo horjeeday.
 
Dagaalkan ayaa wuxuu qarxay kadib markii Ciidamo Itoobiyaan ah oo ka baxay Xaruntii Warshaddii Baastada iyo Xeradii Maslax oo Koofur iyo Waqooyi ka xiga Deegaanka Suuqa Xoolaha ay isku fidiyeen Wadada dhexmarta Suuqii hore ee Xoolaha.

Goob-joogayaal ku sugan Deegaanka Suuqa Xoolaha ayaa  waxay sheegeen in Ciidamo Itoobiyaan ah ay saaka Waaberigii galeen Deegaanka Suuqa Xoolaha, kadibna ay saaka Kooxo hubeysan weerar ku qaadeen Ciidamadaas oo iyana markii la weeraray bilaabay inay madaafiic ku garaacaan meelihii laga soo weeraray.

Dagaaka oo weli socda, isla markaana la isugu adeegsanayo hubka noocyadiisa kala duwan ayaan ilaa iyo hataan la ogeyn khasaaraha uu geystay sabab la xiriirta in aaney jirin cid tegi karta goobaha uu dagaalka ka socdo.

Ma ahan markii ugu horeysay oo uu dagaalka Suuqa Xoolaha Dagaal ku dhexmaro Ciidamo Itoobiyaan ah iyo Kooxo hubeysan oo ka soo horjeeda, waxaana jiray dhowr jeer oo hore oo ay halkaas iska hor-imaadyo ku dhexmareen labada dhinac.

Wixii dagaalkan ku soo kordha kala soco Hiiraan Online Haddii Alle idmo.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/19/2008 11:06 AM EST
Arbaco, March 19, 2008(HOL): Shiikh Mukhtaar Roobow Abuu Mansuur oo ah Afhayeenka Dhaqdhaqaaqa Al-Shabaab oo u waramayay Laanta Afka Soomaaliga ee BBC-da, isla markaana wax laga weydiiyay sida uu u arkayo hadal ka soo yeeray Mareykanka oo ahaa in Ururkooda lagu daray Liiska Argagixisada ayaa wuxuu sheegay in ay aad ugu faraxsan yihiin hadalka ka soo yeeray Mareykanka.

3/19/2008 11:04 AM EST
Arbaco, March 19, 2008(HOL): Kadib dagaal socday muddo saacado ah ayaa Ciidamo Itoobiyaan ah oo ku sugnaa Xeradii Maslax ee Duleedka Suuqa Xoolaha waxaa lagala wareegay fariisin ay halkaas ku lahaayeen.

3/19/2008 11:03 AM EST
Arbaco, March 19, 2008(HOL): Guddoomiyaha Baarlamaanka Soomaaliya Shiikh Aadan Maxamed Nuur (Shiikh Aadan Madoobe ayaa maanta ku hanjabay mar uu la hadlayay Xildhibaannada Baarlamaanka in uu is-casili doono haddii aaney mudanayaasha bedelin qaab dhaqankooda.

3/19/2008 11:02 AM EST
Arbaco, March 19, 2008(HOL): Abaarihii 5tii galabnimo ee shalay ayay soo weerareen Tuugo Koofur African ah ganacsade Soomaliyeed oo Dukaan ku lahaa Tuulo lagu magacaabo Oronge Form oo hoos timada Magalada Vereenining oo ka tirsan Gobolka Gauteng.

3/19/2008 6:53 AM EST
Arbaco, March 19, 2008(HOL): Haddii aad ku taqiinay inuu wax badan kaa qosliyo, haatan ma jiro qosolkii aad ku tiqiin jilaaga C/llaahi Amiir Rooble(Ow Kuu-kuu) waxa uuna ku xanuunsan yahay hoygiisa ku yaala Ex-Fiyoore, kaasi oo uusan meelna uga dhaqaaqin tan iyo markii ay burburtay Dowladdii hore ee xanaaneyn jirtay Fannaaniinta Soomaaliyeed.

3/19/2008 6:47 AM EST
Arbaco, March 19, 2008(HOL): Dad ka careysan sicir barar maalmahan ka taagan magaalada Mqudisho ayaa waxay maanta boobeen Raashin u rarnaa Ganacsato Reer Muqdisho ah, kadib markii gaari uu Raashinkaas saarnaa ay Dadkaas ku qamaameen.

3/19/2008 5:13 AM EST
Arbaco, March 19, 2008(HOL): Xoghayaha Guud ee Qaramada Midoobay Mr. Ban Ki-Moon ayaa shaaca ka qaaday in ay suurtagal tahay in Ciidamo ka socda UN-ka loo diro dalka Soomaaliya oo muddo 17 sano ka badan ay xaaladdiisa tahay mid saldhigan la’.

3/19/2008 5:11 AM EST
Arbaco, March 19, 2008(HOL): Maamulka Gobalka Hiiraan ayaa Xabisgga dhigay in ka badan 6 Ruux oo qaar kood ka yimid dhinaca Gobaladda dhaxe kuwaa oo sidda uu maamulku sheegay lid ku ah Nabad-galyadda guud ee Gobalka Hiiraan kadib markii aysidda la sheegay Ciidamadu dabagal ku sameeyeen.

3/19/2008 5:02 AM EST
Arbaco, March 19, 2008(HOL): Warka ka soo baxay Xafiiska arrimaha dibedda ee dowladda Mareykanka oo loogu tala galay saxaafadda ayaa sheegay in Kooxda Al shabaab ee waddanka Somalia lagu daray liiska Ururada argagaxisada ee caalamka.