11/29/2020
Today from Hiiraan Online:  _
Wararka Maanta- Talaado, Mar 18, 2008
Banaanbax looga soo horjeeday Guddoomiyaha Gobolka Banaadir oo ka dhacay Deegaanka Ceelasha Biyaha


Talaado, March 18, 2008 (HOL): Deegaanka Ceelasha Biyaha ee Gobolka Shabeelaha Hoose oo ah meesha ugu badan ee ay u barakaceen dadkii ku noolaa Magaalada Muqdisho ee ka cararay dagaallada u dhaxeeya Ciidamada Dowladda Federaalka Soomaaliya iyo kuwa Itoobiya oo isku dhinac ah iyo kooxo hubeysan oo ka soo horjeeda ayaa maanta waxaa ka dhacay banaanbax looga soo horjeeday Guddoomiyaha Gobolka Banaadir, ahna Duqa magaalada Muqdisho Maxamed Cumar Xabeeb (Maxamed Dheere).
 
Banaanbaxayaasha ayaa waxay ka cabanayeen hadal saxaafadeed uu dhawaan sii daayay Guddoomiyaha Gobolka Banaadir, ahna Duqa Magaalada Muqdisho Maxamed Dheere oo sheegay in Deegaanka Ceelasha Biyaha ay ku dhuuntaan Kooxaha dagaalka kala soo horjeeda Dowladda Federaalka, isla markaana laga soo abaabulo dagaallada lagu qaado fariisimada Ciidamada Dowladda Federaalka iyo kuwa Itoobiya ee ku yaala gudaha iyo duleedyada Muqdisho.

Dadka dibadbaxa dhigay oo u badnaa Dumar, Caruur iyo Dad Waayeello ah ayaa waxay ku dhawaaqayeen ereyo ka dhan Guddoomiyaha Gobolka Banaadir, iyagoo dhinaca kalena ku dhawaaqayay ereyo ay ku soo dhaweynayaan Xukuumadda Ra’iisal Wasaare Nuur Cadde iyo dadaallada dib u heshiisiinta ah ee ay waddo.

“Waxaan nahay dadkii ka soo barakacay dhibaatada ka jirta magaalada Muqdisho, waxaana ku noolnahay Geedo hoostood, Qoraxda iyo Qabowgana dusheena ayay ku baxaan, waana ka xunnahay in uu Guddoomiyaha Gobolka Banaadir sheego in deegaanka aan ku nool nahay ay joogaan kooxaha la dagaalama Dowladda Federaalka”ayay tiri Faadumo Xasan Cali oo ka mid ah Dadkii maanta  banaanbaxa ka dhigay Deegaanka Ceelasha Biyaha.

Banaabaxan ayaa wuxuu ku soo beegmay iyadoo dhawaan Guddoomiyaha Gobolka Banaadir, ahna Duqa magaalada Muqdisho Maxamed Cumar Xabeeb (Maxamed Dheere) uu sheegay in weerarro lagu qaaday Fariisin ay Ciidamo ka amar qaata Dowladda Federaalka Soomaaliya ay ku lahaayeen Deegaanka Siinka Dheer iyo Ceel Carfiid laga soo abaabulay Deeganka Ceelasha Biyaha.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/18/2008 10:59 AM EST
Talaado, March 18, 2008 (HOL): Diyaarado joog hoose ku duulayay ayaa maanta lagu arkay hawada Magaalada Marka ee Gobolka Shabeelaha Hoose, iyadoo diyaaradahaasina ay si weyn u cabsi geliyeen dadka degmadaas ku dhaqan.

3/18/2008 6:09 AM EST
Talaado, March 18, 2008 (HOL): Dadka ku dhaqan Degmooyinka Wadajir iyo Dharkeenley ee Gobolka Banaadir ayaa maanta waxay sameeyeen dibadbax ay uga soo horjeedeen ganacsatada Degmooyinkaas oo isugu daray sicir barar iyo weliba in ay diidaan lacagta duugowday ee Kunka Shillin Soomaaliga ah.

3/18/2008 5:28 AM EST
Talaado, March 18, 2008 (HOL): Odayaasha Dhaqanka iyo Midnimada Beelaha Hawiye, garabka uu Hoggaamiyo Maxamed Xasan Xaad ayaa si weyn u soo dhaweeyay hadal uu shalay sii daayay Ra’iisal Wasaare Nuur Cadde oo shir jaraa’id Muqdisho ku qabtay.

3/18/2008 5:26 AM EST
Talaado, March 18, 2008 (HOL): Ciidamo Boolis iyo Mileteri ah oo ka wada tirsan Dowladda Federaalka Soomaaliya ayaa isku rasaaseeyay gudaha Magaalada Baydhabo, xili ay labada ciidan sameynayeen howlgallo amni sugid ah.

3/18/2008 5:24 AM EST
Talaado, March 18, 2008 (HOL): Deegaanka Xararyaale oo ka tirsan Degmada Wardhiigley ee Gobolka Banaadir ayaa saaka waxaa ka dhacay iska hor-imaad dhexmaray Ciidamo ka amar qaata Dowladda Federaalka Soomaaliya iyo Kooxo hubeysan oo ka soo horjeeda.

3/18/2008 5:22 AM EST
Talaado, March 18, 2008 (HOL): Tan iyo wixii ka danbeyay dhawaan markii ay kooxo hubeysan ku toogteen gudaha Degmadda Buula-burte Sarkaal ka tirsanaa Ciidamadda Dowladda Federaalka waxaa la so darsay xaaladda guud ee Degmadda jahwareer dhinaca Nabad-galyada oo sameyn buuxdda ku yeeshay howlihii Maamulka ee halkaa ka jiray.