11/27/2020
Today from Hiiraan Online:  _
Wararka Maanta- Axad, Mar 16, 2008
Shiikh Xasan Daahir Aweys oo sheegay in aysan Wax Wada hadal ah la geleynin Dowladda Federaalka Soomaaliya


Axad, March 16, 2008(HOL): Shiikh Xasan Daahir Aweys oo ka mid ah Mas’uuliyiinta Maxkamada Islaamka iyo Isbaheysiga Dib u xoreynta Soomaaliya ayaa isagoo ku sugan magaalada Asmara ee Dalka Eritrea waxaa uu u sheegay Wakaaladda Wararka Reuters in aysan wax wada hadal ah la geleynin Dowladda Federaalka Soomaaliya.

Shiikh Xasan Daahir waxaa uu sheegay in aysan aqoonsaneyn wax dowlad la yiraahdo oo ka jira Soomaaliya, “Tani Dowlad ma ahan, waxaan aaminsan nahay in ay yihiin dadka ciidamada cadawga ah keenay dalkeena, waana dembilayaal”ayuu yiri Shiikh Xasan Daahir.

“Dagaalyahannadeenu waxay ka soo horjeedaan Ciidamada Itoobiya, inta ay halkaas (Somalia) joogaanna wax wada hadal ah ma yeelan karaan Soomaalida”ayuu mar kale yiri Shiikh Xasan Daahir Aweys.

Shiikh Xasan Daahir Aweys oo ay Dowladda Mareykanka ku dartay Liiska Dadka ay Argagixisada u aqoonsan tahay ayaa isagoo sii hadlayay waxaa uu yiri “Islaamiyiintu waa xornimo u dirir, Wadankanna waxaa uu ku hoos jiraa gumeysiga Itoobiya, waana in laga xoreeyaa cadawga”.

Shiikh Xasan Daahir Aweys oo dhinaca kale ah Korneyl Ciidan oo ka qeybqaatay Dagaalkii dhexmaray Soomaaliya iyo Itoobiya sanadkii 1977-kii ayaa waxaa wax laga weydiiyay sida uu u arkayo baaqyada nabadeed ee ka soo yeeraya Ra’iisal Wasaare Nuur Cadde, wuxuuna ku gaabsadayi “Nuur Cadde waa nin Nabad jecel, laakin waan ka xumahay in uu ku biiray Dowladda Federaalka”.

Hadalkan uu sii daayay Shiikh Xasan Daahir Aweys ayaa wuxuu ku soo beegmayaa iyadoo Ra’iisal Wasaare Nuur Cadde uu Arbacadii dhaweyd ku celiyay hadal uu horay u sheegay oo ahaa inay Xukuumaddiisa wada hadal la geleyso Mucaaradka ka soo horjeeda, isla markaana ay kula hadleyso meel kasta oo ay joogaan.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/16/2008 1:10 PM EST
Axad, March 16, 2008(HOL): Dowladda Uganda ayaa ugu deeqday Ciidamada Booliska Dowladda Federaalka Soomaaliya 8 gaari oo nooca Toyota Pick Up ah, kuwaasi oo ay Ciidamada Booliska u isticmaali doonaan howlgallada gurmadka ah.

3/16/2008 1:08 PM EST
Axad, 16 March 2008 (HOL)- Madaxweynaha Somaliland Md. Daahir Rayaale Kaahin, ayaa markii u horaysay si rasmi ah u caddeeyay inuu Maraykanka ku martiqaaday inuu saldhig milatari ka samaysto magaalada Dekedda ah ee Berbera, oo uu sheegay inuu hore ugu lahaan jiray saldhig.

3/16/2008 1:05 PM EST
Axad, 16 March 2008 (HOL)- Wasiirka Caafimaadka Somaliland, Md. Cabdi Haybe Maxamed ayaa daboolka ka qaaday in dad loo malaynayo inay doonayeen inay xadaan Dukumentiyo ay dorraad barqadii u soo dhaceen Xarunta Wasaaradda Caafimaadka oo ku taalla badhtamaha magaalada Hargeysa, isla markaana ay jabsadeen qaar ka mid ah xafiisyada Wasaaradda.

3/16/2008 6:47 AM EST
Axad, March 16, 2008(HOL): Ra’iisal Wasaaraha Xukuumadda Federaalka Soomaaliya Nuur Xasan Xuseen (Nuur Cadde) iyo Guddiga Ammaanka Qaranka oo ka kooban Taliyayaasha kala duwan ee Ciidamada Dowladda Federaalka Soomaaliya iyo Guddoomiyaha Gobolka Banaadir ayuu shir uga socdaa hoyga uu Muqdisho ka degan yahay Ra’iisal Wasaaraha.

3/16/2008 6:03 AM EST
Axad, March 16, 2008(HOL): Weerar xooggan oo xalay lagu qaaday fariisin ay Ciidamada Dowladda Federaalka Soomaaliya iyo kuwa Itoobiyaanka ay ku leeyihiin gudaha magaalada Muqdisho iyo daafaheeda ayaa waxaa sheegtay Maxkamada Islaamka.

3/16/2008 6:02 AM EST
Axad, March 16, 2008(HOL): Mas’uuliyiin ka tirsan maamulka Degmada Buur-hakaba ee Gobolka Bay ayaa lagu soo waramayaa in ay Degmadaas isaga baxeen kadib markii uu soo gaaray war ku saabsan in ay weerar ku soo yihiin xoogag ka amar qaata Maxkamadihii Islaamka.

3/16/2008 6:01 AM EST
Axad, March 16, 2008(HOL): Waxaa saaka isku day lagu dili lahaa ka badbaaday Guddoomiyaha Degmada Xamar Jajab Axmed Shiikh Maxamuud Qoor-leex, kaasi oo ay rag dhalinyaro ah ay bambo gacmeed ku tuureen meel uu ku sugnaa.

3/16/2008 5:59 AM EST
Axad, March 16, 2008(HOL): Hay'adaha Samafalka ka howl-gala ee ka howl-gala Gobalka Hiiraan iyo Ururadda aan Dowligga aheyn ayaa siweyn ugu howlan wax ka qabashadda xaaladda caafimaad ee dadka uu soo ridanayo cudurka Shubanka oo 48 Saac ee la soo dhaafay ku dhacay in badan oo ka mid ah Caruurta ku dhaqan Gobalka Hiiraan gaar ahaan Magaaladda Beledweyne.

3/16/2008 5:58 AM EST
Axad, March 16, 2008(HOL): Dad gaaraya 10,000 oo dibad-baxayaal ah ayaa waxaa ay isugu soo baxeen fagaaraha Trafalgar Square ee ku yaala Magaaladda London is ay u xusaan sanad guuradda 5aad ee kasoo wareegtay duulaankii dalkaasi Ciraaq lagu qaaday.