11/27/2020
Today from Hiiraan Online:  _
Wararka Maanta- Axad, Mar 16, 2008
Xafiisyo ay leedahay Wasaaradda Caafimaadka Somailland oo la jabsaday


Axad, 16 March 2008 (HOL)- Wasiirka Caafimaadka Somaliland, Md. Cabdi Haybe Maxamed ayaa daboolka ka qaaday in dad loo malaynayo inay doonayeen inay xadaan Dukumentiyo ay dorraad barqadii u soo dhaceen Xarunta Wasaaradda Caafimaadka oo ku taalla badhtamaha magaalada Hargeysa, isla markaana ay jabsadeen qaar ka mid ah xafiisyada Wasaaradda.

Wasiirka Caafimaadka Mudane Cabdi Haybe oo saxaafadda ugu warramayey xafiiskiisa ayaa sheegay Jimcihii oo aanay cidi shaqaynayn, abaaro 10:30 ilaa 11:00 inay wasaaradda yimaaddeen dad ka tirsan shaqaalaha Wasaaradda, kuwaas oo uu sheegay in qaarkood lagu arkay iyaga oo dibadda taagan, qaar kalena ay u dhaceen gudaha wasaaradda, isla markaana ay jebiyeen xafiisyada maamulka ee Wasaaradda qaar ka mid ah.

Wasiirku waxa uu intaas ku daray oo uu sheegay in la jebiyey dhawr xafiis oo kuwa maamulka ah oo ay ka mid yihiin Xafiiska Agaasimaha Maamulka, Xafiiska Agaasimaha Guud iyo Xafiiska Maamulka Lacagta oo Khasnaddu taallo, balse, waxa uu sheegay in aanay wax qalab iyo adduun ah ka qaadan xafiisyadaas. “Waxaad moodaysey inay Dhokumentiyo la raadinayey. Waayo, wasaaradda waxaa yaalley qalab badan oo Computer-ro iyo Laptob-yo iyo nooc walba leh. Alaabtaa waxba lagama qaadan, laakiin, waxay ahaayeen dad ujeeddooyin gaar ah leh oo alaab gaar ah - documents raadinaya,” ayuu yiri Wasiirku.

Waxa uu sheegay wax adduun ah in Sl.shs 600,000 (Lix boqol oo Kun oo Somaliland Shilings ah) in khasnadda lagala baxay.

Waxa uu sheegay in 1:00 duhurnimo loo soo sheegay, kadibna uu yimi Wasaaradda isaga oo wada ciidan boolis ah, isla markaana loo sheegay in qaar ka mid ah shaqaalaha Wasaaraddu ay yimaaddeen, kuwaas oo uu sheegay in birta ay ku jebiyeen abaabada ay ka qaateen Goomiiste u dhow wasaaradda.

Waxana uu sheegay in raggaas qaarkood ay xidhan yihiin, qaar kalena boolisku su’aalo weydiinayo oo looga yeedhay xarunta CID-da.

Wasiirku waxa uu sheegay in boolisku baadhayo ciddii ka dambeysey arrinta iyo wixii laga qaatay wasaaradda, isaga oo xusay in ay tuhunsan yihiin documents la qaatay.

Wasiirka oo la weydiiyey in maadaama sida uu sheegay arrinta ay ku lug leeyihiin qaar ka mid ah shaqaalaha Wasaaradda oo ay ku jiraan xubno ka mid ah shaqaalaha sarsare ee wasaaradda in ay la xidhiidho khilaaf u dhexeeya madaxda Wasaaradda iyo shaqaalahaas, waxa uu sheegay in Agaasimaha Guud u sheegay in qaar ka mid ah shaqaalaha oo ka cadhaysan Siminaar ka socda Hotel Maansoor oo loo qabtay hawlwadeennada Wasaarada Caafimaadka ay telefoon ugu soo hanjabeen. Waxana uu xusay inay tuhunsan yihiin ducoments ka ay doonayeen ragga u soo dhacay Wasaaraddu ay yihiin kuwo ku saabsan mashaariicda hay’addaha.

Barkhad M. Kaariye  Hiiraan Online
[email protected]
Hargeysa, Somaliland













Click here
3/16/2008 1:14 PM EST
Axad, March 16, 2008(HOL): Shiikh Xasan Daahir Aweys oo ka mid ah Mas’uuliyiinta Maxkamada Islaamka iyo Isbaheysiga Dib u xoreynta Soomaaliya ayaa isagoo ku sugan magaalada Asmara ee Dalka Eritrea waxaa uu u sheegay Wakaaladda Wararka Reuters in aysan wax wada hadal ah la geleynin Dowladda Federaalka Soomaaliya.

3/16/2008 1:10 PM EST
Axad, March 16, 2008(HOL): Dowladda Uganda ayaa ugu deeqday Ciidamada Booliska Dowladda Federaalka Soomaaliya 8 gaari oo nooca Toyota Pick Up ah, kuwaasi oo ay Ciidamada Booliska u isticmaali doonaan howlgallada gurmadka ah.

3/16/2008 1:08 PM EST
Axad, 16 March 2008 (HOL)- Madaxweynaha Somaliland Md. Daahir Rayaale Kaahin, ayaa markii u horaysay si rasmi ah u caddeeyay inuu Maraykanka ku martiqaaday inuu saldhig milatari ka samaysto magaalada Dekedda ah ee Berbera, oo uu sheegay inuu hore ugu lahaan jiray saldhig.

3/16/2008 6:47 AM EST
Axad, March 16, 2008(HOL): Ra’iisal Wasaaraha Xukuumadda Federaalka Soomaaliya Nuur Xasan Xuseen (Nuur Cadde) iyo Guddiga Ammaanka Qaranka oo ka kooban Taliyayaasha kala duwan ee Ciidamada Dowladda Federaalka Soomaaliya iyo Guddoomiyaha Gobolka Banaadir ayuu shir uga socdaa hoyga uu Muqdisho ka degan yahay Ra’iisal Wasaaraha.

3/16/2008 6:03 AM EST
Axad, March 16, 2008(HOL): Weerar xooggan oo xalay lagu qaaday fariisin ay Ciidamada Dowladda Federaalka Soomaaliya iyo kuwa Itoobiyaanka ay ku leeyihiin gudaha magaalada Muqdisho iyo daafaheeda ayaa waxaa sheegtay Maxkamada Islaamka.

3/16/2008 6:02 AM EST
Axad, March 16, 2008(HOL): Mas’uuliyiin ka tirsan maamulka Degmada Buur-hakaba ee Gobolka Bay ayaa lagu soo waramayaa in ay Degmadaas isaga baxeen kadib markii uu soo gaaray war ku saabsan in ay weerar ku soo yihiin xoogag ka amar qaata Maxkamadihii Islaamka.

3/16/2008 6:01 AM EST
Axad, March 16, 2008(HOL): Waxaa saaka isku day lagu dili lahaa ka badbaaday Guddoomiyaha Degmada Xamar Jajab Axmed Shiikh Maxamuud Qoor-leex, kaasi oo ay rag dhalinyaro ah ay bambo gacmeed ku tuureen meel uu ku sugnaa.

3/16/2008 5:59 AM EST
Axad, March 16, 2008(HOL): Hay'adaha Samafalka ka howl-gala ee ka howl-gala Gobalka Hiiraan iyo Ururadda aan Dowligga aheyn ayaa siweyn ugu howlan wax ka qabashadda xaaladda caafimaad ee dadka uu soo ridanayo cudurka Shubanka oo 48 Saac ee la soo dhaafay ku dhacay in badan oo ka mid ah Caruurta ku dhaqan Gobalka Hiiraan gaar ahaan Magaaladda Beledweyne.

3/16/2008 5:58 AM EST
Axad, March 16, 2008(HOL): Dad gaaraya 10,000 oo dibad-baxayaal ah ayaa waxaa ay isugu soo baxeen fagaaraha Trafalgar Square ee ku yaala Magaaladda London is ay u xusaan sanad guuradda 5aad ee kasoo wareegtay duulaankii dalkaasi Ciraaq lagu qaaday.