11/27/2020
Today from Hiiraan Online:  _
Wararka Maanta- Axad, Mar 16, 2008
Dadka uu soo rito Cudurka Shubanka oo si weyn ugu soo badanaya Gobolka Hiiraan


Axad, March 16, 2008(HOL):  Hay'adaha Samafalka ka howl-gala ee ka howl-gala Gobalka Hiiraan iyo Ururadda aan Dowligga aheyn ayaa siweyn ugu howlan wax ka qabashadda xaaladda caafimaad ee dadka uu soo ridanayo cudurka Shubanka oo 48 Saac ee la soo dhaafay ku dhacay in badan oo ka mid ah Caruurta ku dhaqan Gobalka Hiiraan gaar ahaan Magaaladda Beledweyne.
 
Hay'adaha IMC, Bisha Cas, iyo Seva The Childaren oo qeyb ka ah olalaha wax looga qabanayo dhibaatadda Cudurka ayaa saacadihii aynu soo dhaafnay geeyay labo Xarumood oo laga furay Dulaadka Magaaladda Daawada lagula tacaalo Fuuqbaxa, iyagga oo dhanka kalana bilaabay wacyi galin dadka looga digayo qatarta Cudurka Shubanka oo ay gacan ka geysanayaan Ururo ay ka mid yihiin  Hapochild, Israac, iyo Baydo.
 
Inta la og yahay waxaa sacadihii aynu soo dhaafnay uu soo riday Cudurka Shubanka ilaa 55 Caruur ah sidda ay cadeeyeen Hay'adaha Caafimaadka oo warbixino ka helaya Odayaasha Xaafadaha Magaaladda Beledweyne, halka 3 Caruur ahna ay u dhiteen 24 saac ee la soo dhaafay.
 
Xasan Odawaa oo ah Madax Hay'adda IMC oo u waramayay HOL ayaa sheegay in ilaa hadda aan la ogeyn  Nooca Shubanka lakiin waxaa uu sheegay in dhawaan lagu sameyn doono Baaritaan, isagga oo intaa ku daray in sababta ugu weyn ee keeni karta in ay sii bataan Caruurta u soo ridayo Cudurka loo sababeyn karo Qoysaska oo markiiba aan la gaarin goobaha Caafimaadka ilmaha lagu arko Calaamadaha Cudurka Shubanka taa oo keenta ayuu yiri uu u gudbo ilamaha kale ee ka fiyow dhibaatada Cudurka.
 
''' Hada waxeynu sameynay Xarumo la geeyo dadka qaba Cudurka si markaa looga bad baadiyo Qoyska intiisa kale,  waxaadse moodaa in wali Waalidiintu ku baarugsaneyn muhiimada Xarumuhu u lee yihiin faya dhowrka Gurigga ayuu yiri Xasan Odawaa Madax Hay'adda IMC.
 
Abaaraha daran iyo Biyo yaraddi ka jirta qeybo badan oo ka mid ah Gobalka Hiiraan ayaa sidoo kale la leeyahay waxaa ay sara u sii qaadayaan si fiditaanka Cudurka Shubanka,
maadaama dhulka Miigga ah Biyaha Kaliya ee hadda la heli karo yihiin kuwa wabigga oo aan Caafimaad ahaan wanaagseyn.
 
Meelaha kale ee sidda weyn looga soo cabanayo ayaa waxaa ka mid ah Degmooyinka Buula-burte, Jalalqsi, iyo Matabaan oo dhamaantood siweyn uu cudurku u saameyay, gaar ahaan marka la eego Degmadda Jalalqsi  oo aan laheyn Goobo caafimaad oo rasmi ah dhanka kalana siweyn uga fog Magaaladda Beledweyne.
 
C/raxmaan Diini, Hiiraan Online
[email protected]
Beledweyn, Somalia











Click here
3/16/2008 1:14 PM EST
Axad, March 16, 2008(HOL): Shiikh Xasan Daahir Aweys oo ka mid ah Mas’uuliyiinta Maxkamada Islaamka iyo Isbaheysiga Dib u xoreynta Soomaaliya ayaa isagoo ku sugan magaalada Asmara ee Dalka Eritrea waxaa uu u sheegay Wakaaladda Wararka Reuters in aysan wax wada hadal ah la geleynin Dowladda Federaalka Soomaaliya.

3/16/2008 1:10 PM EST
Axad, March 16, 2008(HOL): Dowladda Uganda ayaa ugu deeqday Ciidamada Booliska Dowladda Federaalka Soomaaliya 8 gaari oo nooca Toyota Pick Up ah, kuwaasi oo ay Ciidamada Booliska u isticmaali doonaan howlgallada gurmadka ah.

3/16/2008 1:08 PM EST
Axad, 16 March 2008 (HOL)- Madaxweynaha Somaliland Md. Daahir Rayaale Kaahin, ayaa markii u horaysay si rasmi ah u caddeeyay inuu Maraykanka ku martiqaaday inuu saldhig milatari ka samaysto magaalada Dekedda ah ee Berbera, oo uu sheegay inuu hore ugu lahaan jiray saldhig.

3/16/2008 1:05 PM EST
Axad, 16 March 2008 (HOL)- Wasiirka Caafimaadka Somaliland, Md. Cabdi Haybe Maxamed ayaa daboolka ka qaaday in dad loo malaynayo inay doonayeen inay xadaan Dukumentiyo ay dorraad barqadii u soo dhaceen Xarunta Wasaaradda Caafimaadka oo ku taalla badhtamaha magaalada Hargeysa, isla markaana ay jabsadeen qaar ka mid ah xafiisyada Wasaaradda.

3/16/2008 6:47 AM EST
Axad, March 16, 2008(HOL): Ra’iisal Wasaaraha Xukuumadda Federaalka Soomaaliya Nuur Xasan Xuseen (Nuur Cadde) iyo Guddiga Ammaanka Qaranka oo ka kooban Taliyayaasha kala duwan ee Ciidamada Dowladda Federaalka Soomaaliya iyo Guddoomiyaha Gobolka Banaadir ayuu shir uga socdaa hoyga uu Muqdisho ka degan yahay Ra’iisal Wasaaraha.

3/16/2008 6:03 AM EST
Axad, March 16, 2008(HOL): Weerar xooggan oo xalay lagu qaaday fariisin ay Ciidamada Dowladda Federaalka Soomaaliya iyo kuwa Itoobiyaanka ay ku leeyihiin gudaha magaalada Muqdisho iyo daafaheeda ayaa waxaa sheegtay Maxkamada Islaamka.

3/16/2008 6:02 AM EST
Axad, March 16, 2008(HOL): Mas’uuliyiin ka tirsan maamulka Degmada Buur-hakaba ee Gobolka Bay ayaa lagu soo waramayaa in ay Degmadaas isaga baxeen kadib markii uu soo gaaray war ku saabsan in ay weerar ku soo yihiin xoogag ka amar qaata Maxkamadihii Islaamka.

3/16/2008 6:01 AM EST
Axad, March 16, 2008(HOL): Waxaa saaka isku day lagu dili lahaa ka badbaaday Guddoomiyaha Degmada Xamar Jajab Axmed Shiikh Maxamuud Qoor-leex, kaasi oo ay rag dhalinyaro ah ay bambo gacmeed ku tuureen meel uu ku sugnaa.

3/16/2008 5:58 AM EST
Axad, March 16, 2008(HOL): Dad gaaraya 10,000 oo dibad-baxayaal ah ayaa waxaa ay isugu soo baxeen fagaaraha Trafalgar Square ee ku yaala Magaaladda London is ay u xusaan sanad guuradda 5aad ee kasoo wareegtay duulaankii dalkaasi Ciraaq lagu qaaday.