11/29/2020
Today from Hiiraan Online:  _
Wararka Maanta- Sabti, Mar 15, 2008
Dad Rayid ah oo ku waxyeeloobay Rasaas ay fureen Ciidamo ka amar qaata Dowladda Federaalka oo ku sugan Isgoyska Howl-Wadaag


Sabti, March 15, 2008(HOL): Qof Rayid ah ayaa geeriyooday, Seddex kalena waa ay dhaawacmeen kadib markii ay haleeshay rasaas ay rideen Ciidamo ka amar qaata Dowladda Federaalka Soomaaliya oo ku sugan Isgoyska Howl-Wadaag oo inta badan laga galo Suuqa Bakaaraha.

Qofka dhintay oo ka tirsanaa Xifadlayaasha Gaari Dameerka uga xamaasha Suuqa Bakaaraha ayaa waxay rasaasta haleeshay isagoo goynayay Wadada Koowaad ee Suuqa Bakaaraha, halka seddex ruux ee dhaawacantayna ay iyana rasaasta ku haleeshay isla Wadadaas.

Sidoo kalena rasaasta ay ridayeen Ciidamada Dowladda ayaa waxay waxyeello ka soo gaartay mid ka mid ah saxamada ay isticmaasho Shirkadda isgaarsiinta Telcom Somalia, kaasi oo ay ku dhacday rasaas ay soo rideen Ciidamo ku sugan Isgoyska Howl-Wadaag.

Marka laga soo tago rasaastaas waxyeellada geysatay ee ay ridayeen Ciidamada Dowladda, sida kale xaaladda Suuqa Bakaaraha maanta waa ay deganeyd, si caadi ah ayayna dadka u wateen howlahooda ganacsiga.

Dhanka kalena, waxaa maanta shir ku yeeshay Magaalada Muqdisho Guddiga ganacsatada Gobolka Banaadir, kaasi oo ka shirayay xaaladda Suuqa Bakaaraha iyo sidii loogu sameyn lahaa Ciidamo u gaar ah oo ammaankiisa suga, walow shirkii maanta aysan wax go’aanno ka soo bixin marka laga reebo in uu guddiga shirar kale isugu imaan doono.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/15/2008 12:55 PM EST
Sabti, March 15, 2008(HOL): Isbaheysiga Dib u Xoreynta Soomaaliya ayaa shaaca ka qaaday in shirkii dhawaan ka dhacay Magaalada Entebbe ee Dalka Uganda aaney jirin cid uga qeybgashay oo Isbaheysiag meteleysay.

3/15/2008 12:28 PM EST
Sabti, March 15, 2008(HOL): Dagaal xooggan oo la isugu adeegsaday hubka culus iyo midka fudud ayaa goor dhaweyd waxaa uu ka dhacay xaafado ka mid ah Degmada Yaaqshid, gaar ahaan nawaaxiga Fariisimo ay Ciidamo Itoobiyaan ah ku leeyihiin Warshaddii Baastada iyo Warshaddii Xeyla Bariise.

3/15/2008 11:52 AM EST
Sabti, March 15, 2008(HOL): Xaafado ka mid ah magaalada Hargeysa ayaa, markale lagu arkay meydka Waraabe qoorta laga jaray oo lagu tuuray xaafad ka mid ah magaalada dhexdeeda, taas oo dadweynaha xaafaddaas argagax iyo baqdin gelisey.

3/15/2008 11:47 AM EST
Sabti, March 15, 2008(HOL): Tuuladda Ceel-baraf ee Gobalka Shabelada dhexe ayaa waxaa lagu qabtay kulan qaatay Muddo labo cisho ah oo ay ka wadda qeyb-galeen odayaal iyo wax-garad ka kala tirsan Beelaha Xawaadle iyo Abgaal kaa oo lagu soo gabo gabeeyay hishiis kama danbeys ah oo ay gaareen Wax-garadka labada Beelood.

3/15/2008 11:07 AM EST
Sabti, March 15, 2008(HOL): Banaanbaxyo lagu taageerayay baaqii dib u heshiisiinta ahaa ee uu dhawaanahan sii deynayay Ra’iisal Wasaare Nuur Cadde ayaa maant a ayaa maanta wuxuu ka dhacay degmooyin ka tirsan Gobolka Shabeelaha Hoose.

3/15/2008 11:05 AM EST
Sabti, March 15, 2008(HOL): Qiimo koror ku yimid Shidaalka ayaa waxaa uu saameyn ku yeeshay Dadka ku dhaqan Magaalada Muqdisho, gaar ahaan kuwa heysta adeegyada aan isticmaalkooda looga maarmeynin Korontada.

3/15/2008 10:58 AM EST
Sabti, March 15, 2008(HOL): Shirkii ay madaxda Wadamada Islaamka ku yeesheen Dalka Senegal ayaa waxaa looga hadlay arrimaha dalka Soomaaliya, iyadoo gunaanadkii shirkaasna laga soo saaray baaq ku saabsan in wax laga qabto xaaladda dalka Soomaaliya.