11/29/2020
Today from Hiiraan Online:  _
Wararka Maanta- Sabti, Mar 15, 2008
Banaanbaxyo lagu taageerayo Baaqii Dib u heshiisinta ahaa ee uu sii daayay Ra’iisal Wasaare Nuur Cadde oo ka dhacay Degmooyin ka tirsan G/Sh/Hoose


Sabti, March 15, 2008(HOL): Banaanbaxyo lagu taageerayay baaqii dib u heshiisiinta ahaa ee uu dhawaanahan sii deynayay Ra’iisal Wasaare Nuur Cadde ayaa maant a ayaa maanta wuxuu ka dhacay degmooyin ka tirsan Gobolka Shabeelaha Hoose.

Banaanbaxyadan ayaa waxay ka kala dhaceen Degmooyinka Afgooye iyo Qoryooley, iyadoo ugu ballaarnaa uu ka Dhacay Degmada Afgooye, iyadoo halkaasina ay isugu soo baxeen dadweyne aad u faro badan oo si weyn u taageersanaa baaqii Ra’iisal Wasaaraha ee ku aadanaa dhinac Dib u heshiisiinta.

Dadkii isugu soo baxay Degmada Afgooye ayaa waxaa la hadlay Taliyaha Qebta Booliska Gobolka Shabeelaha Hoose Cali Aadan Cali Ganey, kaasi oo dadkii isugu soo baxay Degmadaas u sheegay in soo dhaweeyaan tallaabo kasta oo wada hadal iyo dib u heshiisiin ku baaqeysa.

Cali Ganey oo sii hadlayay waxaa uu ugu baaqay dhinacyada isku haya Soomaaliya in ay qaataan go’aanka dib u heshiisiin ah, isla markaana ay miiska wada hadalka isugu yimaadaan, dabadeedna ay ka wada hadlaan waxyaabaha ay isku hayaan.

Dadkii isugu soo baxay Degmada Qoryooley ayaa waxaa la hadlay Guddoomiyaa Degmadaas oo lagu magacaabo C/raxmaan Shaam, kaasi oo sheegay in ay soo dhaweynayaan baaqii Ra’iisal Wasaaraha, isla markaana ay xitaa diyaar u yihiin in ay martigeliyaan shir lagu heshiisiinayo dhinacyada isku haya Soomaaliya ee kala ah Dowladda Federaalka Soomaaliya iyo Mucaaradka ka soo horjeeda.

Ugu dambeyntiina, Degmooyin kale oo ka tirsan Gobolka Shabeelaha Hoose, isla markaana ay ka mid yihiin Degmooyinka Marka iyo Wanla-weyn ayaa iyana waxaa ka socda qabanqaabo loogu jiro qabashada Banaanbaxyadan oo kale, iyadoo qabanqaabadaasna ay wadaan Guddoomiyayaasha Degmooyinkan.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/15/2008 12:55 PM EST
Sabti, March 15, 2008(HOL): Isbaheysiga Dib u Xoreynta Soomaaliya ayaa shaaca ka qaaday in shirkii dhawaan ka dhacay Magaalada Entebbe ee Dalka Uganda aaney jirin cid uga qeybgashay oo Isbaheysiag meteleysay.

3/15/2008 12:28 PM EST
Sabti, March 15, 2008(HOL): Dagaal xooggan oo la isugu adeegsaday hubka culus iyo midka fudud ayaa goor dhaweyd waxaa uu ka dhacay xaafado ka mid ah Degmada Yaaqshid, gaar ahaan nawaaxiga Fariisimo ay Ciidamo Itoobiyaan ah ku leeyihiin Warshaddii Baastada iyo Warshaddii Xeyla Bariise.

3/15/2008 12:14 PM EST
Sabti, March 15, 2008(HOL): Qof Rayid ah ayaa geeriyooday, Seddex kalena waa ay dhaawacmeen kadib markii ay haleeshay rasaas ay rideen Ciidamo ka amar qaata Dowladda Federaalka Soomaaliya oo ku sugan Isgoyska Howl-Wadaag oo inta badan laga galo Suuqa Bakaaraha.

3/15/2008 11:52 AM EST
Sabti, March 15, 2008(HOL): Xaafado ka mid ah magaalada Hargeysa ayaa, markale lagu arkay meydka Waraabe qoorta laga jaray oo lagu tuuray xaafad ka mid ah magaalada dhexdeeda, taas oo dadweynaha xaafaddaas argagax iyo baqdin gelisey.

3/15/2008 11:47 AM EST
Sabti, March 15, 2008(HOL): Tuuladda Ceel-baraf ee Gobalka Shabelada dhexe ayaa waxaa lagu qabtay kulan qaatay Muddo labo cisho ah oo ay ka wadda qeyb-galeen odayaal iyo wax-garad ka kala tirsan Beelaha Xawaadle iyo Abgaal kaa oo lagu soo gabo gabeeyay hishiis kama danbeys ah oo ay gaareen Wax-garadka labada Beelood.

3/15/2008 11:05 AM EST
Sabti, March 15, 2008(HOL): Qiimo koror ku yimid Shidaalka ayaa waxaa uu saameyn ku yeeshay Dadka ku dhaqan Magaalada Muqdisho, gaar ahaan kuwa heysta adeegyada aan isticmaalkooda looga maarmeynin Korontada.

3/15/2008 10:58 AM EST
Sabti, March 15, 2008(HOL): Shirkii ay madaxda Wadamada Islaamka ku yeesheen Dalka Senegal ayaa waxaa looga hadlay arrimaha dalka Soomaaliya, iyadoo gunaanadkii shirkaasna laga soo saaray baaq ku saabsan in wax laga qabto xaaladda dalka Soomaaliya.