11/29/2020
Today from Hiiraan Online:  _
Wararka Maanta- Sabti, Mar 15, 2008
Qiimo koror ku yimid Shidaalka oo saameyn ku yeeshay Dadka ku dhaqan Magaalada Muqdisho


Sabti, March 15, 2008(HOL): Qiimo koror ku yimid Shidaalka ayaa waxaa uu saameyn ku yeeshay Dadka ku dhaqan Magaalada Muqdisho, gaar ahaan kuwa heysta adeegyada aan isticmaalkooda looga maarmeynin Korontada.
 
Saameynta ugu weyn ee dadka Muqdisho ka dareemayaa qiimo kororka ku yimid shidaalka ayaa waxay tahay gaadiidka BL-ka ah oo qiimaha lagu raaco uu sare u kac ku yimid, iyadoo meelaha qaarkood Gaadiidka looga raaco lacag ka badan 3000.
 
Sidoo kalena waxay dadku qiimo kororka shidaalka dareemeen kadib markii lagu qaaliyeeyay Korontada iyo Biyaha ay isticmaalaan, kuwaasi oo ay qiimo jaban ku heysteen ka hor qiimo kororka ku yimid shidaalka.
 
Liitarkii Shidaalka ah, gaar ahaan Naftada  ayaa haatan wuxuu magaalada Muqdisho ka marayaa 31 Kun Shillin Soomaali ah, iyadoo Fuustadii Shidaalka ahna lagu kala iibsanayo Suuqyada Muqdisho lacag kor u sii dhaafeysa 270 Doollar.
 
Dhanka kalena, waxaa jira Sicir barar ku dhacay Raashinka Quutul-Daruuriga ah ee ay dadka u baahan yihiin, wuxuuna sicir bararkani saameeyay cid kasta bacdamaa miskiin iyo maal-qabeen isku qiimo ay ku iibsanayaan raashinka quutul-daruuriga ah, walow uu sicir bararka si gaar ah u taabanayo dadka aan dhaqaalaha buuran lahayn.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/15/2008 12:55 PM EST
Sabti, March 15, 2008(HOL): Isbaheysiga Dib u Xoreynta Soomaaliya ayaa shaaca ka qaaday in shirkii dhawaan ka dhacay Magaalada Entebbe ee Dalka Uganda aaney jirin cid uga qeybgashay oo Isbaheysiag meteleysay.

3/15/2008 12:28 PM EST
Sabti, March 15, 2008(HOL): Dagaal xooggan oo la isugu adeegsaday hubka culus iyo midka fudud ayaa goor dhaweyd waxaa uu ka dhacay xaafado ka mid ah Degmada Yaaqshid, gaar ahaan nawaaxiga Fariisimo ay Ciidamo Itoobiyaan ah ku leeyihiin Warshaddii Baastada iyo Warshaddii Xeyla Bariise.

3/15/2008 12:14 PM EST
Sabti, March 15, 2008(HOL): Qof Rayid ah ayaa geeriyooday, Seddex kalena waa ay dhaawacmeen kadib markii ay haleeshay rasaas ay rideen Ciidamo ka amar qaata Dowladda Federaalka Soomaaliya oo ku sugan Isgoyska Howl-Wadaag oo inta badan laga galo Suuqa Bakaaraha.

3/15/2008 11:52 AM EST
Sabti, March 15, 2008(HOL): Xaafado ka mid ah magaalada Hargeysa ayaa, markale lagu arkay meydka Waraabe qoorta laga jaray oo lagu tuuray xaafad ka mid ah magaalada dhexdeeda, taas oo dadweynaha xaafaddaas argagax iyo baqdin gelisey.

3/15/2008 11:47 AM EST
Sabti, March 15, 2008(HOL): Tuuladda Ceel-baraf ee Gobalka Shabelada dhexe ayaa waxaa lagu qabtay kulan qaatay Muddo labo cisho ah oo ay ka wadda qeyb-galeen odayaal iyo wax-garad ka kala tirsan Beelaha Xawaadle iyo Abgaal kaa oo lagu soo gabo gabeeyay hishiis kama danbeys ah oo ay gaareen Wax-garadka labada Beelood.

3/15/2008 11:07 AM EST
Sabti, March 15, 2008(HOL): Banaanbaxyo lagu taageerayay baaqii dib u heshiisiinta ahaa ee uu dhawaanahan sii deynayay Ra’iisal Wasaare Nuur Cadde ayaa maant a ayaa maanta wuxuu ka dhacay degmooyin ka tirsan Gobolka Shabeelaha Hoose.

3/15/2008 10:58 AM EST
Sabti, March 15, 2008(HOL): Shirkii ay madaxda Wadamada Islaamka ku yeesheen Dalka Senegal ayaa waxaa looga hadlay arrimaha dalka Soomaaliya, iyadoo gunaanadkii shirkaasna laga soo saaray baaq ku saabsan in wax laga qabto xaaladda dalka Soomaaliya.