Khamiis, February 22, 2007(HOL): Wararka soo baxaya halka lagu magacaabo (Baar Magoog ) oo ka tirsan dhulka ismaamulka soomaalida Itoobiya ayaa sheegaya in dagaal dhaxmaray labo beelood oo halkaa wada degta ay ku geeriyoodeen ku dhawaan 9 ruux halka intaa ka badana uu dhaawac ka soo gaaray.
Wararka arintaa ku saabsan oo ay kala xiriirtay HOL Ilo kala duwan ayaa waxaa ay xaqiijinayaan in dagaalku jiro islamarkaana uu ka dhashay warbiyood halkaa ku yaala oo reer miiga labada boolood ay ka wada cabaan, waxaana warku intaa ku darayaa in uu jiray khilaaf hore uu dhaxeeyay labada beelood.
Markii uu dagaalku dhacay kadib ayaa sida wararka ka soo baxaya goobta lagu dagaalamay sheegayaan halkaa gaaray ciidamada dowlada itoobiya oo kala dhax-galay labada dhinac islamarkaana ku amray in si deg deg ah dirirta loo joojiyo, waxaane sidoo kale ciiidamadu sida wararku tilmaamayaan mudo gaaban xayireen isticmaalka warbiyoodka dagaalku ka dhashay.
Labada beelood oo deegaan ahaa wada dega Gobalka hiiraan iyo waliba qeybo ka mid ah dhulka ismaamulka soomaalida itoobiya ayaa marar badan laysku dayay in la soo afjaro khilaafka u dhaxeeya walow aan lagu guuleysan marka loo eego dagaalka hada dhacay.
C/raxmaan Diini, Hiiraan Online
[email protected]