6/22/2017
Today from Hiiraan Online:  _
Wararka Maanta- Sabti, Nov 17, 2007
GUDOOMIYE KU XIGEENKA GUDIGA WARFAAFINTA EE GOLAHA BAARLAMAANKA "Marna ma haboona in Saxaafadda madaxa bannaan ay Nabad-sugidda raacdeysato iyadoo sharciga Warbaahinta dalka uu Baarlamaanka horyaalo”


Sabti, November 17, 2007(HOL):  Guddoomiye ku xigeenka Guddiga Warfaafinta ee Golaha Baarlamaanka, ahna ku simaha Guddoomiyaha Xildhibaanad  Saynab Max'ed Caamir ayaa war cad oo ay ka soo saartay magaalada Baydhabo kaga hadashay markii ugu horeysay xirnaanshaha qaar ka tirsan Idaacadaha ka howl gala  Gobolka Bannaadir, kuwaasoo ay xireen Waaxaha Nabad-sugidda Dowladda Federaalka Soomaaliya.

"Waan ka xumahay in la xiro, lana caburiyo Saxaafadda madaxa bannaan, runtii Idaacadahan waa kuwii shaqeynayay 17-kii sano, Shacabka Soomaaliyeedna aad buu ula qabsaday, wayna jecel yihiin marka inaan ka careysiino shacabka ma haboona waana arin mudan in aad looga fiirsado” ayay tiri Xidhibaanad Saynab oo muujisay in ay ka xun tahay shaqo joojinta lagu sameeyay seddex Idaacadood oo ka howlgala Magaalada Muqdisho.

"Intii la xiri lahaa Warbaahin xor ah oo  shacabka u qidmayneysay  muddo waxaa haboon inay dowladdu keento warbaahin tayo leh oo shacabka la hadasha”ayay mar kale tiri Xildhibaanad Seynab Maxamed Caamir oo hadalkeeda ku sii dartay

“Dhab ahaantii marna ma  haboona in Saxaafadda madaxa bannaan ay nabad-sugid raacdeysato iyadoo Sharciga Warbaahinta lagu dhaqi lahaa uu horyaalo Baarlamaanka, Xukuumaddana ay soo ansixisay".

Hadalka Xildhibaanadda ayaa wuxuu ku soo beegmayaa iyadoo ay xiran yihiin seddex Idaacadood oo ka howlgeli jiray Magaalada Muqdisho oo kala ah Shabeelle, Simba iyo Banaadir, kuwaasi oo lagu xiray amar ka yimid Saraakiisha Nabad-sugidda Dowladda Federaalka Soomaaliya.

Salaad Iidow Xasan (Xiis), Hiiraan Online
[email protected]
Mogadishu, Somalia





Post your comments

11/17/2007 7:19 AM EST
Sabti, November 17, 2007(HOL): Golaha Dhaqanka iyo Midnimada Beelaha Hawiye ayaa warsaxaafadeed uu maanta soo saaray waxaa uu ku sheegay in Afhayeenka dhaqanka Golahaas Axmed Diiriye Cali ay Saraakiil ka tirsan Dowladda Federaalka u gacan celiyeen Saraakiil Itoobiyaan ah oo iyana u gudbiyay Magaalada Addis Ababa ee dalka Itoobiya.

11/17/2007 4:15 AM EST
Sabti, November 17, 2007(HOL): Markab Dagaal oo ay leedahay Dowladda Faransiiska ayaa wuxuu bilaabay in uu Kooxaha Burcad Badeedka ah ka ilaaliyo Maraakiibta Gargaarka Bani’aadannimo u wada Soomaaliya.

11/17/2007 3:34 AM EST
Sabti, November 17, 2007(HOL): Labo qarax oo kala ahaa Bam Gacmeed iyo Miinada dhulka lagu aaso ayaa saaka waxay ka dhaceen Magaalada Muqdisho oo maalmahan xaaladdeeda ay ahayd mid degan oo aaney qaraxyo iyo iska hor-imaadyo ka jirin.

11/17/2007 3:32 AM EST
Sabti, November 17, 2007(HOL): Jimco, November 16, 2007(HOL): Alle ha u naxariistee waxaa Isbitaalka Madiina ee magaalada Muqdisho shalay gelinkii dambe ku geeriyootay marxuumad Madiino Maxamuud Cilmi Madiino (Janaraal) oo ka mid ahayd Haweenka Horseedka Nabadda iyo Nolosha.

11/17/2007 3:29 AM EST
Sabti, November 17, 2007(HOL): Ciidamada Uganda ee fariisinka ku leh Isgoyska KM4 ee magaalada Muqdisho ayaa habeenkii xalay ahaa waxaa weeraray Dhaqdhaqaaqa Al-Shabaab, sida uu sheegay Afhayeenka Al-Shabaab Shiikh Mukhtaar Roobow (Abuu Mansuur).