Jimco, October 06, 2006(HOL): Maamul ka kooban 18 xub oo ay ka mid yihiin Guddoomiyaha gobolka, Gudoomiyaha Degmada, Waaxyadaha Maareynta Dekedda, Garoonka Diyaaradaha iyo Taliska Booliska gobolka ayaa maanta looga dhawaaqay magaalada Kismaayo kadib markii ay soo xuleen xubnahaasi masuuliyiinta Golaha maxkamadaha Islaamka Soomaaliyeed.
Xilalkii maanta la magaacaabay ayaa kala ahaa
Gudoomiyaha gobolka J/Hoose Axmed Sh Maxamed (Axmed Madoobe )
Guddoomiye ku xigeenka C/fataax Maxamed Cali
Taliyaha booliska C/llaahi Axmed Warsame Ejka
Arrimaha bulshada C/raxmaan Axmed Aadan (C/raxmaan Seero)
Maaliyadda C/llaahi Axmed Cumar
dacwada Iyo warbaahinta Axmed Diiriye
Waxbarashada iyo Tacliinta sare Dr. Yuusuf Maxamed Cilmi
Garsoorka iyo cadaaladda Sh. C/raxmaan Maxamed Firin
Xubnaha loo magacaabay Degmada Kismaayo
Duqa magaalada Inj. bashiir Axmed C/llaahi Jarto
Ku xigeenkiisa Bashiir Aadan Xasan
Arrimaha Caafimaadka Maxamed Dhaqane
Mareeyaha Dekedda Ciise Qaasim
Howlgalinta Dekedda Cali Maxamed
Howlgalinta Maraakiiba Cismaan Maxamed Dheer
Xisaabiyaha Dekedda Cabdi Xasan
Maareeyaha Garoonka Diyaaradaha Axmed Gaarane Yarow
Ku xigeenkiisa C/nuur Jimcaale Qeyre.
Dhamaan xubnahaasi ayaa maanta loo magacaabay maamulka gobolka Midowga ayaa waxaa uu ka gedisan yahay maamulkii horay uga jiray magaalada Kismaayo, kaasi oo ka koobnaa 21 xubnood oo lagu soo xulay qaab qeybsiga 4.5.
Magaalada Kismaayo ayaa dhawaan waxaa gacan ku heynteeda la wareegay maxkamadaha Islaamka oo haatan inta badan ka taliya gobollo dhowr ah oo ku yaala Koofurta iyo Bartamaha Soomaaliya, waxaana magaalada Kismaayo Maxkamadaha ka hor soo maray labo maamul oo ay kala hoggaaminayeen Jen. Maxamed Siciid Xirsi Moorgan iyo Col. Barre Aadan Shire Hiiraale.
Sahra Cabdi Axmed, Hiiraan Online
[email protected]
Kismayo, Somalia