Qore:Cabdirizaaq Jiiqleey
Thursday, September 06, 2012
Maaddaama doorashada Madaxweynaha cusub ee Somalia ay kol dhow dhaceyso, annagoo shacabka Soomaaliyeed ka mid ah aynaan si toos ah u dooraneynin madaxweynaheenna, waxaan kula dardaarmeynaa Xildhibaannada matalaaya Soomaalida inay aad u tix geliyaan rabitaankeena ah madaxwene Tayo iyo Tabarba leh. Madaxweynaha aad dooraneysaan, ugu yaraan waa inuu leeyahay 10-ka sifo ee hoos ku xusan - ruuxii ku sifoobana aad mdaxweyne noogu doorataan:
Caddaalad |
In lagu yaqaanno wax qabad baahsan oo caddaalad ku salaysan; caddaalad, daacadnimo iyo eex la’aan, |
Khibrad Hoggaan iyo wax-qabad |
Inuu khibrad fiican u leeyahay baahida dadka iyo dalka; wax qabad muuqda shacabka iyo ummadda hore ugu soo qabtay. |
Aqoon Fiican leh |
Inuu aqqon durugsan u leeyahy dhammaan; mid diineed, mid jaamacadeed, dhaqanka, dhaqaalaha & siyaasadda Soomaaliya |
Sumcad wanaag |
Inuu sumcad fiican ku dhex leeyahy; reerkiisa, ehelladiisa, asxaabtiisa & guud ahaan bulshada
|
Siyaasi ah |
Inuu yahay qof meel marin kara siyaasadda gudaha, tan deriska, gobalka & tan caalamka |
Dadka kala yaqaan |
Inuu yahay ruux soo xuli kara ‘who is who’?, dad nadiif ah, wax qabad leh, dambi aan gelin oo u fiican dalka iyo dadka |
Abaal Gala/Guda |
Aan eexan laakiin abaal ka gudi yaqaanna, horumarin kara beelaha iyo goballada kala duwan, gacan saar iyo saameyn ku yeelan kara gobollada kala duwan iyo maamullada jira |
Dhaqan Wanaag |
Ruux aan balwad lahayn, lagu yaqaanno asluub wanaag iyo inuu yahay xalaal quute; dhac, boob iyo is daba maryeyn ka fog |
Dambiile Ahayn |
Nadiif ah, dad iyo dalba aan wax dambi ah lagu eedeyn, eedeysane iyo qabqable dagaal midna ahayn |
Geesi ah |
Ruux isku kalsoo, codkar ah xagga luqadahana ku wanaagsan, cadkiisa dhacsan kara, heer qaran, heer gobal, iyo heer caalamiba |
Abdirizak Jiiqleey
[email protected]