Wararka Maanta: Arbaco, Feb 10, 2010-Waxgaradka Gobolka Sh/Hoose oo dowladda Soomaaliya ka dalbaday inaysan gobolkaas u magacaabin cid aysan raalli ka ahayn

Arbaco 10, Feb, 2010 (HOL) Waxgarad iyo Odayaal kasoo jeeda Gobolka Shabeellada Hoose oo maanta kulan ku yeeshay Muqdisho ayaa ka dalbaday dowladda Soomaaliya inaysan gobolkaas u magacaabin cid aysan raalli ka ahayn.

Waxgaradka kulanka yeeshay ayaa waxay kasoo jeedaan beelaha Digil, Mirifle, Jareer, Biyomaal iyadoo mas'uul ku hadlay afka odayaasha kulanka yeeshay uu sheegay inay ka dalbadeen Madaxda Dowladda inaysan maamul iska magacaabin.

Malaaq Max'ed Axmed Yarow (Joobane) oo kulanka kaddib la hadlay saxaafadda ayaa sheegay in shirkooda ay kasoo saareen baaq ku aaddan Madaxweyne Sheekh Shariif iyo Ra'iisul wasaare Cumar C/rashiid, kaasoo ah inaysan Gobolkaas u magacaabin ruux aanay dadka Gobolkaas daga raalli ka ahayn.

"Dowladda Soomaaliya waxaan ku wargelinaynaa inaysan u magacaabin Gobolka Shabeellada hoose ruux aan raalli laga ahayn, haddii la doonayo in maamul loo sameeyo waa in lagala tashado waxgaradka" ayuu yiri Malaaq Axmed Joobane.

Hadalka Waxgaradkan ayaa kusoo beegmaya iyadoo ay jiraan warar sheegaya in Ra'iisul wasaaraha Soomaaliya uu qorsheynayo inuu u magacaabo Gobolkaas maamul uu horkacayo C/qaadir Sheekh Max'ed Nuur oo horay u ahaa guddoomiyaha Gobolka Shabeellada hoose.

Odayaasha ayaa waxay hadalkoosa kusoo beegeen iyadoo dhawaan Madaxweyne Sheekh Shariif uu maamul u magacaabay Gobolka Shabeellada dhexe, kaasoo ay ka horyimaadeen magacaabiddiisa maamulkii Maxkamadaha Islaamka ee laga saaray halkaas.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya

WASIIR DAWLAHA ARIMAHA GUDHAHA EE DAWLADA SOMALIYA MUDANE ABDIRASHID MOHAMED XIDIGOO BOQASHO KU YIMID MAGAALADDA COLUMBUS EE GOBOLKA OHIO.
10/02/2010 5:52 PM EST

Sabti, Feb.6,2010 Columbus, Ohio (HOL): Xaflad soo dhaweeyn ah oo ay soo qabanqaabiyeen ardayda Ohio State University iyo Jaaliyadda Somaaliyeed ee Columbus ayaa si wada jir ah ugu soo dhaweeyay magaaladda Columbus wasiir dawlaha arimaha gudaha ee dawladda Somalia mudane Abdirashid Mohamed Xidig

Duqeyn loo geystya Degmooyin ka tirsan Magaalada Muqdisho oo sababtay dhimasho iyo dhaawac soo gaartay Dad rayid ah
10/02/2010 11:13 AM EST

Arbaco, 10 Feb, 2010 (HOL) Ku dhawaad 10-qof ayaa ku dhintay madaafiic ku dhacay degmooyinka Gobolka Banaadir qaarkood iyo suuqa weyn ee Bakaaraha, iyadoo ay ku dhaawacmeen tiro ka badan 37-qof.

Xawaaladda Amal Express xarunteeda Kismaayo oo dib loo furay kaddib hal maalin oo ay xirnayd
10/02/2010 11:13 AM EST

Arbaco, 10 Feb, 2010 (HOL) Waxaa maanta caadi ku soo noqday howlihii shaqo ee xawaalada amal express xarunteeda kismao kadib markii maalinimadii shalay ahayd uu maamulka ka arimiya magaalada amar ku siiyay masuuliyiinta shirkada amal express in ay xiraan shirkadaasi ilaa iyo amar dambe.

SHIIKH C/LLAAHI CALI BARKHADLLE :- Kama warqabo xilka leygu magacaabay ee ah Wakiilka Ahlu Sunna Waljameeca ee Goballka Hiiraan, mana doonayo in aan ku biiro Siyaasadda.
10/02/2010 11:12 AM EST

Arbaco, Feb, 10, 2010 (HOL) Shiikh C/llaahi Cali Barkhadlle oo ka mid ah Culimada waa weyn ee Dariiqada Suufiyada ayaa waxba kama jiraa ku tilmaamay Wareysi BBC-du la yeelatay mid ka mid ah mas'uuliyiinta Ahlu Sunna Waljameeca oo sheegay in Shiikh C/llaahi Cali Barkhadlle yahay Wakiilka Ahlu Sunna ee Goballka Hiiraan.

Dagaal dhexmaray ciidamo booliis iyo Mileteri ah oo ka wada tirsan Dowladda Soomaaliya oo Muqdisho ka dhacay
10/02/2010 7:44 AM EST

Arbaco 10, Feb, 2010 (HOL) Dagaal u dhexeeyay ciidamada kawada tirsan Dowladda Soomaaliya oo ka dhacay Iskool Bolisiyo ayaa sababay inay dhintaan ugu yaraan 3-askari, ayna ku dhaawacmeen saddex kale.

Xarrakada Al-Shabaab oo sheegatay mas'uuliyadda Qarax maanta lagu weeraray ciidamo ka tirsan Dowladda Soomaaliya
10/02/2010 7:43 AM EST

Arbaco 10, Feb, 2010 (HOL) Qarax maanta ka dhacay degmada Xamarjajab ee Muqdisho oo lala beegsaday ciidamo ka tirsan Dowladda Soomaaliya ayaa waxaa mas'uuliyaddiisa sheegtay Xarrakatul Shabaabul Mujaahidiin.

Guddida Doorashada Somaliland oo ka hadlay hawlaha diyaar-garowga Doorashada dhawrka mar ee hore baaqatay
10/02/2010 6:46 AM EST

Arbaco, 10 February 2010 (HOL)- Komishanka Doorashooyinka Somaliland ayaa maanta ka hadlay arrimaha Doorashooyinka Somaliland iyo tallaabada ay ka qaadeen agabka kala-shaandhaynta Liiska cod-bixiyayaasha ee hore uu uga dhashay khilaafkii siyaasadeed ee Somaliland waajahday sanadkii tegay ee 2009.

AFHAYEENKA ALSHABAAB EE JUBBOOYINKA :“Qorigii kasoo dhaca dhanka kenya wuxuu furi doonaa dagaal u dhexeeya mujaahidiinta iyo Kenya"
10/02/2010 6:42 AM EST

Arbaco, February 10, 2010(HOL): Shir jaraa’id oo uu maanta qabtay madaxa warfaafinta maamulka Islaamiga ah ee gobollada Jubbooyinka Sheekh Xasan Yacuuq Cali ayaa waxa uu kaga hadlay dhaqdhaqaaqyada iyo xiisadaha colaadeed ee muddooyinkii ugu danbeeyay ka jiray xadka soomaaliya ay kala wadaagto Kenya gobolka j/hoose.

Dowladda dalka Yemen oo xabsiga u taxaabtay 253 tahriibayaal ah labadii maalmood ee lasoo dhaafay
10/02/2010 3:08 AM EST

Arbaco 10, Feb, 2010 (HOL) Wasaaradda Arrimaha Gudaha ee dalka Yemen ayaa sheegtay in xabsiga loo taxaabay 253-qof oo tahriibayaal Soomaali iyo Itoobiyaan isugu jira, kuwaasoo laga qabqabtay gobollo kala duwan.

Taliyaha Ciidamada Mareykanka u qaabilsan Afirca oo sheegay in ay taageero hoose siinayaan Dowladda Soomaaliya
10/02/2010 3:08 AM EST

Arbaco, Feb, 10, 2010 (HOL) Taliyaha Ciidamada Mareykanka u qaabilsan qaarada Africa Ninka lagu magacaabo Wilyam Weel oo magaalada Addis Ababa ee dalka Itoobiya kula kulmay Saraakiil sar sare oo ka tirsan Midowgga Afirca ayaa sheegay in ay gacan hoose ka siinayaan Dowladda Soomaaliya dib u hanashada Amaanka guud ahaan dalka Soomaliya.

Sheekh Xasan Yacquub Cali oo sheegay inay u diyaargaroobeen dagaallo ay la galaan Dowladaha Soomaaliya, Kenya iyo Ciidamada AMISOM
10/02/2010 2:39 AM EST

Arbaco 10, Feb, 2010 (HOL) Afhayeenka Maamulka Jubbooyinka ahna Madaxa wafaafinta Sheekh Xasan Yacquub Cali oo wareysiyo isku mid ah siiyay Idaacadaha Muqdisho ayaa sheegay inay u diyaargaroobeen ka urur ahaan dagaal ay la galaan Dowladda Soomaaliya, Ciidamada AMISOM iyo Xukuumadda Kenya.

Wasiirka Jaaliyadaha Soomaaliya oo sheegay in Dowladda Koonfur Afrika ay kala hadleen dhibaatooyinka lagu hayo dadka Soomaaliyeed
10/02/2010 2:37 AM EST

Arbaco 10, Feb, 2010 (HOL) Wasiirka Wasaaradda Jaaliyadaha Soomaaliya C/llaahi Axmed C/lle (Azhari) oo dhawaan safar ku tagay dalka Koonfur Afrika ayaa sheegay inay dowladda dalkaas kala hadleen dhibaatooyinka lagu hayo dadka Soomaalida ah.

Taliska Booliska Gobolka Mudug oo soo bandhigay qaar ka mid ah walxaha qarxa oo ay gacanta ku soo dhigeen Ciidamada Gobolka
10/02/2010 2:36 AM EST

Arbaco 10, Feb, 2010 (HOL) Ciidamada amaanka magaalada Galkacyo ayaa gacanta ku soo dhigay qaar ka mid ah walxaha qaraxa oo la dhigay Meel ku dhow saldhiga ciidanka Boliska ee gobolka Mudug.

Ciidamo ka tirsan Xarrakatul Shabaab oo xalay gaaray Magaalada Muqdisho iyo diyaargarow dagaal oo la dareemayo
10/02/2010 2:30 AM EST

Arbaco 10, Feb, 2010 (HOL) Ciidamo ka tirsan kuwa Xarrakatul Shabaabul Mujaahidiin ayaa xalay gaaray Magaalada Muqdisho, kuwaasoo la sheegay inay ka tageen gobollada Koonfureed.

Dowladda Soomaaliya oo shaacisay magaca Sarkaal Ajnabi ah oo ay sheegtay in ay ku dishay magaalada Muqdisho.
10/02/2010 2:29 AM EST

Arbaco, Feb, 10, 2010 (HOL) Dowladda Soomaaliya oo dhawaan sheegtay in ay magaalada Muqdisho ku dishay Sarkaal sare oo ka tirsanaa kooxaha ka soo horjeeda gaar ahaan Xarrakada Shabaabul Mujaahidiin ayaa markii ugu horeysay shaacisay magaca Shaqsiga la dilay iyo darjadiisa.

Guddida Dhaqaalaha Golaha Wakiilada Somaliland oo eedayn u jeediyay Wasiir Xukuumadda ka tirsan
10/02/2010 2:27 AM EST

Arbaco, 10 February 2010 (HOL)- Guddida dhaqaalaha ee Golaha Wakiilada ayaa eedayn u jeediyay Wasiirka Xannaanada Xoolaha oo ay sheegeen in uu ka baxay ballamo uu hore u qaaday oo ahaa in uu Guddidan hor yimaaddo.

Wararka Maanta- Arbaco, Feb 10, 2010

Waxgaradka Gobolka Sh/Hoose oo dowladda Soomaaliya ka dalbaday inaysan gobolkaas u magacaabin cid aysan raalli ka ahayn