Wararka Maanta: Arbaco, Sept 16, 2009-Xarakada Al-Shabaab oo sheegtay in dhaawac lagu kaxeystay Saleh Cali Nabhan oo lagu duqeeyay Baraawe

Arbaco, September 16, 2009(HOL): Afhayeenka Xarakada Shabaabul Mujaahidiin Shiikh Cali Maxamuud Raage (Shiikh Cali Dheere) ayaa sheegay in uusan dhiman Saleh Cali Saleh Nabhan oo ay Ciidamada Mareykanka dhawaan ku duqeeyeen deegaanno ka tirsan Degmada Baraawe ee Gobolka Shabeelaha Hoose.

Shiikh Cali Dheere waxaa uu sheegay in Saleh Cali Saleh Nabhan iyo rag ilaalo u ahaa ay iyagoo dhaawac ah kaxeysteen ciidamada Mareykanka, wuxuuna sheegay in uu dadkii la shaqeynayay u xaqiijinayo in ninkaas nolol lagu kaxeystay.

“Abuu Yuusuf Saleh Cali Nabhan iyo ilaaladiisa waxaa si gaadmo ah ku soo weeraray ciidamo mareykan ah oo la socday lix diyaaradood oo helicopters ah, runtiina wey dadaaleen oo ay waa ay la dagaallameen gaalada ku soo duushay, laakin ugu dambeyntii waa laga batay, waxaana la kaxeystay iyagoo dhaawac ah”ayuu yiri Afhayeenka Xarakada Shabaabul Mujaahidiin Shiikh Cali Maxamuud Raage (Shiikh Cali Dheere) oo u warramayay Laanta Afka Soomaaliga ee BBC-da.

Shiikh Cali Dheere waxa uu sheegay in aysan ahayn markii ugu horreysay oo ay Ciidamada Mareykanka sidan oo kale duqeyn ula beegsadaan dad ka tirsanaa Xarakadooda, wuxuuna sheegay in ay horay duqeyn ugu dileen Aadan Xaashi Ceyrow iyo rag kale oo ku sugnaa Badda Madow oo Jubbada Hoose ka tirsan.

Hadalka Afhayeenka Xarakada Shabaabul Mujaahidiin ayaa wuxuu ku soo beegmayaa iyadoo maalmo ka hor deegaanka Roobow oo Degmada Baraawe ka tirsan lagu duqeeyay Kolonyo Gaadiid ah oo uu la socday Saleh Cali Saleh Nabhan, kaasi oo Mareykanka ugu eedeysnaa in uu ka dambeeyay Qaraxyo sanadkii 1998-kii loo geystay safaarado uu Mareykanka ku lahaa dalalka Kenya iyo Tanzania. Warar horay uga soo baxay duqeyntaas ayaa sheegayay in Nabhan iyo rag la socday duqeyntaas lagu dilay, meydkiisana ay qaateen Ciidamada Mareykanka.

Salaad Iidow Xasan (Xiis), Hiiraan Online
sxiis@hiiraan.com
Muqdisho, Soomaaliya

Xarakada Al-Shabaab oo dagaalyahanno Ajnabi ah u wacatay Dowladda Soomaaliya
16/09/2009 6:18 PM EST

Arbaco, September 16, 2009(HOL): Sarkaal sare oo ka tirsan Xarakada Shabaabul Mujaahidiin oo Soomaaliya ku sugan ayaa soo saaray baaq guud oo uu u jeediyay dagaalyahannada ajnabiga ah meel kasta oo ay caalamka ka joogaan, kuwaasi oo uu ku casuumay in ay soomaaliya yimaadaan ayna la dagaallamaan Dowladda Soomaaliya.

Maamulka Islaamiga ah ee Magaalada Kismaayo oo ugu baaqay dadka degan Dhismayaashii Dowliga ahaa in ay isaga guuraan
16/09/2009 1:16 PM EST

Arbaco, September 16, 2009(HOL): Madaxa Warfaafinta maamulka Islaamiga ah ee magaalada Kismaayo Sheekh Xasan Yacquub Cali oo galabta saxaafadda kula hadlayay xafiiskiisa Degmada Kismaayo ayaa ugu baaqay dadka degan dhismayaasha dowladdii hore ee Soomaaliya in ay isaga guuraan goobahaasi isla markaana ay u tabaabusheystaan goobo kale oo ay dagaan.

Axsaabta Mucaaradka ah ee Somaliland oo baaq u jeediyay dhexdhexaadiyayaasha Somaliland
16/09/2009 10:44 AM EST

Arbaco, 16 September 2009 (HOL): Labada Xisbi Mucaarad ee Kulmiye iyo UCID, ayaa baaq u diray Shacabka Somaliland iyo Beesha Caalamka. Waxaanay soo dhaweeyteeen dedaalada lagu doonayo in lagu xallilo khilaafaadka Siyaasadeed ee dalka ka taagan.

Xarakada Shabaabul Mujaahidiin ee gacanta ku haya degmada Buula-burte oo is hortaag ku sameeyay Ciidamo ka tirsan Xisbul Islaam.
16/09/2009 10:42 AM EST

Arbaco, 16, Sep, 2009 (HOL) Warar Madaxbannaan oo si weyn loogu kalsoonaan karo ayaa sheegaya in saacadihii aynu soo dhaafnay degmada Buula-burte ee Goballka Hiiraan qas iyo jahwareer kaddib markii Xarakada Shabaabul Mujaahidiin ee gacanta ku haya degmada Buula-burte ishortaag ku sameeyeen Ciidamo ka tirsan Ururka Xisbul Islaam.

Suxufiyiinta Soomaaliyeed ee Dibad Joogga ah iyo kuwa magangalyada helay
16/09/2009 10:31 AM EST

Arbaco, 16 September 2009 (HOL): Tan iyo markii ay si weyn u kordheen dhibaatooyinka ka dhanka ah xoriyadda saxaafadda laga soo bilaabo bishii Janaayo ee 2007-da, gaar ahaan dilalka lala beegsanayo wariyayaasha ayaa waxaa dalka ka barakacay wariyayaal badan, kuwaasi oo qaaarkood loogu hanjabay in la dilayo, halka kuwo kalena ay dalka ka baxeen iyagoo aan wax dhibaato ah loo geysan balse go’aansaday in ay saaxibadooda loo hanjabay raacaan si ay u helaan magangalyo ama ugu badbaadaan.

Ururka Xisbul Islaam oo beeniyay in ay wada hadal kula jiro Dowladda Soomaaliya
16/09/2009 5:35 AM EST

Arbaco, September 16, 2009(HOL): Shiikh Xasan Mahdi oo ka mid ah mas’uuliyiinta sare ee Xisbul Islaam ayaa gaashaanka ku dhuftay hadal uu shalay sii daayay wasiirka Warfaafinta Soomaaliya Shiikh Daahir Maxamuud Geelle, kaasi oo ahaa in uu wada hadal u socdo Dowladda Soomaaliya iyo Xisbul Islaam.

Guddoomiyaha Goballka Hiiraan Shiikh C/raxmaan Ibraahim Macow oo dib ugu laabtay Magaalada Beledweyne
16/09/2009 5:35 AM EST

Arbaco, September 16, 2009(HOL): Guddoomiyaha Maamulka Islaamiga ah ee Goballka Hiiraan Shiikh C/raxmaan Ibraahim Macow ayaa dib ugu laabtay Magaalada Beledweyne kaddib markii maalmihii aynu soo dhaafnay deeganno ka tirsan Goballka Hiiraan uu kulamo kula soo qaatay Saraakiisha sar sare ee Xarakada Shabaabul Mujaahidiin.

Guddiga Abaaraha Puntland oo baaq u diray Hay’adaha Samafalka iyo Jaaliyadaha Soomaaliyeed ee dalka dibaddiisa ku nool
16/09/2009 5:34 AM EST

Arbaco, September 16, 2009(HOL): Labadii maalmood ee ugu dambeysay ayaa guddiga abaaraha maamul goboleedka Puntland, waxa uu kulan kula qaadanayay xarunta gobolka Mudug ee magaalada Gaalkacyo mas’uuliyiinta maamulka Puntland ee gobolka, si ay u ogaadaan heerka abaaraha gobolku gaarsiisan yihiin.

Wararka Maanta- Arbaco, Sept 16, 2009

Xarakada Al-Shabaab oo sheegtay in dhaawac lagu kaxeystay Saleh Cali Nabhan oo lagu duqeeyay Baraawe