Ururka Xisbul Islaam oo beeniyay in ay wada hadal kula jiro Dowladda Soomaaliya  

Arbaco, September 16, 2009(HOL): Shiikh Xasan Mahdi oo ka mid ah mas’uuliyiinta sare ee Xisbul Islaam ayaa gaashaanka ku dhuftay hadal uu shalay sii daayay wasiirka Warfaafinta Soomaaliya Shiikh Daahir Maxamuud Geelle, kaasi oo ahaa in uu wada hadal u socdo Dowladda Soomaaliya iyo Xisbul Islaam.
 
Shiikh Xasan Mahdi waxaa uu sheegay in hadalka uu sii daayay Shiikh Daahir uu yahay mid aan sax ahayn, wuxuuna carrabka ku dhuftay in uusan hadda jirin jawi ay ku wada hadli karaan Xisbul Islaam iyo Dowladda Soomaaliya.
 
“Weli waxaa taagan shuruudihii aan ku xirnay wada hadal aan la yeelanno Dowladda, waxaana ka mid ahaa shuruudahaas in ay dalka ka baxaan Ciidamada Shisheeye,  in ay qolada dowladda sheeganeyso Dowladnimada meel iska dhigto, ayna diyaar u noqoto in geed hoostiis lagu wada hadlo”ayuu yiri Shiikh Xasan Mahadi.
 
Shiikh Xasan Mahdi waxaa uu intaas ku daray in ay weli joogaan Soomaaliya, gaar ahaan magaalada Muqdisho Ciidamo Shisheeye sidaas darteedna aysan suurtagal noqon karin in ay wada hadal aqbalaan.
Ma ahan markii ugu horreysay oo ay dowladda Soomaaliya shaaciso in ay wada hadal kula jirto Xisbul Islaam, waxaana horay u shaaciyay Wasiirka Arrimaha Dibadda Soomaaliya Cali Axmed Jaamac Jengeli, iyadoo markaasna uu beeniyay Maxamed Cusmaan Caruus oo ka mid ah Afhayeennada Xisbul  Islaam.
 
Salaad Iidow Xasan (Xiis), Hiiraan Online
sxiis@hiiraan.com
Muqdisho, Soomaaliya

Xarakada Al-Shabaab oo dagaalyahanno Ajnabi ah u wacatay Dowladda Soomaaliya 16/09/2009 6:18 PM EST Arbaco, September 16, 2009(HOL): Sarkaal sare oo ka tirsan Xarakada Shabaabul Mujaahidiin oo Soomaaliya ku sugan ayaa soo saaray baaq guud oo uu u jeediyay dagaalyahannada ajnabiga ah meel kasta oo ay caalamka ka joogaan, kuwaasi oo uu ku casuumay in ay soomaaliya yimaadaan ayna la dagaallamaan Dowladda Soomaaliya. Maamulka Islaamiga ah ee Magaalada Kismaayo oo ugu baaqay dadka degan Dhismayaashii Dowliga ahaa in ay isaga guuraan 16/09/2009 1:16 PM EST Arbaco, September 16, 2009(HOL): Madaxa Warfaafinta maamulka Islaamiga ah ee magaalada Kismaayo Sheekh Xasan Yacquub Cali oo galabta saxaafadda kula hadlayay xafiiskiisa Degmada Kismaayo ayaa ugu baaqay dadka degan dhismayaasha dowladdii hore ee Soomaaliya in ay isaga guuraan goobahaasi isla markaana ay u tabaabusheystaan goobo kale oo ay dagaan. Axsaabta Mucaaradka ah ee Somaliland oo baaq u jeediyay dhexdhexaadiyayaasha Somaliland 16/09/2009 10:44 AM EST Arbaco, 16 September 2009 (HOL): Labada Xisbi Mucaarad ee Kulmiye iyo UCID, ayaa baaq u diray Shacabka Somaliland iyo Beesha Caalamka. Waxaanay soo dhaweeyteeen dedaalada lagu doonayo in lagu xallilo khilaafaadka Siyaasadeed ee dalka ka taagan. Xarakada Shabaabul Mujaahidiin ee gacanta ku haya degmada Buula-burte oo is hortaag ku sameeyay Ciidamo ka tirsan Xisbul Islaam. 16/09/2009 10:42 AM EST Arbaco, 16, Sep, 2009 (HOL) Warar Madaxbannaan oo si weyn loogu kalsoonaan karo ayaa sheegaya in saacadihii aynu soo dhaafnay degmada Buula-burte ee Goballka Hiiraan qas iyo jahwareer kaddib markii Xarakada Shabaabul Mujaahidiin ee gacanta ku haya degmada Buula-burte ishortaag ku sameeyeen Ciidamo ka tirsan Ururka Xisbul Islaam. Suxufiyiinta Soomaaliyeed ee Dibad Joogga ah iyo kuwa magangalyada helay 16/09/2009 10:31 AM EST Arbaco, 16 September 2009 (HOL): Tan iyo markii ay si weyn u kordheen dhibaatooyinka ka dhanka ah xoriyadda saxaafadda laga soo bilaabo bishii Janaayo ee 2007-da, gaar ahaan dilalka lala beegsanayo wariyayaasha ayaa waxaa dalka ka barakacay wariyayaal badan, kuwaasi oo qaaarkood loogu hanjabay in la dilayo, halka kuwo kalena ay dalka ka baxeen iyagoo aan wax dhibaato ah loo geysan balse go’aansaday in ay saaxibadooda loo hanjabay raacaan si ay u helaan magangalyo ama ugu badbaadaan. Xarakada Al-Shabaab oo sheegtay in dhaawac lagu kaxeystay Saleh Cali Nabhan oo lagu duqeeyay Baraawe 16/09/2009 5:59 AM EST Arbaco, September 16, 2009(HOL): Afhayeenka Xarakada Shabaabul Mujaahidiin Shiikh Cali Maxamuud Raage (Shiikh Cali Dheere) ayaa sheegay in uusan dhiman Saleh Cali Saleh Nabhan oo ay Ciidamada Mareykanka dhawaan ku duqeeyeen deegaanno ka tirsan Degmada Baraawe ee Gobolka Shabeelaha Hoose. Guddoomiyaha Goballka Hiiraan Shiikh C/raxmaan Ibraahim Macow oo dib ugu laabtay Magaalada Beledweyne 16/09/2009 5:35 AM EST Arbaco, September 16, 2009(HOL): Guddoomiyaha Maamulka Islaamiga ah ee Goballka Hiiraan Shiikh C/raxmaan Ibraahim Macow ayaa dib ugu laabtay Magaalada Beledweyne kaddib markii maalmihii aynu soo dhaafnay deeganno ka tirsan Goballka Hiiraan uu kulamo kula soo qaatay Saraakiisha sar sare ee Xarakada Shabaabul Mujaahidiin. Guddiga Abaaraha Puntland oo baaq u diray Hay’adaha Samafalka iyo Jaaliyadaha Soomaaliyeed ee dalka dibaddiisa ku nool 16/09/2009 5:34 AM EST Arbaco, September 16, 2009(HOL): Labadii maalmood ee ugu dambeysay ayaa guddiga abaaraha maamul goboleedka Puntland, waxa uu kulan kula qaadanayay xarunta gobolka Mudug ee magaalada Gaalkacyo mas’uuliyiinta maamulka Puntland ee gobolka, si ay u ogaadaan heerka abaaraha gobolku gaarsiisan yihiin.