Wararka Maanta- Isniin, Jun 1 , 2009


WARARKII UGU DAMBEEYAY EE NAGA SOO GAARAY SOMALILAND (Daawo Sawirro Wararka la socda)

Nin Soomaali ah oo 18 Waddan oo Dunida ah Baabuur ku soo  maray oo soo gaadhay Hargeysa


Isniin, June 01, 2009(HOL): Maxamed Muuse Yuusuf (Makhtal) oo u dhashay Somaliland, isla markaana Gaadhi ku soo maray 18 dal oo Dunida ah, ayaa soo gaadhay magaalada Hargeysa.halkaasi oo si weyn loogu soo dhaweeyay.

Muwaadinkaasi oo muddo shan bilood iyo Todoba maalmood ah ku soo maray gaadhigiisa gaarka ah 18 dal, oo uu ka bilaabay magaalada Sheffield ee dalka Ingiriiska, France, Belguim, Germany,Sucuudiga, Masar iyo dalal kale, waxa duleedka galbeed ee magaalada Hargeysa ku  qaabilay Maayarka Caasimada Hargeysa Eng Xuseen Maxamuud (Jiciir). Maxamed Muuse Yuusuf, oo saxaafada halkaasi ugu waramayay ayaa u mahad naqay maayarka Hargeysa iyo Saxaafada Somaliland oo uu xusay inay si diiran u soo dhaweeyeen, waxaanu yidhi “Waxaad ku mahadsan tihiin inaad aad iyo aad iigu soo dhaweyseen inaan dalkayga imaado dhib kasta iyo wax kasta oo aan soo marayba, waxaanan hawshan u galay in dhalinyarada dalku ay iyaguna albaab walba u gaaraacaan qadiyada Somaliland.waxaan filayaa dad iga mujaahidsan ayaa jira, balse aniga sidan ayay iga qabsatay.ictiraafka Somaliland ma aha wax la caaridi karo.”

Mr. Makhtal oo hadalkiisa sii watay wuxuu intaasi ku daray, “Dad intaasi  oo malyuun ah xaqoodii in ma jirtaan la yidhaahdaa waa baadil.” Maxamed Muuse, wuxuu madaxa laanta Af-Soomaaliga ee BBC-da ku eedeeyay inuu yahay inaanay ka go’nayn in uu si siman Wararka uga tebiyo geyiga Soomaalidu degto, waxaanu sheegay in Somaliland aanu si toos ah Wararka uga tebinin. “Taasna waxa ka markhaati ah inaan Anigu war sadex jeer u duubay Anigoo Urdun Jooga, oo Aamina Muuse Weheliye iga duubtay, marna ay inanta kale iga duubtay ayaa jiray oo aan la sii dayn.” Ayuu yidhi Maxamed.

Maxamed Muuse, wuxuu sheegay in dalalkii uu soo maray uu kala hadlay qadiyada ictiraafka Somaliland. Makhtal oo ka jawaabayay su’aal ahayd inay jireen dhibaatooyin uu kala kulmay mudadii uu socdaalkaasi dheer ku gudo jiray, waxaanu yidhi “Dhibaatooyin  badani way jireen waxaase iigu darnaa tii aan kala kulmay safaarada Itoobiya ee ku taala dalka Jabuuti oo ii diiday inaan dalkooda galo, waxaanay igu yidhaahdeen gaadhigani geli maayo dalkayaga.”

Waxa kale oo uu u mahad naqay Madaxweynaha Jamhuuriyada Jabuuti, Wasiirka Warfaafinta, Taliyaha Sirdoonka iyo Taraafiga Jabuuti oo uu xusay inay si wanaagsan ula shaqaynayeen mudadii uu dalkooda ku sugnaa.

Muwaadinkaasi waxa kale oo uu sheegay inuu arrin nasiib daro ah kala kulamay Boorame, halkaasi oo uu carabaabay in loo diiday inuu la kulmo madaxdii Gobolkaasi, marka laga reebo Maayarka oo Hargeysa ku soo maqnaa. 



Barkhad M. Kaariye  Hiiraan Online
barqad@hiiraan.com
Hargeisa, Somaliland 

 
Dadweyne Biyo-la’aan ka Mudaharaaday & Maareeyaha Wakaaladda Biyaha Hargeysa oo ka hadlay


Isniin, 1 June 2009 (HOL): Dadweyne ka cabanaya biyo-la’aan ba’an oo soo wajahday, ayaa shalay isu-soo-bax salmi  ah isugu baxay Xaafadda Kaalinta siddeedaad ee Degmada Maxamuud Haybe ee Koonfurta Magaalada Hargeysa, kuwaas oo eedayn u jeediyay Wakaaladda Biyaha ee Hargeysa oo ay dusha u saareen eedda Biyo-la’aanta soo food-saartay. Waxaanay sheegeen in Maareeyaha Wakaaladda Biyuhu iska dhego tiray cabashooyin ay hore ugu gudbiyeen.

Dadweynahan shalay isu-soo-baxa ka qayb qaatay oo ku dhawaaqayay hal-ku-dhegyo liddi ku ah Wakaaladda Biyaha ee Hargeysa, ayaa sheegay in Isu-soo-baxoodan aanay dareenkooda ugu ban-dhigayn Maareeyaha Wakaaladda Biyaha Hargeysa oo ay sheegeen in ay horeba cabasho ugu gudbiyeen, balse ay dareenkooda u muujinayaan Maamulka sare ee Dawladda dhexe. Waxaanay Maareeyaha ku eedeeyeen in uu Xaafaddooda Biyaha ka xidhay. Isla markaana aan si siman Biyaha ugu sii daynin Xaafadaha kala duwan ee Magaalada Hargeysa.

Dhinaca kale, Maareeyaha Wakaalada Biyaha Hargeysa Eng. Khaliif Cabdilaahi ayaa mar wax laga waydiiyay cabashada dadweynahan iyo sida uu u arko eedaynta loo jeediyay, waxa uu sheegay in ay Biyo-yaraan ka jirto magaalada Hargeysa, isla markaana aanay ahayn wax cusub. Balse, wuxuu beeniyay cabashada ka soo yeedhay dadweynaha shalay isu-soo-baxa sameeyay ee Xaafadda Kaalinta Siddeedaad ee degmada Maxamuud Haybe. “Dadweynaha cabanayay waxay cabashoodu la xidhiidhay iyaga dhexdooda, Xaafadaha Magaaladu biyaha waxaanu ugu furnaa kaltan oo habeenba xaafad ayaa cabta oo waa habeen-dhaaf. Markaa xaafaddan waxa ka dhex jira ficiltan dhexdooda ah oo Xaafada Qudhac-dheer ayay ka cabanayaan oo ay leeyihiin biyihii ayay naga xidheen, markaa xaafadaha Buurta saaran ayaa ka cabanaya, balse Anagu waanu u furnaa biyahan oo xagayaga ma aha." Ayuu yidhi Maareeyaha Wakaaladda Biyaha Hargeysa. waxaanu intaa ku daray oo uu yidhi, "Iyaga dhexdooda ayaan xaafadaasi cabanaysay waxba isku ogolayn, markaa haddii ay faraha kala baxaan oo ay Anaga noo daayaan waxaanu ugu qeybinaynaa si cadaalad ah".

Dadweynaha Xaafaddan shalay isu-soo-baxa samaysay ee ka cabayay Biyo-la’aantu maaha kuwii ugu horeeyay ee cabasho noocan oo kale ah sameeya, hase ahaatee, hore waxa u jiray Xaafado ka mid ah Magaalada Hargeysa oo sidan oo kale cabasho uga soo gudbiyay biyo-la’aan. Arrintan Biyo-la’aanta ayaa ah mid ay badi Xaafadaha Hargeysa ka cawdaan, gaar ahaan kuwa ku yaala meelaha taagga iyo Buuraha ahi.

 
Barkhad M. Kaariye  Hiiraan Online
barqad@hiiraan.com
Hargeisa, Somaliland

Magacyada Dad tiro badan oo Shil Baabuur ugu waxyeeloobay Hargeysa

Isniin, 1 June 2009 (HOL): 22 qof oo qaarkood xaaladoodu halis tahay, ayaa ku dhaawacmay ka dib markii uu gaadhigii ay saareen la gedoomay.

Baabuurkan gedoomay oo ah nooca loo yaqaano Dhayne, waxa uu abaaro 3:00 galabnimo ee shalay ku dhacay dalcada jidka dheer ee Madaarka, gaar ahaan agagaarka Hotelka Ambassador ee Koonfurta Caasimada Hargeysa, wuxuuna ku socday degmada Bali-gubadle. Iyadoo dhamaan dadkii ku waxyeeloobay Shilkaas la dhigay Cusbatalka Guud ee Hargeysa, isla markaana daawayn kala duwan halkaas loogu sameeyay.

Kayse Maxamed Muxumed oo ka mid ah hawlwadeenada qaybta Gargaarka degdega ee Cusbatalka Hargeysa, ayaa xaqiijiyay in 22 qof ku dhaawacmeen dhacdadaas, kuwaasoo uu sheegay in qaarkood ku jiraan xaalad Miyir-doonsoon ah, iyadoo dadkaa dhaawaca ah ay ku jiraan Caruur yaryar iyo dad waayeel ahi. Isla markaana waxa uu sheegay in dadkaas oo dhaawacyadoodu kala duwan yihiin ay magacyadoodu kala yihiin sidan;

 Maxamed Cabdisamad Maxamuud,   35 jir
Axmed Iidaan Aw-Shafeec                 22 jir
Faadumo Maxamuud Nuur                 40 jir
Cabdillaahi Maxamed Cabdi              50 jir
Ugbaad Cabdillaahi Yuusuf                18 jir
Cabdillaahi Aadan Ibraahim               16 jir
Dool Ciise Ibraahim                           58 jir
Jaamac Maxamuud Hurre                  11 jir
Safiya Axmed Xasan                         25 jir
Barwaaqo Khadar Mahad                   3-jir
Cumar Ismaaciil Cabdi                       60-jir
Caasha Siciid Daahir                          50-jir
 Xasan Maxamed Aw-Daahir            23-jir
Cali Maxamed Axmed                      12-jir
Muxumed Xasan Ibraahim                60-jir
Saado Daahir Ibraahim                     30-jir
Xaliimo Muuse Aw Muxumed           35-jir
Maryan Yuusuf Cali                          60-jir
Cabdi Cumar Xaashi                        30-jir
 Cabdi Xaashi Jaamac                      28-jir
21-Khadar Gamadiid                        14-jir.   
 
Inkasta oo aanay ahayn dadkii ugu horeeyay ee waxyeello ka soo gaadho Shil baabuur, kuwaas oo caadiyan ka dhaca Magaalada Hargeysa, haddana waa tiradii ugu badnayd ee dhibaato ka soo gaadho Shil baabuur muddooyinkii u dambeeyay. 
 
Barkhad M. Kaariye  Hiiraan Online
barqad@hiiraan.com
Hargeisa, Somaliland

 
Nin Itoobiyaan ah oo ku dhintay Rasaas Askari Boolis ahi ku furay Gaadhi Hargeysa u soo socday
 
Isniin, 1 June 2009 (HOL): Hal qof ayaa dhintay ka dib markii Askari ka tirsan Ciidamada Booliska Magaalada Wajaale uu Rasaas ku furay Gaadhi ka mid ah Baabuurta u kala gooshta Magaalooyinka Hargeysa iyo Wajaale.

Inkasta oo aanay Xukuumaddu si rasmi ah uga hadal arrintan, haddana siday ii xaqiijiyeen ilo-wareedyo lagu kalsoon yahay oo ku sugan Magaalada Wajaale, hal qof ayaa dhintay ka dib markii Askari ka mid ah Askarta mid ka mid ah Kaantaroollada dhinaca bari ee Magaalada Wajaale uu Rasaas ku furay Gaadhi ka mid ah Baabuurta Rakaabka qaada ee u kala goosha Hargeysa iyo Wajaale. Askarigan ayaa la sheegay in uu amar ku siiyay Darawalkii Baabuurka in uu Gaadhiga joojiyo, balse aanay taasi dhicin. Intaa ka dibna uu Rasaas ku furay, halkaana uu ku dhintay Nin Oromo ah oo ka mid ahaa Rakaabkii Gaadhigaa saarnaa.

Ninka dhintay ee Itoobiyaanka ah ayaa Wararku waxay sheegayaan in lagu magacaabi jiray Kamaal Xuseen Aadan, isla markaana Maydkiisa la keenay Magaalada Gabiley oo la filayo in maanta lagu aaso. Halka Darawalkii Gaadhiga iyo Askarigii falka geystayba ay wararku sheegeen in ay hadda ku xidhan yihiin Magaalada Gabiley. Isla markaana waxa socota baadhista Kiiskan. Hase ahaatee, ma jiraan Warar sheegaya wax kale oo khasaare ah oo ka dhashay Rasaastan.

Maaha markii u horraysay ee sidan oo kale Askari ka tirsan Ciidamada Amniga ee Somaliland uu Rasaas ugu furo Gaadhi dad shacab ahi saaran yihiin, hase ahaatee, waxa jiray Kiisas kuwan la mid ah oo ka dhacay Magaalooyinka dalka, gaar ahaan Magaalo-madaxda Hargeysa oo Kiisas isu dhaw oo noocan oo kale ahi ka dhaceen.

Barkhad M. Kaariye  Hiiraan Online
barqad@hiiraan.com
Hargeisa, Somaliland

 

Xoogagga ka soo horjeeda Dowladda Soomaaliya oo dib ula wareegay gacan ku heynta Saldhigga Booliska Yaaqshiid

6/1/2009 12:23 PM EST
Isniin, June 01, 2009(HOL): Kaddib dagaal culus oo galabta ka dhacay Xaafado ka tirsan Degmada Yaaqshiid ayaa waxay ugu suurtagashay xoogagga ka soo horjeeda Dowladda Soomaaliya in ay la wareegaan gacan-ku-heynta Saldhigga Booliska Degmada Yaaqshiid.

Maamulka Islaamiga ah ee Degmada Garbahaarreey oo Dadka Degmadaas ku dhaqan Amarro ku soo rogay

6/1/2009 7:46 AM EST
Isniin, June 01, 2009(HOL): Wararka lag helayo Degmada Garbahaarreey ee Xarunta Gobolkaasi Gedo ayaa sheegaya in Amarro lagu soo rogay.amarradan oo ka soo baxay Maamulka islaamiga ah ee magaalada Garbahaaarreey ayaa waxaa Degmadaasi gabi ahaanba laga mamnuucay in goobaha ganacsiga ay furnaadaan xiliyada Salaadda, in ay Dhalinyarada u jartaan timaha si aan sunnada waafaqsaneyn iyo in aysan dumarka qaadan karin dhar jirkooda sawiraya.

Wararkii ugu dambeeyay dagaal khasaare geystay oo maanta ka dhacay Magaalada Muqdisho

6/1/2009 7:31 AM EST
Isniin, June 01, 2009(HOL): Dagaal xooggan oo maanta ka dhacay Xaafado ka tirsan Degmooyinka Yaaqshiid iyo Boondheere ee Gobolka Banaadir ayaa wuxuu geystay dhimashada 5 ruux iyo dhaawac 20 ruux ka badan, kuwaasi oo isugu jira dad rayid ah iyo dhinacyadii dagaallamayay.

Wasiirka Jaaliyadaha Dibada Soomaaliya oo la kulmay Soomaalida ku nool Dalka Koofur Afrika

6/1/2009 6:21 AM EST
Isniin, June 01, 2009(HOL): Wasiirka Jaaliyadaha Dibadda Dowlada Soomaaliya oo howlo shaqo ujooga Dalkan K/Africa ayaa kulamo kala duwan la qaatay dhamaan qeybaha kala duwan ee Bulshada Soomaaliyeed ee ku dhaqan Dalkan Koofur Afrika, isagoo u soo bandhigay Qorshaha Jaaliyadaha Dibadda ay ka dooneyso Dowladdiisu iyo in ay damacsan yihiin in ay wada shaqeyn yeshaan dhamaan Jaaliyadaha Soomaaliyeed ee ku nool Dunida dacalladeeda iyo Dowladda Midnimada Qaran.

Qarax Dhimasho iyo Dhaawac geystay oo lala beegsaday Ciidamo ka amar qaata Dowladda Soomaaliya

6/1/2009 5:16 AM EST
Isniin, June 01, 2009(HOL): Qarax loo adeegsaday miinada dhulka lagu aaso ee meelaha fog laga hago ayaa waxaa lala eegtay gaari ay la socdeen Ciidamada Booliska Dowladda Soomaliya, kaasi oo marayay inta u dhaxeysa Isgoyska KM4 iyo Tre Piano.

Dad Rayid ah oo ku dhaawacmay rasaas ay fureen Ciidamada Nabad-gelyada Magaalada Beledweye

6/1/2009 3:07 AM EST
Isniin, June 01, 2009(HOL): Labo ruux oo rayid ah ayaa ku dhaawacantay rasaas ay Ciidamada Nabad-gelyada Maamulka Islaamiga ah ee Goballka Hiiraan ku fureen gaari ay la socdeen dad rayid ah habeennimadii xalay kaddib markii sida la sheegay darawalkii waday gaariga uu dhagaha ka fureystay ammar ay Ciidamada Nabad-galyadu ku siiyeen in uu is taago.

Dagaal ka socda Xaafado ka tirsan Degmada Yaaqshiid

6/1/2009 2:59 AM EST
Isniin, June 01, 2009(HOL): Xaafado ka tirsan Degmada Yaaqshiid ee Gobolka Banaadir ayaa waxaa ka socda dagaal u dhaxeeya Ciidamada Dowladda Soomaaliya iyo xoogag hubeysan oo ka soo horjeeda.

Saraakiil ka tirsan Maamulkii Isbaheysiga Dooxada Jubba oo sheegay in ay dib u qabsan doonaan Gobollada Gedo iyo Jubbooyinka oo horay looga qabsaday

6/1/2009 2:58 AM EST
Isniin, June 01, 2009(HOL): Saraakiil ka tirsanaa Maamulka Isbaheysigii Dooxada Jubba ee ka talin jiray Gobollada Jubbooyinka iyo Gedo oo haatan ku sugan Degmada Doolow ayaa sheegay in ay dib u qabsanayaan gobolladaas.

Maxkamadaha Islaamka ee ku biiray Dowladda Soomaaliya oo sheegay in wax laga qaban doono dhibaatooyin ay Ciidamo ka tirsan Dowladda ka wadaan inta u dhaxeysa Isgoysyada Sayidka iyo Xaawo Taako

6/1/2009 2:57 AM EST
Isniin, June 01, 2009(HOL): Afhayeenka KMG ah ee Maxkamadaha Islaamka ee ku biiray Dowladda Soomaaliya C/risaaq Maxamed Qeyloy ayaa sheegay in wax laga qaban doono dhac iyo dhibaato ay ciidamo ka tirsan Dowladda Soomaaliya ka geystaan inta u dhaxeysa Isgoysyada Sayidka iyo Xaawo Taako.




No Winners on the Horizon in Somalia’s Long Battle With Chaos -NY Times

6/1/2009 9:21 PM EST
NAIROBI, Kenya — Somalia is once again a raging battle zone, with jihadists pouring in from overseas, preparing for a final push to topple the transitional government.

Ten killed as fighting ravages Mogadishu -Xinhua

6/1/2009 9:18 PM EST
MOGADISHU, June 1 (Xinhua) -- Ten people were killed, including four policemen whose vehicle was hit by a roadside bomb, while twenty others injured as renewed fighting ravaged south of the Somali capital, Mogadishu, police and witnesses said Monday.

New passport rules in effect at U.S. borders -AP

6/1/2009 9:03 PM EST
BLAINE, Wash. - Fears of stalled commerce and travel didn't materialize at U.S. border crossings Monday as people stayed home or were gently warned on the first day of stricter identification requirements for Americans returning from Mexico and Canada.

Somalia: The threat next door -Daily Nation

6/1/2009 10:16 AM EST
newsinsideThe statement last week of Kenya’s intention to help “crush” the insurgency in Somalia is the strongest government response so far to the crisis in the troubled eastern neighbour.

Raiders Of The Lost Arks -MSNBC

6/1/2009 10:08 AM EST
As the captain of a merchant ship crossing the Gulf of Aden, you realise it’s not going to be a routine day when you look over the side to see a rocket-propelled grenade launcher pointing at you. Piracy, Somali-style, is a thriving international business.

Pirates' glossy lives win admirers in Somalia -Reuters

6/1/2009 9:53 AM EST
HOBYO, Somalia, June 1 (Reuters) - An extravagant convoy of forty 4x4s and four motorbikes escort a young bride to her nuptials at a sandy beach in the Somali village of Hobyo and are used to light up the twilight celebration

Three dead as Somali foes battle -AFP

6/1/2009 9:48 AM EST
MOGADISHU (AFP) — At least three people were killed in the Somali capital on Monday when government forces fired at a police station controlled by insurgents, an official and witnesses said.

French Navy Hands Over Four Pirates, Two Dead, To Puntland -AFP

6/1/2009 9:41 AM EST
MOGADISHU, Somalia (AFP)--The French navy on Monday handed over four suspected pirates, two of them dead, to Somalia's northern breakaway region of Puntland, officials said.

Roadside bomb kills Somali police -BBC

6/1/2009 9:38 AM EST
At least five Somali policemen have been killed in a roadside bomb blast in the capital, Mogadishu. The officers were driving near a road junction in the south of the city when their vehicle was blown up.





 




Hiiraan Online
Wararka Maanta RSS
Contact:webmaster@hiiraan.com
Copyright © 2008 Hiiraan Online
hit counter