Wadamada Reer Galbeedku kibir iyo isla weyni waxey ka gaareen waxey caalamkoo dhan rabaan inuu u fakaro sidey u fakaraan, in caalamku ku qoslo waxey ku qoslaan, jeclaadaan waxey jecelyihiin, ka xumaadaan caalamku waxa R/Galbeedku ka xumaado. Waxaa qabkaas R/Galbeedka ku kaalmeynaya dad lagu soo rakibey maskaxda R/Galbeedka muuqaalkana anaga nooga eg. Markey wax qorayaan waxey wax ku eegayaan indhihii cadaanku wax ku eegi lahaa, waxeyna arkayaan wixii ay arki lahaayeen indhaha buluuga ahi. Nin gaajo la dhiman raba iyo nin dhereg dhacsi u baahan caalamka isku si uma arki karaan, isku waxna kama qoslin karaan. Nin calooshiisa banaanka la soo dhigey iyo midka hubka ku tijaabinayaa wax ka dhaxeeya oo ay iskugu imaan karaan ma jiraan. Dadka soomaaliyeed ee R/Galbeedka dhereg dhacsiga madadaalinayana waxey la mid yihiin kuwa dusha usoo ritey wal walkii R/Galbeedka ee shacabkoodi in la gumaado kunturaada kusoo qaatey. Maxaa dhacey hal nin oo Nabhaan hebel Nabhaan la yiraahdo ayaa duurka ku dhuumanaya! Ninkaas siyaasadaas soo min guuriyey waa daanyeer dad iska dhigaya oo dhaajinaya socodka dadka. Ahalna uma ahan inuu xaliyo mushkilada bulshada dusha laga saarey oo ninka dheregsani oo cadaanka ahi markii la maaweeliyey oo wuxuu jeclaa la maqashiiyey uu daanyeertaas abaal marinta uga dhigey in dusha ka saaro dadkooda dhibaateysan.