Maraakiib Shisheeye oo lagu arkay Xeebta Magaalada Muqdisho  

Arbaco, June 04, 2008(HOL): Maraakiib Shisheeye ayaa saaka waxay aad ugu soo dhawaadeen Xeebta Magaalada Muqdisho, iyadoo dad ku sugan Xeebaha Degmooyinka C/casiis, Shangaani iyo Xamarweyne ay arkeen Maraakiibtaas.

Dad ku sugan Xeebta Liido ayaa waxay sheegeen in Maraakiibtaas oo seddex ahaa ay ka babanayeen Calamada Mareykanka iyo Faransiiska, iyagoo intaas ku daray in  Maraakiibtaas ay u jiheysnaayeen dhinaca Dekedda Muqdisho.

Lama oga in Markaakiibtan oo ah kuwo dagaal ay ka mid yihiin kuwo Xeebaha Soomaaliya u imaanaya in ay Burcad Badeedka la dagaalamaan iyo inay yihiin kuwo ilaalinayo Maraakiib Gargaar Mucaawino ah wada oo Dekedda Muqdisho ku xiran.

Dadkii arkay Maraakiibtan ayaa waxaa sheegeen in ay mararka qaarkood Maraakiibtaas ka dul kacayeen Diyaarado Helicopters, kuwaasi oo ugu muuqday kuwo Maraakiibta ilaalo ka hayay.

Maraakiibta saaka lagu arkay Xeebta Muqdisho ayaa waxay aragtidooda ku soo beegmeysaa iyadoo Isniintii aynu ka soo gudubnay uu Golaha Ammaanka ee Qaramada Midoobay ansixiyay qaraar ku saabsan in muddo lix bilood ah ay Xeebaha Soomaaliya ka howlgalaan Ciidamo Caalami ah, kuwaasi oo la dagaalami doona Kooxaha Burcad Badeedka ah ee ka dilaacay.

Dhawaan ayay ahayd markii Ciidamo Faransiis ah oo saarnaa Markab Dagaal ay ku soo degeen Xeebta Liido kadib muddo nus saac ah oo ay Xeebtaas joogeenna ay dib ugu noqdeen Markabkii ay ka soo degeen.

Salaad Iidow Xasan (Xiis), Hiiraan Online
sxiis@hiiraan.com
Mogadishu, Somalia

Warbixin Shirka Jabuuti 04/06/2008 9:28 PM EST Jabuuti (HOL) - Waxaa maanta halkiisii kasii socday kulankii fool kafoolka ahaa ee u dhexeeyay wafdiga dowaladda Soomaaliya iyo midka Isbaheysiga dib u xoreynta Soomaaliya in kastoo ay Qaramada midoobay ugu yeerto kulankani Aqoon isweydaarsi. Dhaqdhaqaaqa Al-Shabaab oo cambaareeyay dilkii Muqdisho loogu geystay Afhayeenkii Midowga Ganacsatada Gobolka Banaadir 04/06/2008 8:10 AM EST Arbaco, June 04, 2008(HOL): Afhayeenka Dhaqdhaqaaqa Al-Shabaab Shiikh Mukhtaar Roobow Abuu Mansuur oo maanta Shir jaraa’id qadka Taleefoonka ugu qabtay Warbaahinta Muqdisho ayaa wuxuu cambaareeyay dilkii shalay Muqdisho loogu geystay Afhayeenkii Midowga Ganacsatada Gobolka Banaadir Marxuum Cabaas Maxamed Ducaale. Ganacsatada G/Hiiraan oo wax laga xumaado ku tilmaamtay eedeyn uu dhawaan u soo jeediyay Guddoomiyaha Gobalka Hiiraan 04/06/2008 8:09 AM EST Arbaco, June 04, 2008(HOL): Kadib markii dhawaan Gudoomiyaha Gobalka Hiiraan Max'ed Axmed Dhagaweyne uu ka sheegay qalabka warbaahinta in dhibaatada amni xumo ee ka taagan Gobalka Hiiraan ay ka danbeeyaan Ganagsatada Gobalka, ayaa waxaa arintaa siweyn uga xumaaday qaar ka mid ah Ganacsatada oo warkaasi ku tilmaamay mid aan loo fiirsan islamarkaana dhaawacaya wada shaqeyn dhaxmarta Maamulka cusub iyo Ganacsatada. Ra’iisal Wasaare Nuur Cadde oo tegay Madasha Shirka Jibouti, sheegayna in uu xoojinayo Wadad Hadallada 04/06/2008 7:29 AM EST Arbaco, June 04, 2008(HOL): Waxaa saaka gaaray Magaalada Djibouti Ra’iisal Wasaaraha Xukuumadda Federaalka Soomaaliya Nuur Xasan Xuseen (Nuur Cade), kaasi oo saaka aroortii ka dhoogay Garoonka Diyaaradaha Aadan Cadde ee Magaalada Muqdisho. Ergada Isbaheysiga Dib u xoreynta Soomaaliya oo ka baxday Seminaar ka socday Guriga Umadda Jibouti (Sababtu Maxay tahay?) 04/06/2008 7:04 AM EST Arbaco, June 04, 2008(HOL): Ergooyinka Isbaheysiga Dib u xoreynta Soomaaliya uga qeybgelaya wada hadallada ay Qaramada Midoobay soo qaban qaabisay ee Jibouti ka socda ayaa waxay ka baxeen Hoolka Guriga Umadda Jibouti, kadib markii uu Hoolka shirka soo galay Safiirka Itoobiya u fadhiya Dalka Jibouti.