Madaxda ONLF oo la shirtay Jaalliyadda Soomaaliyeed ee G. Ohio

Guddoomiyaha Jabhadda Xoreynta ee ONLF & qaar ka mid Jaaliyadda Soomaaliyeed ee OHIO

Guddoomiyaha ururka ONLF Admiral Maxamed Cumar Cismaan iyo Xoghayaha Arrimaha Dibadda ee ONLF mudane Abdiraxmaan Mahdi ayaa ku sugan dalka Maraykanka. Waxayna kulamo la yeesheen Jaalliyadaha Somalida Ogaadenya ee ku nool cariga Maraykanka. Wafdigu waxay hore u soo mareen magaalooyinka Minneapolis, Sandiego, Atlanta iyo Washington DC.  Qayb ka mid ah socdaalkooda ayay ku yimaadeen magaalada Columbus ee gobolka Ohio.

Hadaba Axaddii September 16, 2007 ayaa shir balaadhan oo aad loo soo agaasimay ayaa waxaa lagu qabtay Columbus, Ohio ay ku qaabileen jaalliyadda Somaaliyeed ee Gobolka Ohio. Waxaa ugu horeyntii halkaas ka hadlay Ugas Abdullahi Ugas M. Gani kana mid ah gudigga Ururka ONLF oo ugu baaqay jaaliyadii halkaas isugu timi in midnimadda iyo qadiyada Somaliya ay tahay isku duubnaan iyo isqadarin. Ugaaska oo ka mid ah Jaaliyadda reer Ohio waxa uu hadalkii ku wareejiyay Mudane Abdirahman Mahdi oo ah Xoghaya Arimaha Dibadda ee ONLF in uu war bixin guud ka dhiibo dhinaca siyaasadda dibadda iyo gudahaba ee ONLF. Mudane Mahdi waxa uu jiri ONLF waa urur u halgamaya xoreynta dhulka Ogadenya, kana hela taageero dadkiisa. Gumeystaha Itobiya waxa uu xasuuq ba’an ku hayaa shacabka Ogadeynya isga oo aan u kala aaba yeelin Caruurta, Dumarka iyo Waayeelka. Gumeystaha Itobiya oo mar walba dab qabadsiiya tuulooyinka iyaga oo ku tuhmaya in ay shacabku taageerayaan Ururka ONLF. Waxauu yiri Mudane Mahdi, waxaan mar walba taageero joogta ah aan ka helnaa walaalaheen Somaliya oo hiil iyo hooba nala garab taagan dagaalka aan kula jirno gumeystaha Itobiya.

Kabib, waxaa hadlkii qaatay gudoomiyaha ururka ONLF Admiral Maxamed Cumar Cismaan, oo jaaliyadda u sheegay in uu mudo bil u dhow uu ku sugnaa carigan Mareykanka, ujeedda socdaalkiisuna ahaa in uu la kulmo shacabka Ogadenya ee ku nool Mareykanka si aan warbixin u siino halka uu halgankayagu marayo iyo in aan la kulano dawladda Mareykanka ayuu yiri gudoomiyaha ururka ONLF Admiral Maxamed Cumar.  Waxa uu warbixin ka bixiyay halganka uu ururkiisu soo maray iyo halka uu hadda marayo. Mar wax laga waydiiyey xidhiidhka ka dhaxeeya ururkiisa iyo Makxamadihii Islaamiga ahaa ee laga saaray Muqdisho, wuxuu sheegay in aysan wax xidhiidh ah ka dhaxaynin. Wuxuu kaloo sheegay in halganka lagu xoraynayo Somalida Ogaadenya uu ka madax bannaan yahay siyaasadda iyo colaadda ka jirta Jamhuuriyadda Soomaaliyeed ayna jeclaan lahaayeen in umadda Soomaaliyeed ay iyadu dhibaatadooda xalisto iyadoo aan dibadda laga soo fara galinin, waxa uu inta raaciyay hadii ay manta Ogaadeeniya xor ahaan laheeyd Itoobiya Somaliya kuma duusheen.

Sidoo kaloo mar wax laga waydiiyey in ururkiisu uu diyaar u yahay in nabad lagu xaliyo colaadda geeska Afrika, wuxuu sheegay inay wada hadal uu yahay sida ugu fiican ee wax lagu xallin karo, ONLF-na ay diyaar u tahay wada hadal aan shuruud ku xidhnayn inay la yeelato dawladda Itoobiya. Itoobiya ayuu ku eedeeyey inay iyadu tahay midda aan doonayn in si nabad ah lagu xaliyo dhibaatada Ogaadenya.

Wuxuu Admiral Maxamed Cumar Cismaan u mahadnaqay dadwaynaha Soomaliyeed ee deggan gobolada kala duwan ee jamhuuriyuadda Soomliyeed oo uu sheegay inay taageero hiil iyo hooba ay la garab istaageen halganka ay kula jiran gumeysiga Itoobiya.

Waxaa sidoo kale goobtaa ka hadlay odayo iyo waxgarad ka socda jaaliyadda Sooomaliyeed ee deggan magaalada Columbus oo hadallo talo iyo taageero ah halkaas ka soo jeediyey.

Odayaashii halkaas ka hadlay ayaa waxaa ka mid ahaa:

Dr. Xassan Cali Mire

Suldan Axmed Goolcadde

Abdullahi Salad Warsame

Nur Cali Xassan

Ibarhim Dacar Shekeeye

Gacmo Dheere

Abdullahi Cabdi “Faracadde”

Hiiraan Online

Columbus, Ohio