3/29/2024
Today from Hiiraan Online:  _
Wararka Maanta- Jimco, Sept 23, 2022
Madaxweynaha Puntland oo shaqadii ka eryay qaar kamid ah wasiiraddii ugu saameynta badnaa maamulkiisa
 

Jimco, September, 23, 2022 (HOL) - Madaxweynaha maamulka Puntland, Siciid  Deni ayaa caawa xilkii ka qaaday wasiirkii maaliyadda Puntland, Xasan Shire Abgaal, oo lagu tilmaamo inuu ahaa wasiirkii ugu saamaynta badnaa Puntland.

Xilka ka qaadida Xasan Shire Abgaal ayaa qeyb ka ahayd isku shaandhayn iyo magacaabis uu madaxweynaha Puntland ku sameeyay golihiisa wasiiradda. Waxaa xilka wasiirka maaliyadda loo magacaabay Maxamed Cabdiraxmaan Dhabancad oo ahaa wasiirkii arrimaha gudaha Puntland.

Cabdi Faarax Siciid Juxa oo horey usoo noqday wasiirkii arimaha gudaha Soomaaliya ee dowladdii madaxweyne Farmaajo, ayaa hadda loo magacaabay wasiirka arrimaha gudaha Puntland.

Madaxweyne Deni ayaa xilkii ka qaaday wasiirkii Caddaalada Puntland, Cawil Sheikh Xaamud. Waxaa lagu beddelay Maxamed Cabdiwahaab Axmed.

Waxaa sidoo kale xilkii laga qaaday wasiirkii qorshaynta Puntland, Jamaal Yuusuf Carab oo muddo 6 bilood ah joogay xafiiska. Waxaa lagu beddelay Maxamed Siciid Faroole oo uu adeer u yahay senator  Cabdiraxmaan Faroole.

Jamaal Yuusuf Carab oo laga qaaday wasiirkii qorshaynta, ayuu madaxeyne Deni wu magacaabay taliyaha hay'addka Sirdoonka Puntland ee PISA. Waxaa lagu beddelay Mukhtaar Jeyte oo xilkaas hayay, dhawaana shaqadii laga joojiyay.

Isbeddelkaan uu madaxweyne Deni sameeyay ayaa kusoo aaday iyadoo wax ka yar sannad iyo badh ay ka ka dhiman tahay doorashada madaxtinimada Puntland oo ku beegan january 2024.

Madaxweyne Deni ayaa meesha ka saaray saaxiibo badan oo siyaasadeed oo lagu tiriyo inay yihiin awooddii ka dambeysay inuu hanto xilka madaxweynaha Puntland.

Waxa uu  u arkayay inay caqabad ku yihiin hankiisa doorashada 2024, iyo doorashada golayaasha deegaanka ee uuu qorshaynayo in sannadka u dhiman uu xoogga saaro qabashadooda.












Click here
9/23/2022 2:01 PM EST
Jimco, September, 23, 2022 (HOL) - Waxaa Maanta magaalada Nairobi ee dalka Kenya uu shir ugu soo gabagaboobay Wasaaradda Caafimaadka Xukuumadda Federaalka Soomaaliya, hay'addaha deeq bixiyayaasha taageera Adeegyada Caafimaad dalka Soomaaliya iyo xubno ka socday hay'adda Caafimaadka Aduunka.

9/23/2022 8:02 AM EST
Jimco, September, 23, 2022 (HOL) - Maamul goboleedka Puntland ayaa si cad uga soo horjeestay go'aan kasoo baxay Wasaaradda Kaluumeyaiga dowladda Fedaraalka Soomaaliya, kaasoo ahaa in cid aan aheyn dowladda Soomaaliya aysan bixin karin shatiga Kaluumeysiga.

9/23/2022 6:51 AM EST
Jimco, September, 23, 2022 (HOL) - Dowladda Fedaraalka Soomaaliya ayaa warsaxafadeed kasoo saartay dagaalo ka dhacay deegaanada Sinadhaqe iyo Labidulle oo ka mid ah deegaanada hoostaga magaalada Dhuusamareeb ee gobolka Galgaduud.

9/23/2022 3:45 AM EST
Jimco, September, 23, 2022 (HOL) - Warar dheeraad ah ayaa kasoo baxaya dagaal qaraar oo gabal dhacii shalay ku dhexmaray ciidamada dowladda Soomaaliya iyo kuwa Al-shabaab deegaanada Sinadhaqo iyo Labidule oo ka mid ah deegaanada hoostaga magaalada Dhuusamareeb ee gobolka Galgaduud.

9/23/2022 1:59 AM EST
Jimco, September, 23, 2022 (HOL) - Madaxweynaha dowladda Federaalka Soomaaliya Xasan Sheekh Maxamuud oo khudbad dhinacyo badan taabaneysay ka jeediyey Shirka Golaha loo dhanyahay ee Qaramada Midoobey ayaa soo bandhigay dadaallada dowladda Soomaaliya ee gurmadka abaaraha, dib u habaynta laamaha ammaanka, guulaha laga gaaray dagaalada ka dhanka ah kooxaha Al-shabaab iyo Daacish, dib u heshiisiinta iyo hirgelinta dowladnimada.

9/23/2022 1:49 AM EST
Jimco, September, 23, 2022 (HOL) - Guddoomiyaha maamulka gobolka Banaadir ahna duqa magaalada Muqdisho Yuusuf Xuseen Jimcaale Madaale ayaa digniin adag u diray ganacsatada ku dhaqan magaalada Muqdisho ee ka amar qaata Al-shabaab, kuwa goobahooda ganacsi ku iibiya waxyaabaha maanka dooriya iyo waliba dadka u garsoor doonta Al-shabaab.