Jimco, Maarso, 05, 2021 (HOL)-Afhayeenka Ciidanka Booliiska Soomaaliyeed Sadiiq Aadan Cali oo warbaahinta kula hadlayay goobta uu ka dhacay qarax culus oo caawa lagu weeraray maqaaxi lagu magacaabo Luul Yemen oo ku taala degmada Xamar-Jajab ayaa sheegay in ay ku dhinteen 10 ruux oo u badnaa dad shacab ah.
Sadiiq Afhayeenka ciidanka Booliiska ayaa ku eedeeyay Al-shabaab in aysan wali ka tanaasulin wax-yeeleynta shacabka iyo in ay caqabad ku yihiin sida uu hadalka u dhigay hormarka wadanku sameynayo.
Qaraxa caawa ayaa marka laga soo taggo khasaaraha dhimashada iyo dhaawaca sidoo kale waxaa uu geystay burbur hantiyeed oo weyn.
Cabdiraxmaan Diini, Hiiraan Online[email protected]