3/28/2024
Today from Hiiraan Online:  _
Wararka Maanta- Arbaco, Sept 9 , 2020
Maraykanka oo shaaciyay aqoonsiga sarkaal Al-shabaab katirsan oo lagu dilay duqayn
 

Arbaco, September 9, 2020 (HOL) - Saraakiisha Taliska Mareykanka ee Afrika ayaa shaaciyey aqoonsiga hoggaamiyaha sare ee oo katirsan Al-Shabaab oo lagu diley duqeyn 25-kii Ogosto ka geysteen Soomaaliya.

Hogaamiyaha Al-Shabaab ee la dilay oo lagu magacaabo Abdulqadir Commandos, ayaa lagu beegsaday duqeyn ka dhacday agagaarka Saakow.

Sarkalkaan ayaa xilal badan ka qabtay ururka Al-Shabaab.

“Howlgallada duqeyntan waxay muhiim u tahay hoos u dhigista awoodda ay u leeyihiin rabshadaha ka socda Soomaaliya iyo meelo ka baxsan,” ayuu yiri Gen. Stephen Townsend oo ah taliyaha ciidamada Mareykanka ee Afrika. oo sheegay inay sii wadayaan cadaadiska Al-shabaab.

Tan iyo bishii Jannaayo, Taliska Mareykanka ee Afrika wuxuu qabtay 46 weerar oo cirka ah si loo yareeyo shabakadda al-Shabaab.

Abdiweli M. Sheikh, Hiiraan Online
[email protected]












Click here
9/9/2020 12:00 PM EST
Arbaco, September 9, 2020 (HOL) - Qof iskusoo xeray waxyaabaha qarxa ayaa isku qarxiyay maqaaxida Blue Sky oo ku taalla meel ku dhow taallada Xaawa-taako ee magaalada Muqdisho.

9/9/2020 10:25 AM EST
Arbaco, September 9, 2020 (HOL) - Waxaa goor dhow soo gaaray magaalada Muqdisho madaxweynayaasha maamul goboleedyada Hirshabeelle, Koonfur galbeed iyo Galmudug, waxaana garoonka Aadan Cadde ee Muqdisho kusoo dhoweeyay madax ka tirsan dowladda Soomaaliya.

9/9/2020 8:59 AM EST
Arbaco, September 9, 2020 (HOL) - Sida ay qoreen qaar kamid ah wakaaladaha wararka dunida waxaa maanta qarax ka dhacay caasimadda dalka Afganistan ee Kabul ku dhaawacmay madaxweyne ku xigeenka waddankaas Amrullah Saleh.

9/9/2020 8:51 AM EST
Arbaco, September 9, 2020 (HOL) - Madaxweynaha maamulka Galmudug Axmed Cabdi Kaariye ayaa waxa uu ku eedeeyay madaxweynayaasha Jubaland iyo Puntland in sababaha ay u diideen ka qeyb-galka shirkii Dhuusamareeb 3 uu ahaa in dalka uusan laheyn ra'iisul wasaare, balse taas bedelkeeda ay Muqdisho yimaadeen arrintii ay ku doodayeen oo weli taagan.

9/9/2020 7:17 AM EST
Arbaco, September 9, 2020 (HOL) - Shirka iskaashiga iyo wadatashiga Dowlad Goboleedyada Hirshabeele, Galmudug iyo Koonfur Galbeed ayaa ka furmay magaalada Baydhabo ee caasimadda kumeel gaarka ah ee koonfur galbeed.

9/9/2020 7:14 AM EST
Arbaco, September 9, 2020 (HOL) - Madaxweynaha dalka Maraykanka Donald Trump ayaa loo magacaabay murashaxa abaal marinta bilada nabada ee Nobel Peace Prize sannadka 2021, toddobaadyo uun ka dib markii uu gacan ka gaystay nabadeynta Israa’iil iyo Imaaraadka Carabta.

9/9/2020 4:39 AM EST
Arbaco, September 9, 2020 (HOL) - Xeer Ilaaliyaha Guud ee Qaranka ayaa magacaabay Xeer-Ilaaliye u gaar ah si baaris loogu sameeyo, gacantana loogu soo dhigo kuwii soo abaabulay, qorsheeyay iyo kuwii fuliyay dilalka iyo waxyeelaynta ka dhanka ah Suxufiyiinta.