3/29/2024
Today from Hiiraan Online:  _
Wararka Maanta- Axad, Nov 29, 2020
Maxakamada Ciidamada oo saakay xukun dil ah ku fulisay Macalin Ilkacase iyo xubno kale

 

Axad, November, 29, 2020 (HOL) - Maxkamada Ciidamada Qalabka sidda ayaa saakay xukun dil toogasho ku filisay Maxamed Xaaji Axmed oo laakiin caan ku ahaa [Macalin Ilkacase] oo ay dowladdu ku tilmaamtay dilaagii ugu weynaa Al-shabaab iyo labo xubnood oo kale oo la shaqeyn jiray.

Macalin Ilkacase oo ka tirsanaa Ururka Al-shabaab ayaa gudaha iyo daafaha magaalada Muqdisho ka fuliyay dilal dhowr ah oo uu si layaab u leh u qorsheeyay, isaga oo dhinaca kalana ahaa Macalin Iskuul oo dadka bara Luuqada English -ka.

Marka laga soo taggo magaca Macalin  Ilkacase sidoo kale waxaa uu ku shaqeysan jiray magacyo kale oo dhowr ah oo marar badan jahwareeriyay ciidamada Nabadsugida Qaranka ilaa ugu danbeyntii ay ogaadaan qofka magacyadan oo dhan iska leh in uu yahay Maxamed Xaaji Axmed.

Waxaa sidoo kale toogashadan lagu fuliyay Axmed Maxamed Haashim iyo Saalim Siciid Maxamed oo labaduba ka tirsanaa qeybta Amniyaadka Ururka Al-shabaab dilal kala duwanna ka geystay magaalada Muqdisho.

Maxkamadda Ciidamada Qalabka sida ee Soomaaliya ayaa 31-kii Bishii December ee sanadkii 2019 waxaa ay xukun dil toogasho ah ku riday Macalin Ilkacase iyo xubno kale, kuwaas oo maxkamadu sheegtay in ay dilal qorsheysan iyo weerar kal geysteen Magaalada Muqdisho.

Cabdiraxmaan Diini, Hiiraan Online
[email protected]   


















Click here
11/29/2020 1:55 PM EST
Axad, November, 29, 2020 (HOL) - Dableey hubeysan ayaa Caawa xaafadda Howlwadaag ee magaalada Baledweyne ku dishay Nabadoon Xasan Ibraahim Nuur oo loo yaqiinay (Xasan Tiyeegoow).

11/29/2020 1:44 PM EST
Axad, November, 29, 2020 (HOL) -Xoghayaha joogtada ah ee wasaaradda arrimaha dibadda dawladda Soomaaliya Maxamed Cali Nuur oo goor dhaw ka hadlay warbaahinta dawladda ayaa sheegay in Soomaaliya ay dib ugu yeeratay safiirkeeda Kenya danjire Maxamuud Axmed Nuur Tarsan, waxaana ay safiirka Kenya danjire Lucas Tumbo ku wargalisay in uu dalkiisa wadatashi ugu laabto.

11/29/2020 10:25 AM EST
Axad, November, 29, 2020 (HOL) - Wararka naga soo gaaraya magaalada Hargeysa ayaa sheegay in ciidamada Nabadgalyada Somaliland xireen xildhibaan Mustaf Dhuxuloow oo ka tirsan Baarlamaanka Soomaaliya dhinaca kalana ah musharax madaxweyne oo u taaggan doorashada 2020-21 ee Soomaaliya

11/29/2020 8:58 AM EST
Axad, November, 29, 2020 (HOL) -Warar dheeraad ah ayaa ka soo baxaya kulan maanta Hotelka Jazeera ee magaalada Muqdisho ay ku yeesheen midowga musharixiinta Soomaaliya

11/29/2020 8:58 AM EST
Axad, November, 29, 2020 (HOL) - Madaxweynaha Puntland Siciid Cabdullaahi Deni oo maanta kulan la qaatay wafdi isugu jira Qaramada Midoobey, Midowga Europe, Midowga Africa iyo IGAD ayaa kalsooni ka muujiyay in ay Soomaaliya ka dhicidoonto doorasho wakhtigeeda dhacda.

11/29/2020 5:12 AM EST
Axad, November, 29, 2020 (HOL) - Wafdi ka socda Qaramada Midoobey, Midowga Europe, Midowga Africa iyo IGAD, ayaa kulan gaar ah Garowe kula leh Madaxweynaha Puntland Siciid Cabdullaahi Deni.

11/29/2020 5:03 AM EST
Axad, November, 29, 2020 (HOL) - Wasiirka warfaafinta dowladda federalka Soomaaliya Cismaan Dubbe ayaa ku eedeeyay qaar kamid ah dowlad goboleedyada in ay masuul ka yihiin dib u dhac ku yimaada doorashada Soomaaliya.

11/29/2020 2:51 AM EST
Axad, November, 29, 2020 (HOL) -Waxaa magaalada Istanbul ee dalka Trukiga caafimaad u jooga tababarihii cayaartoydii gobolka Hiiraan ee bari-samaadkii.

11/29/2020 1:37 AM EST
Axad, November, 29, 2020 (HOL) - Madaxweyne ku xigeenka maamulka Hirshabeelle Yuusuf Axmed Hagar Dabageed ayaa sheegay in Caasimadda Hirshabeelle ay tahay magaalada Baledweyne ee xarunta gobolka Hiiraan isla mar ahaantana lagu qabanayo xaflada caleema saarka madaxweynaha Hirshabeelle.

11/29/2020 12:48 AM EST
Axad, November, 29, 2020 (HOL) - Taliyaha guud ee ciidamada Itoobiya Janaraal Birhanu Julla ayaa Warbaahinta dawladda u cadeeyay inay si buuxda ula wareegeen gacan ku haynta caasimadda Tigray ee Maqale.

11/29/2020 12:28 AM EST
Axad, November, 29, 2020 (HOL) - Taliyaha guud ee ciidamada xoogga dalka Soomaaliyeed Gen Odawaa Yuusuf Raagge ayaa sheegay in ay sheegay in howlgal qorsheysan oo ay ciidamadu fuliyeen ku dileen 8 xubnood oo ka tirsanaa Ururka Al-shabaab.

11/29/2020 12:15 AM EST
Axad, November, 29, 2020 (HOL) - Wasiiru dowlaha Arrimaha Dibadda iyo Iskaashiga Caalamiga, Balal Maxamed Cusman, ayaa hoggaamiyay wafdiga Soomaaliya uga qeybgalaya shirka 47aad ee Golaha Wasiirrada Arrimaha Dibadda ee Ururka Iskaashiga Islaamka oo shalay oo Jimce ahayd ka furmay Magaalada Niamey ee Caasimadda Dalka Niger.