3/29/2024
Today from Hiiraan Online:  _
Wararka Maanta- Isniin, Jun 29, 2020
Danjire Abuukar Baalle oo loo doortay guddoomiye ku xigeenka golaha guud ee Qaramada Midoobay

 
Danjiraha Soomaaliya u fadhiya Qaramada Midoobay Abukar Daahir Osman (Abukar Balle) iyo Xoghayaha Qaramada Midoobay António Guterres


Isniin, Juun 29, 2020 (HOL) - Danjiraha Soomaaliya ee Qaramada Midoobay Abukar Dahir Osman (Abukar Baalle) ayaa maanta loo doortay guddoomiye ku xigeenka golaha guud ee kal-fadhiga 75-aad ee Qaramada Midoobay.

Ambassador Abuukar Baallee oo muddo sanad ah heyn doona xilkan ayaa guddoomiyaha cusub ee kal-fadhiga UN-ka Volker Bozkir oo u dhashay dalka Turkey kala shaqeyn doona isku duba-ridka howlaha Qaramada Midoobay, diyaarinta ajandaha golaha guud, iyo xallinta caqabadaha iyo walaaca la gudbooonaada dalka xubnaha ka ah Qaramada Midoobay.

“Doorashada Abukar Baalle ee ku xigeenka Qaramada Midoobay waxay Soomaaliya fursad u siineysaa inay u ololeyso danaheeda goonida u ah, isla markaana xiriir dhow oo diblomaasiyadeed ay la yeelato dalalka caalamka” ayuu yiri Axmednuur Ugaas oo ka faallooda arrimaha siyaasadda iyo xiriirka caalamiga ah.

Waa markii ugu horeysay oo muddo 33 sanadood ah ay Somalia ku guuleysato xilkaas.  Waxaa xilkan hore u soo qabtay safiiradii Soomaaliya ee Qaramada Midoobay ee kala ahaa Xassan N. Cilmi 1963-64,  C/risaaq Xaaji Xuseen, Axmed M. Aadan Qaybe 1979-1980 iyo Danjire   C/llaahi S. Osman 1986-87.

Faarax Blue, Hiiraan Online
Minneapolis, Minnesota
[email protected]













Click here
6/29/2020 5:42 PM EST
Isniin, Juun 29, 2020 (HOL) - Beesha caalamka ayaa bayaan ay soo saartay waxay carrabka ku adkeysay baahida joogtada ah ee loo qabo wadahadal dhameystiran oo faah-faahsan oo dhexmara madaxda DFS iyo Dowlad Goboleedyada.

6/29/2020 8:11 AM EST
Isniin, Juun 29, 2020 (HOL)-Waxaa maanta maxkamadda Ciidamada qalabka sida ee dowladda Soomaaliya kasoo hormuuqday askari ka tirsan ciidanka booliska Soomaaliyeed oo ku eedeysan dilkii ka dhacay Isgoyska Jubba ee magaalada Muqdisho 1-dii bishii Ramadaan ee lasoo dhaafay .

6/29/2020 8:04 AM EST
Isniin, Juun 29, 2020 (HOL) - Barlamaanka Puntland ayaa ugu baaqay madaxweyne Deni iyo xukuumadiisa in aysan ka qeyb galin shirka madaxweynaha dowlada federalka ku qabanayo Muqdisho, illaa inta laga saxayo waxay ugu yeereen xad gudubka loo geystay sharuucda iyo xeerarka doorashada.

6/29/2020 1:06 AM EST
Isniin, Juun 29, 2020 (HOL) - Safiirka Jamhuuriyadda Soomaaliya u fadhiya dalka Itoobiya Danjire Cabdixakiim Cabdullaahi Cumar ayaa waxa uu sheegay in Soomaaliya ay si buuxdo u taageersantahay biyo xireenka Itoobiya ay ka sameyneyso webiga Nile, kaas oo ay Dowladda Masar diiddantahay.

6/29/2020 12:55 AM EST
Isniin, Juun 29, 2020 (HOL) - Guddoomiyaha barlamaanka Puntland ayaa ku wargaliyay xildhibaanada Puntland inay si buuxda usoo xaadiraan kalfadhiga maanta iyagoo lagu wargaliyay in go’aan lagasoo saaridoono sharciyadii uu meel mariyay barlamaanka Soomaaliya.

6/29/2020 12:48 AM EST
Isniin, Juun 29, 2020 (HOL) - Wasaaradda caafimaadka Itoobiya waxay shaacisay 119 xaalad oo cusub oo ah COVID-19 oo laga helay waddankaasi kadib markii baaritaan lagu sameeyay 3,895 bukaan oo xanuunka looga shakiyay 24 saac ee ugu dembeeyay.

6/29/2020 12:42 AM EST
Isniin, Juun 29, 2020 (HOL) - Qoyska nin dhowaan ay toogteen booliska Glasgow ee ku hubeysnaa mindida islamarkaana la sheegay inuu dhowr qof tooriyeeyay, ayeey qoyskiisa sheegeen inuu qabay xannuunka dhimirka.

6/29/2020 12:34 AM EST
Isniin, Juun 29, 2020 (HOL) - Senator Cabdirazaq Cusman Xasan “Jurile”oo katirsan wakiilada aqalka sare ee ku matala dowlad goboleedka Puntland, ayaa ku eedeeyay madaxweyne Farmaajo iyo guddoomiyaha golaha shacabka in ay dileen rajadii laga qabay in Soomaaliya u dhaqaaqdo jihada saxda ah iyo dadaaladii lagasoo shaqeynayay.