3/28/2024
Today from Hiiraan Online:  _
Wararka Maanta- Isniin, Jan 6 , 2020
Madaxweyne Waare iyo odayaasha Buula-burte oo kulmay

 

Isniin, Janaayo, 06,2020 (HOL)-Madaxweynaha Dowlad gobolleeda Hirshabeelle Maxamed Cabdi Waare oo maalintii shalay gaaray degmada Buula-burte ayaa halkaa kulamo kula leh odayasha degmada.

Kulamada madaxweynaha iyo Odayaasha ayaa intooda badan looga wada hadlayaa sidii xal loogu heli lahaa xiisada maalmihii ugu danbeeyayba ka taagneyd degmada ee ka dhanka aheyd Wasiirka Arrimaha Gudaha Hirshabeelle oo ay ku eedeeyeen in uu uga baxay balamo ay horay u wada galleen.

Madaxweynaha ayaa kala hadlaya Odayaasha sidii loo soo anba-qaadi lahaa dhismaha golaha deegaanka Buula-burte oo ay dalbadeen waxgaradka  deegaanka,sida ay sheegeen dad kulanka qeyb ka ah.

Wasiirka Arrimaha Gudaha Hir-Shabeelle Maxamed Cali Caadle ayaa muddo  ka badan laba todobaad ku sugan degmada Buulo-Burde, isaga oo halkaasi u tagay xalinta khilaafka Maamulka ah balse ay dhaceyn banaanbaxyo looga  soo horjeestay.

Odayaasha degmada Buula-burte ayaa ku eedeeynaya maamulka Hirshabeelle magacaabis joogta ah iyo fulin la'aanta inta badan wax-yaabaha lagula balamo waxaa ay doodda ugu weyn ka taagan tahay dhismaha Gole deegaan oo ay odayaashu doorbidayaan.

C/raxmaan Diini, Hiiraan Online
[email protected]
 

 

 

 

 













Click here
1/6/2020 8:15 AM EST
Isniin, Janaayo, 06, 2020, (HOL)- Khilaafkii ka dhex taagnaa masjidka Towfiiq ayaa laga gaaray xal, kadib markii midowga masaajida ay Soomaalidu maamusho ee Norway ugu danbeyn ku guuleysteen inay isku keenaan labada koox ee ku muransanaa xukunka masjidka.

1/6/2020 4:09 AM EST
Isniin, Janaayo, 06, 2020, (HOL)- Maxkamadda racfaanka ciidamada qalabka sida ee Puntland ayaa dil toogasho ku xukuntay Axmed Aadan Maxamed Gaagaale oo ku eedaysnaa dilka taliyihii madaarka Bosaso, Xasan Shire Amaan.

1/6/2020 3:35 AM EST
Isniin, Janaayo, 06, 2020, (HOL)-Madaxweynaha Puntland, Siciid Deni, ayaa shir wadatshi ah ku casuumay qaar kamid ah dowlad goboleedyada ay xulafada yihiin Puntland iyo xisbiyada mucaaradka Soomaaliya, iyagoo ka wada hadlaya arrimaha doorashada Soomaaliya.

1/6/2020 2:42 AM EST
Isniin, Janaayo, 06, 2020, (HOL)- Cabdi Casiis Faarax Maxamed (Istakiin) oo ahaa madaxa Saadka ciidamada isku dhafka gobolka Mudug ayaa ku dhaawacmay qarax xalay lagula beegsaday waqooyiga magaalada Gaalkacyo.

1/6/2020 12:39 AM EST
Isniin, Janaayo, 06, 2020 (HOL)- Iyadoo ay sii kululaaneyso xiisada Diblomaasiyadeed ee u dhaxeysa Mareykanka, Ciraaq iyo Iiraan, ayuu madaxweyne Donald Trump ugu hajabay dalka Ciraaq cunaqabateyn ballaaran haddii ay xukuumaddu meel mariso qaraarka ama go'aanka ka soo baxay Baarlamaanka

1/6/2020 12:07 AM EST
Isniin, Janaayo, 06, 2020, (HOL)- Wasaaradda Difaaca Mareykanka ayaa sheegtay in weerarkii shalay lagu qaaday saldhiggooda Miilitari ee gobolka xeebta ‘’ Lamu ‘’ ee dalka Kenya lagu dilay saddex ruux oo isugu jiray Askari Mareykanka ah iyo Labo ruux oo Qadaraaslayaal ah.