3/28/2024
Today from Hiiraan Online:  _
Wararka Maanta- Khamiis, Jan 2 , 2020
Ohio Dugsi Association oo shahaadooyin gudoonsiiyay 48 Arday

Khamiis, Janaayo, 02,2020 (HOL)- 48 arday oo Soomaali ah ayaa loo qabtay xaflad qalinjabin ah kadib markii ay dhameeyeen Barashada Quraanka Kariimkaa taas oo ay soo abaabuleed dalada Ohio Dugsi Association oo ah dalad ay ku midoobeen qaar ka mid ah dugsiyada qur'aanka ee gobolka Ohio.

Waxaa goobta munaasabadu ka scotay buux dhaafiyay waalidiin, asxaab, Arday iyo qaybaha bulshada kuwaas oo farxada la qeybsanayay ardadan oo dhamaantood ah caruur aad u yar yar oo ku dhashay dalka Mareykanka kuwaas oo isugu jiray Wiilal iyo Gabdho.

Maamulka dugsiyada Ohio Dugsi Association ayaa sheegay in barnamijkan ay uga goleeyihiin in ay ku dhiirogaliyaan Caruurta iyo dhalinyarada Qur'aanka barta iyo kuwa baran doona.

Caruurtan oo intooda badan uu ku adagyahay ku hadalka Af-ka Soomaaliga ayaa aad ugu faraxsanaa heerka ay soo gaareen waxaana qaarkood ay sheegeen in ay sii wadayaan Xifdinta Qur'anka iyo Barashada Diinta si ay mustaqbalka u noqdaan kuwo jiilasha danbe uga Faaiideeya waxa ay Barteen.

Inta Baddan Macalimiinta ka hadlay Munaasabadan waxay waalidiinta ka codsadeen in ay il gooniya ku eegaan caruurta oo aan looga harin Dugsiga oo kaliya.

Daladan Ohio Dugsi Association ayaa dhankooda xusay in ay ku socdaan heer isbadal oo ay ku gaarayaan in ay ka qeyb noqdaan Tartamada Qur'aanka ee Calamka Gaar ahan kuwa Mareykanka, Dubia iyo wadamo kale.

Waalidiin Baddan ayaa u mahadceliyay macalimiinta iyo dalada kuna amaanay doorkooda waxbarasho iyaga oo alle uga baryay in uu ka ajarsiiyo.

Inta baddan Caruurta ku dhasha qurbaha ee aan ku hadlin luuqada Soomaaliga ama Carabiga ayaa macalimiintu ka maraan dhib aad u baddan gaar ahaan barashada Higaada iyo xuruufta waxayna Macalimiin baddan Guntiga u xirtaan sidii loo caawin lahaa caruurtaasi oo ugu danbayn qaarkood dhamaystay Qur'aanka.

Deeqo Shire (SONNA)
Columbus Ohio













Click here
1/2/2020 9:54 AM EST
Khamiis, Janaayo, 2020 (HOL)–Jabhaddii korneyl Caaro iyo askartiisii ayaa maanta lagu wareejiyey guddidii madax dhaqameedka ahaa ee iskaga dabqaadayey xukuumadda iyo Taliye Caaare, waxaana lagu soo gunaaday in si nabad ah ciidankaasi lagu soo wareejiyo.

1/2/2020 7:09 AM EST
Khamiis, Janaayo, 02, 2020 (HOL)- Ururo ay mideysanyihiin masaajida kuyaala Norway ayaa bilaabay dadaalo lagu dhex dhexaadinayo Soomaalida ku heshiin la’ maamulka masjidka Towfiiq oo ah masaajidka ugu weyn Oslo oo ay Soomaalida gacanta ku hayso.

1/2/2020 6:39 AM EST
Khamiis, Janaayo, 02, 2020 (HOL)- Guddoomiyaha gobolka Banaadir, Cumar Finish ayaa ganacsatada ugu baaqay inay joojiyaan lacagaha ay siiyaan ururka Alshabaab, isagoo sheegay in lacagahaasi lagu xasuuqo ummadda Soomaaliyeed.

1/2/2020 5:49 AM EST
Khamiis, Janaayo, 02, 2020 (HOL)- Ugu yaraan sagaal carruur ah ayaa degaanka Widhdhidh oo katirsan degmada Buuhoodle ee gobolka togdheer ugu geeriyooday cudurka maskax-garaadka ama meningitis, sida ay Hiiraan Online u xaqiijiyeen masuuliyiinta degaanka.

1/2/2020 4:32 AM EST
Khamiis, Janaayo, 02, 2020 (HOL)- Maraykanka ayaa fiisihii dal ku gal u diiday filim sameeyaha reer Syria Feras Fayyad, isagoo loo tixgalinayo inuu yahay ninka ku guulaysan kara abaalmarinta Oscar ee la bixinayo sannadkaan 2020.

1/2/2020 3:24 AM EST
Khamiis, Janaayo, 02, 2020 (HOL)-Madaxweynaha Puntland, Siciid Cabdulaahi Deni, ayaa diiday ciidamo aan ahayn kuwa Puntland in ay ka howlgalaan gudaha Puntland.

1/2/2020 3:21 AM EST
Khamiis,Janaayo 2020 (HOL)-Dad ka carreysan Qaraxii dadka badan ay ku dhinteen ee toddobaadkan ka dhacay Ex Koontarool Afgooye ayaa maanta isugu soo baxay Fagaaraha Dugsiga tababarka ee Janeraal Kaahiye ee magaalada Muqdisho

1/2/2020 3:11 AM EST
Khamiis,Janaayo, 02, 2020 (HOL)-Dowladda Kenya ayaa ka digtay weerarro ay qorshaynayaan xubno ka tirsan Ururka Al-shabaab kuwaa sawirradooda la baahiyay.

1/2/2020 12:30 AM EST
Khamiis, Janaayo, 02, 2020 (HOL)- Wararka ka imanaya dalka Yemen ayaa sheegaya in xaalad nolaleed oo adag ay soo food saartay Qaxootiga Soomaalida ee ku jira xerada Alqaraj kaddib markii laga eryay xerada hay’addii gacanta ku heysay ee UNHCR.

1/2/2020 12:06 AM EST
Khamiis, Janaayo, 02, 2020 (HOL)-Magaalada Muqdisho ayaa lagu wadaa in maanta uu ka dhaco dibadbax uu soo qabanqaabiyay maamulka gobolka Banaadir kaa oo looga soo horjeedo Qaraxii toddobaadkan horraantiisii ka dhacay Isgoyska Ex Koontarool Afgooye.