3/29/2024
Today from Hiiraan Online:  _
Wararka Maanta- Sabti, Dec 5 , 2020
Shir aan caadi aheyn oo ay yeelan lahaayeen Golaha Wasiirradda Soomaaliya oo baaqday

 

Sabti, December, 05, 2020 (HOL) -  Waxaa dib u dhacay shir caadi aheyn oo maanta Golaha Wasiirradda Soomaaliya ku yeelan lahaayeen magaalada Muqdisho, kaa oo qorshuhu ahaa in looga wadahadllo xaaladihii ugu danbeeyay siyaasadda guud ahaan Soomaaliya.

Golaha Wasiirradda ayaa xalay lagu war-galiyay qabsoomida shirka, hasse ahaatee mar kale Golaha Wasiirradda ayaa loo diray fariin ah in uu shirku baaqday, sida warbaahinta u sheegeen ilo xog-ogaal ah.

Inkastoo shirkanni uu qaabday hasse ahaatee arrimaha ugu waaweyn ee qorsuhu ahaa in diirrada lagu saaro ayaa lagu sheegay arrintan Jubbaland iyo khilaafka ka taaggan doorashada oo siweyn uga soo horjeesteen musharixiinta mucaaradka.

Dowladda Soomaaliya ayaa lagu eedeeyay in ay waddo qorshe ka dhan ah Jubbaland oo ay dooneyso in ay u aqoonsato deegaan cadawgu heysto oo aan doorasho lagu qabin karin.

Dhawaan ayeey aheyd markii Dowladda Federaalka ay dalka ka saartay safiirkii Dowladda Kenya oo ay ku eedeysay in ay fara-galin ku heyso arrimaha siyaasadda Soomaaliya.

Cabdiraxmaan Diini, Hiiraan Online
[email protected]       




















Click here
12/5/2020 3:21 PM EST
Sabti, December, 05, 2020 (HOL) -Guddiga aan wali laga heshiin ee doorashada heer Federaal ayaa maanta Muqdisho ku doortay guddoon si howlahooda ay u sii waddaan.

12/5/2020 7:21 AM EST
Sabti, December, 05, 2020 (HOL) - Golaha Midowga Musharaxiinta ayaa warsaxaafadeed ay soo saareen waxay walaac kaga muujiyeen Wasaaradda Batroolka iyo Macdanta oo ay ku eedeeyeen inay ku howlan tahay bixinta ruqsadaha baarista Shidaalka, xilli lagu jiro marxalad doorasho.

12/5/2020 5:07 AM EST
Sabti, December, 05, 2020 (HOL) - Xildhibaanadii Puntland ee dhawaan xilka laga xayuubiyay ayaa warbaahinta ka sheegay in mooshinkii xilka looga qaadayay uu ahaa go’aan lagu difaacayay danaha dowladda Imaaraatka Carabta ka leedahay dekeda magaalada Bosaso.

12/5/2020 4:15 AM EST
Sabti, December, 05, 2020 (HOL) - Shirkaddaha isgaarsiinta ee ka howgalla Puntland ayaa dhaqan galin waayay amar kasoo baxay golaha wasiiradda Puntland, kaasoo wax looga badalayay adeega lacagaha mobaylka la iskugu diro ee sahalka iyo Edahab.

12/5/2020 3:31 AM EST
Sabti, December, 05, 2020 (HOL) - Warar dheeraad ah ayaa ka soo baxaya howl-gal qorsheysan oo saacadihii la soo dhaafay ciidamada dowladda Soomaaliya ka sameeyeen qeybo ka mid ah gobolka Shabeellaha Hoose.

12/5/2020 3:08 AM EST
Sabti, December, 05, 2020 (HOL) -Qoraal ka soo baxay madaxtooyada Somalilnad ayaa lagu taageeray go'aanka dowladda Mareykanka ee ah in la baxayaan dhamaanba ciidamada ka jooga Soomaaliya.

12/5/2020 12:02 AM EST
Sabti, December, 05, 2020 (HOL) -Waaxda Gaashaandhigga Mareykanka ee The Pentagon ayaa sheegeysa in madaxweyne Trump uu dalbaday in ku dhawaad dhammaan ciidamada Mareykanka laga soo saaro gudaha Soomaaliya ka hor inta uusan xilka wareeejin bisha soo socota.