3/29/2024
Today from Hiiraan Online:  _
Wararka Maanta- Khamiis, Dec 10, 2020
Dowladda oo war ka soo saartay ka ganacsiga maandooriyaha

 

Khamiis, December, 10, 2020 (HOL) - Dowladda Soomaaliya ayaa sheegtay in aysan aqbali doonin ka ganacsiga maandooriyaha oo sida ay sheegtay dabagal adag lagu sameyn doono dadka ka ganacsada iyo kuwa soo dajiya intaba.

Xeer-ilaaliyaha Guud ee Qaranka Dr Sulaymaan Maxamed Maxamuud oo shir jaraa'id ku qabtay Xafiiskiisa ayaa u digay Dadka ka ganacsanada Maandooriyaasha Qaadka, taabuuga, Xashiishka iyo Dawooyinka Maanka dooriya, kuwaaso uu sheegay in si aan sharci ahayn  dalka lo so galiyo.

Sidoo kale, Xeer-ilaaliyaha Guud ee Qaranka ayaa faray Ciidamadda Booliska iyo kuwa Badda inay gutaan Wajibaadkooda, islamar ahaantaasna si deg deg ah uga howl-galaan Ganacsatadda iyo shirkaddaha Faa'iidada ka raadinaya ka ganacsiga maandooriyaha.

Xeer-ilaaliyaha Guud ee Qaranka Dr Sulaymaan   ayaa intaas ku daray  in talaabo sharci ah laga qaad-doono Dadka ka ganacsadda Maandooriyaasha haddii aysan ka waan-toobin, wuxuu sheegay in hantidooda gaar ahaan Gaadiidka ay ku galayaan fal danbiyeedyadda lala wareegidoono si waafaqsan Qodobadda 182aad iyo 183aad ee Xeer-ka Ciqaabta Soomaaliyeed. 

Dhinaca kale, Xeer-ilaaliyaha Guud ee Qaranka ayaa wal-wal ka muujiyay habka loo isticmaalayo Warbaahinta oo lo faafinayo, loona baahinayo Warar sida uu sheegay anan sal iyo raad toona lahayn, kuwaaso uu ku tilmaamay inay kicinayaan fitno kuna xad-gubayaan Dastuurka Soomaaliyeed. wuxuu intaas ku daray in arintaas lagu jahwareerinayo shacabka Soomaaliyeed laguna dhaawacayo Qarnimadda Soomaaliyeed. 

Ugu Danbayntii, Xeer-ilaaliyaha Guud ee Qaranka ayaa ka digay Warbaahinta in loo isticmaalo in wax lagu bur-buriyo, wuxuu kaloo ka digay in lagu tunto Xoriyadda Saxaafadda oo sheegay in uu magacaabay Xeer-ilaaliye si gaar ah ugu ilaaliya waxa ay xaqa u leeyihiin kana ilaaliya xad-gudubyadda ay gaysan karaan.

Cabdiraxmaan Diini, Hiiraan Online
[email protected]    














Click here
12/10/2020 12:50 PM EST
Khamiis, December, 10, 2020 (HOL) - Warar naga soo gaaraya gobolka Sanaag ayaa sheegaya in dagaalyahanno ka tirsan Ururka Al-shabaab dad shacab ah ka afdu afduubteen deegaan lagu magacaabo Milxo saqdii dhexe ee xalay.

12/10/2020 11:58 AM EST
Khamiis, December, 10, 2020 HOL) - Wararka naga soo gaaraya gobolka Shabeellaha Hoose gaar ahaan degmada Wanlaweyn ayaa sheegaya in Afar Askari oo ka tirsanaa ciidanka Koonfur Galbeed lagu dilay weerar lagu qaaday barkoontarool oo ay ku sugnaayeen.

12/10/2020 11:51 AM EST
Khamiis, December, 10 2020 (HOL) - Taliska Mareykanka ee Afrika ayaa fuliyay labo duqeyn oo cirka ah oo lagu bartilmaameesaday khubaro katirsan al-Shabaab oo qaraxyada sameeya, waxayna duqayntu ka dhacday agagaarka Jilib.

12/10/2020 11:48 AM EST
Khamiis, December, 10, 2020 HOL) - Waxaa xabsiga magaalada Hargeysa laga sii daayay milkiilaha TV-ga Astaan oo bishii hore maxkamada gobolka Maroodi-Jeex ku xukuntay 5 sano oo xarig ah.

12/10/2020 7:44 AM EST
Khamiis, December, 10 2020 (HOL) - Hanti-dhowraha guud ee Soomaaliya, Maxamed Cali Afgooye, ayaa maanta sheeggay in aysan baaritaan ku samaynin raysal wasaarihii hore ee Soomaaliya, Xasan Cali Kheyre oo 25-kii bishii julay xilka looga qaaday mooshin barlamaanka uu kasoo gudbiyay.

12/10/2020 4:28 AM EST
Khamiis, December, 10, 2020 (HOL) -Ganacsatada Qaadka ee dowladda Kenya ayaa ku cadaadinaya madaxweynaha dalkaasi Uhuru Kenyatta in uu dhaqse u bilaabo wada hadallo ku saabsan sidii ay dowladda Soomaaliya u fasixi laheyd Qaadkii loo dhoofin jiray.

12/10/2020 1:24 AM EST
Khamiis, December, 10 2020 (HOL) - Labo sarkaal oo ka badbaaday weerarkii shalay lagu dilay saraakiil katirsanaa ciiddamada xoogga, ayaa lagu guulaystay in lasoo badbaadiyo iyagoo nool kadib markii ciidamadii katirsanaayeen ay illaa xalay ka baadi goobayeen goobtii uu weerarku ka dhacay.

12/10/2020 1:04 AM EST
Khamiis, December, 10 2020 (HOL) - Maxkamadda Ciidamada qalabka sida ee Soomaaliya, ayaa amartay in Xorriyadiisa dib loogu Celiyo Gaashaanle Ismaaciil Cabdi Maalik oo ahaa Taliyihii Danab hadii, kadib markii lagu waayay dambiyadii loo haystay.

12/10/2020 12:07 AM EST
Khamiis, December, 10 2020 (HOL) - Wasiirka Wasaarradda Warfaafinta Dowlad Gobolleedka Galmudug Axmed Shire Falagle oo la hadlayay BBC ayaa sheegay in 7 sarkaal oo ka tirsanaa ciidanka xoogga dalka Soomaaliyeed ku dhinteen weerarkan oo dhacay galinkii danbe ee shalay.