3/29/2024
Today from Hiiraan Online:  _
Wararka Maanta- Khamiis, Aug 6 , 2020
Saaxdheer oo laga soo saaray qodobo lagu heshiisiiyey laba beelood iyo war murtiyeed madaxda dhaqanku soo saareen


Khamiis, Agoosto 6, 2020 (HOL) - Shir nabadeed oo mudo laba maalmood ah uga socdey laba beelood oo colaad 11 ruux galaafatay ku dhex martay degaano hoos yimaada Buuhoodle ayaa heshiis buuxa laga gaadhey maanta gelinkii danbe.

Qodobada labada beelood ku heshiiyeen ayaa waxaa ka mid ahaa in 11 ruux oo labada beelood ku kala dhintay ay mag kala qaataan taas oo qiraalka ku kala qeexeen sida ay kala yihiin, isla markaana wixii dhaawac ahaana loo balamay.

Degaanka oo ahaa wixii sababay colaadana waxa ay labada beelood ku heshiiyeen in la wadaago oo aan cidna gaar u sheegan karin, waxa kale oo ay ku heshiiyeen in cidii jebisa ama gacan qaad samaysa ganaaxeeda loo daayo gusiga dhaqanka ee hawshan gacanta ku haya.

Dhinaca kale madaxda dhaqanka ayaa iyaguna war murtiyeed ka soo saaray Saaxdheer kaas oo ugu horeeyo in ay isla garteen in shareecada Islaamka laysku xukumo, in qofkii qof dila loo gacan geliyo cidii qisaastiisa lahayd, cidii fulin weydana lagu ganaaxi doono 100 halaad.

Sidoo kale waxaa ay ganaax ka soo saareen cida dhaawac geysarta badheedh ah in lagu ganaaxo 50 halaad, sidoo kale waxaa 50 halaad lagu ganaaxi doonaa cida weerar ku soo qaada degaan, xitaa hadaanay wax dhib ah geysan.

Madasha Saaxdheer waxaa ka hadlay madaxda dhaqanka, Cuqaal, waxgarad iyo masuuliyiin kala duwan kuwaas oo soo dhoweeyey heshiiskan iyadoo masuuliiyiinta gobolka Doolo ee kililka Soomaalida oo magaaladan qayb ka mid ahi hoostagto ay si wey ula soconayaan heshiiskan iyo fulintiisa ayay sheegeen.

Magaalada Saaxdheer oo laba daamood u qaybsan ayaa goobta shirku ka dhacayey amaankeeda sugayey ciidamada dawlad degaanka Soomaalida maadaama ay dhinacooda ka tirsanayd.

Si kastaba ha ahaatee heshiiskan ayaa ah mid ka duwan heshiisyo badan oo horey labada beelood loo dhexdhigay maadaama ay kan labada beelood keligood gaadheen iyadoo ay ka maqan yihiin gudiyadii dhedhexaadinta.

Seynab Cabdi Warsame, Hiiraan Online
[email protected]
Laascaanood












Click here
8/6/2020 2:09 PM EST
Khamiis, Agoosto 6, 2020 (HOL) - Wafdi uu hoggaaminayo guddoomiyaha maxkamadda madaniga ah ee Gobolka Hiiraan Cabdiraxiim Muxumed Taakooy ayaa maanta gaaray magaalada Buula-burte , waxaana soo dhoweeyay mas’uuliyiinta degmada iyo qeybo kamid ah bulshada ku nool degmadaas.

8/6/2020 9:24 AM EST
Khamiis, Agoosto 6, 2020 (HOL) - Safiirka Turkiga ee Soomaaliya Mehmet Yilmaz ayaa si kulul u beeniyay wararka warbaahinta ee sheegayay in Ankara ay wado dadaalo ah in ay qaadayso ciidamado Soomaaliya ah oo loo dirayo Libya, si ay uga qeyb qaataan dagaalka lagula jiro xoogagga mucaradka ah ee Gen. Khalifa Haftar.

8/6/2020 5:52 AM EST
Khamiis, Agoosto 6, 2020 (HOL) - Deegaanka Ceel jaalle ee duleedka magaalada Marka ayaa waxaa ka dhacay dagaal u dhexeeyay ciidamada Dowladda Soomaaliya iyo kuwa Al-shabaab, sida Warbaahinta ay u xaqiijiyeen dadka deegaanka.

8/6/2020 5:38 AM EST
Khamiis, Agoosto 6, 2020 (HOL) - Rag hubeysan oo loo badinayo iney yihiin burcad Koonfur Afrikaan ah ayaa waxay dileen muwaadin Soomaaliyeed oo ganacsi ku haaystay magaalada Darban oo ku taalla Gobolka xeebta leh ee KwaZulu-natal.

8/6/2020 5:32 AM EST
Khamiis, Agoosto 6, 2020 (HOL) - Guddoomiyaha aqalka sare ee Soomaaliya Abdi Xaashi ayaa codsaday in baaris degdeg ah lagu sameeyo been abuur uu sheegay in lagu sameeyay Habraaca dhaqan galinta Xeerka Maaliyadda Guud dalka.

8/6/2020 5:15 AM EST
Khamiis, Agoosto 6, 2020 (HOL) - Badi dadkii kunoolaa tuulada Bayaxow oo hoostagta magaalada Jowhar ee Gobolka Shabeellada dhexe ayaa ka barakacay guryahooda, kadib markii uu ku fatahay webiga shabeelle.

8/6/2020 5:01 AM EST
Khamiis, Agoosto 6, 2020 (HOL) - Madaxweynaha maamul Goboleedka Soomaaliyeed ee Koonfur galbeeed Cabdicasiis Xasan Maxamed “Lafta-gareen” ayaa waxa uu sheegay in ay muhiim tahay in loo midoobo dagaalka ka dhanka Al-shabaab.