3/28/2024
Today from Hiiraan Online:  _
Wararka Maanta- Axad, Aug 2 , 2020
Dowladda Soomaaliya oo maanta dalka kusoo celisay muwaadiin ku xirnaa dalka Iiran
 


Axad, Agoosto 2, 2020 (HOL) - Dowladda Federaalka Soomaaliya ayaa ku guuleysatay in ay dalka dib ugu soo celiso muwaadiniin Soomaaliyeed oo muddo ku xirnaa Dalka Iran kuwaasi oo maanta gaaray magaalada Muqdisho.

Muwaadiniintaan oo maanta saxaafada kula hadlay garoonka Aadan Cadde waxay sheegeen inay dhowr billood ku xayirnaayeen dalka Iiraan markii xabsiyada lagasoo siidaayay, sababo la xiriirta covid19.

Waxay muddo sanad iyo ka badan ku xirnaayeen dalka Iiraan, hase yeeshee dadaal dheer oo ay dowladda federalka sameysay ayaa lagu guulaystay in ay dib  u helaan xoriyadooda.

Waxay sheegeen inay ku faraxsan yihiin inay kusoo laabtaan ciidooda ayna dareemayaan in isbedel dowladdeed oo ka duwan markii ay dalka ka tagayeen.

Muwaadiniintan waxay qeyb ka yihiin kuwo badan oo dalka dib loogusoo celiyay dhowrkii sano ee lasoo dhaafay.

Abdiweli M. Sheikh, Hiiraan Online
[email protected]












Click here
8/2/2020 6:33 PM EST
Axad, Agoosto 2, 2020 (HOL) - Guddoomiyaha Gobolka Shabeellada hoose ee Koonfur Galbeed Soomaaliya Ibraahim Aadan Cali “Najax” ayaa ka hadlay geeridii ku timid Guddoomiye ku xigeenkii dhinaca maaliyadda ee degmada Wanlaweyn Maxamed Cabdullaahi Cumar “Koosto’ oo caawa ku geeriyooday Bom gacameed lagu tuuray gurigiisa.

8/2/2020 4:32 PM EST
Axad, Agoosto 2, 2020 (HOL) - Sida ay sheegayaan warar aan ka helayno gobolka Shabeelada hoose, waxaa caawa degmada Wanlaweyn lagu dilay gudoomiye ku xigeenka degmadaas, Maxamed Cabdulaahi Cumar.

8/2/2020 12:29 PM EST
Axad, Agoosto 2, 2020 (HOL) - Ciidanka guutada 16aad ee Danab oo maanta hawlgal ka sameeyay gobolka Jubbada Hoose, ayaa la sheegay in ay ku qaarajiyeen madixii Al-shabaab u qaabilsan maaliyadda gobolka Jubadda dhexe.

8/2/2020 5:12 AM EST
Axad, Agoosto 2, 2020 (HOL) - Hay’adda socdaalka iyo jinsiyadaha Soomaaliya ayaa war kasoo saartay duullimaadyada caalamiga ah ee berri oo ah 03,da-August, 2020 furmi doonan iyadoo la tix-raacayo go’aankii ay ku oggolaadeen Golaha wasiirrada.

8/2/2020 5:02 AM EST
Axad, Agoosto 2, 2020 (HOL) - Ciidamada maamulka Jubaland oo kaashanaya militiriga dowladda Soomaaliya , gaar ahaan qeybta 43-aad ayaa waxay howl-gal dhinaca ammaanka la xiriira ay ka fuliyeen deegaanno ka tirsan dowlad goboleedkaas.

8/2/2020 2:20 AM EST
Axad, Agoosto 2, 2020 (HOL) - Madaxweynaha Puntland Siciid Cabdullaahi Deni ayaa sheegay inuu meesha ka baxay qadarintii iyo wanaagii uu u hayay dowladda federalka Soomaaliya, isagoo tilmaamay inuu bareerahiisa la tegidoono Dhuusomareeb.

8/2/2020 2:15 AM EST
Axad, Agoosto 2, 2020 (HOL) - Madasha xisbiyada qaran ee mucaaradka, ayaa sharci darro ku tilmaamay hannaanka loo maray meelmarinta xubnaha guddiga addeega garsoorka dalka, oo ay meel mariyeen golaha wasiiradda ee xasaanada lagala noqday.