Axad, November, 03, 2019 (HOL)-Magaalada Doxa ee dalka Qatar ayaa waxaa lagu wadaa in uu Maanta Shir uga furmo Wasiirada Arrimaha Dibadda ee dalalka ku jira Ururka Iskaashiga Islaamka ee loo soo gaabiyo OIC.
Shirweyanahaan oo ahaa mid horay loo sii qorsheeyey ayaa waxaa looga
hadlayaa sidii loo taageeri lahaa Soomaaliya,waxaana Wasaaradda Arrimaha
dibadda Qatar ay shaacisay qodobada ugu muyhiimsan ee shirkaasi looga
hadli doono.
Wasaaradda ayaa qodobada waxaa ay ku sheegtay Arrimo ay kamid yihiin
xaaladihii ugu dambeeyey ee Soomaaliya,sidii loo kordhin lahaa
taageerada ay dalalka Islaamka siiyaan Dowladda Federaalka si ay u
xoojiyaan deganaashaha iyo dib u dhiska dalka Soomaaliya.
Wargeyska Al-Sharq ee kasoo baxa dalka Qatar ayaa qoray in dowladda
Qatar ay dhamaan casuumaad u dirtay Wasiirada Arrimaha Dibadda ee
dalalka Ururka Iskaagiga Islaamka, isla markaana kulankooda ay diirada
ku saari doonaan fatahaadii ugu dambeysay ee ka dhacday Soomaaliya.
Kooxda isku-xirka Soomaaliya ee Ururka Iskaashiga Islaamka ayaa waxaa
la Aas’aasay Bishii December ee sanadkii 2007,waxaana shirkoodii ugu horeeyey ay Magaalada Muqdisho ku yeesheen 27kii Bishii Octoober ee sanadkii 2018.
Ra’iisul Wasaaraha Soomaaliya Xasan Cali Kheyre ayaa maalma ka hor
waxaa uu ku baaqay in Soomaaliya laga soo taageero wax u qabashada dadka
ay saameeyeen fatahaadaha Wabiyada sigaar ah Magaalada Baladweyne ee
xarunta Gobolka Hiiraan.
C/raxmaan Diini, Hiiraan Online
[email protected]