Jimco, November, 22, 2019 (HOL)-Ku-xigeenka Ergeyga China ee Golaha Amaanka Qarramada Midoobey Wu Haitao ayaa Khamiistii ugu baaqay beesha caalamka in ay si dhaw ula sheeqaan Soomaaliya si loo xoojiyo hormarada kala duwan oo ay dowladdu ku talaabsaneyso.
Ku-xigeenka Ergeyga China ee Golaha Amaanka Qarramada
Midoobey Wu Haitao ayaa Khamiistii ugu
baaqay beesha caalamka in ay si dhaw ula sheeqaan Soomaaliya si loo xoojiyo hormarada
kala duwan oo ay dowladdu ku talaabsaneyso.
Isaga
oo khudbad ka jeedinayay shirka Golaha Amaanka Qarramada Midoobey ee looga
hadlayay xaalada Soomaaliya ayuu Mr Wu
Haitao ugu baaqay caalamka in ay si dhaw
ula socdaan xaaladaha ka jira gudaha Soomaaliya si diirada loo saaro kaalinta
bulshada caalamka ee ah in Soomaaliya
laga caawiyo hagaajinta awoodda dowladnimo iyo adkeyta nabad-galyada.
‘’Golaha
Amaanka iyo beesha caalamka intaba waa in ay u hoggaasamaan lahaashaha
Soomaaliya, tasoo macnaheedu yahay in lagu xaqdhowro hoggaanka hoggaanka
Soomaalida go’aamadooda u gaarka ah, waa in kaliya laga caawiyaa talooyinka la
xiriira geedi socodka siyaasadeed, xoojinta nidaamka Federaaliisamka iyo waliba
xiriirka dowladda dhexe iyo dowlad gobolleedyada ayuu yiri’’ Wu Haitao.
AMISOM
mar uu soo hadal qaaday ayuu sheegay in tan iyo markii ay gudaha u galeen
Soomaaliya ay door muuqata ka qaateen xoojinta nabad-galyada iyo waliba
dagaallada ka dhanka ah kooxaha argagixisada sida [Al-shabaab ] oo kale.
Shirka
Golaha Amaanka ee Khamiistii dhacay ayaa siweyn looga wada hadlay xaalada
Soomaaliya, iyadoo dhinacyda ka qeybgalay dhiibteen aragtiyo kala duwan oo la
xiriira xaalada waqtiga ee Soomaaliya sida lagu wajahayo kaalinta bulshada
caalamka xoojinta hormarada dowladdu ku talaabsaneyso.
C/raxmaan Diini, Hiiraan Online
[email protected]
