Axad, June, 23, 2019 (HOL)-Duqa Muqdisho ahna Guddoomiyeha Gobolka Banaadir Mudane Cabdiraxmaan Cumar Cusmaan (Eng.Yarisoow) ayaa dhagax-dhigay waddo Laami ah oo laga hirgelinayo isgoyska Cali Kamiin iyo Ifka Xalane oo isku xira jidadka 30ka iyo Warshadaha waana waddadii 9aad oo maamulku dhisayo muddo sanad iyo bar ah.
Guddoomiyaha
ayaa sheegay in dhismaha jidkani uu qeyb ka yahay qorshaha horumarinta
Caasimadda ee sanadkan 2019 lagu dhisayo waddooyin dhowr ah oo muhiim u
ah isku socodka dadweynaha, gaadiidka iyo bilicda magaalada.
“Waddadan
waa Waddo muhiim ah oo halbowle u ah bulshadda caasimadda daggan, iyada ayaana u dooranay in la dhiso oo laga dhigo laami Casri ah oo noqoneysa mid kaalin wax ku ool ah ka qaata bilicda iyo horumarka aan hiigsanayno,
shirkadda dhisayso waxaan leeyahay laamiga waaa in uu ahaado mid sax ah
oo si wanaagsan loo dhisay”.
Eng.
Yarisow ayaa sheegay in waddan iyo weliba wadooyinka kale ee laamiga ah
ay wax badan ka badaleen bilicda caasimada, isla markaana hagaajinayaan
adeegyada Bulshada.
Duqa
Muqdisho waxuu tilmaamay in xiligan gacanta lagu hayo dhismooyinka
waddooyin dhowr ah iyo xarumo Maamulka oo qaarkood ay gabo-gabo
marayaan, kuwa kalana mashruucooda dhismaha uu socdo.
“Waxaan
rajeynayaa in sanadba sanadka ka dambeeya horumarku sii siyaado,
wadooyinku noo siisiyaadaan, dib u dhiska caasimadduna ku socdo dardar
isbedal dhab ah ayaa ku dhici doonta bilicda Muqdisho marka waddooyinkan
ay dhameystirmaan”.
Guddoomiyaha
Gobolka Banaadir ayaa waxaa ku weheliyey dhagax-dhigga Wasiirka
Dhalinyarada iyo cayaaraha Soomaaliya iyo qaar kamid ah
Guddoomiye-ku-xigeenada Maamulka Gobolka Banaadir.
C/raxmaan Diini, Hiiraan Online
[email protected]