Guddoomiyaha Baarlamaanka Soomaaliya oo la kulmay guddi loo saaray dhacdadii dadka lagu laayay ee Gaalkacyo
Khamiis, June, 20, 2019 (HOL)-Gudoomiyaha Golaha Shacabka Soomaaliya Maxamed Mursal Sheikh Cabdiraxmaan ayaa kulan la qaatay guddigii dhawaan uu soo magacaabay Cabdi Casiis Xasan Maxamed Lafta-gareen Madaxweynaha Dowlad Goboleedka Koofur Galbeed Soomaaliya.
Guddigan ayaa u
xilsaaran inay baaraan dilal ka dhacay magaalooyinka Dhuusa mareeb iyo Gaalkacyo
ee Galmudug ay maamusho, dilalka ayaa loo geystay dad ka soo jeeda deegaanada
Koofur Galbeed,
Waxaa la qorsheynayaa Guddigaan
oo isugu jira xildhibaanno,Wasiirro iyo waxgarad ka soo jeeda deegaannada
Koonfur Galbeed Soomaaliya in ay gaaraan magaalada Gaalkacyo ee gobalka Mudug,
halkaasi oo lagu dilay dad ka badan 10 ruux.
Guddoomiyaha Golaha
Shacabka ayay la wadaageen macluumaad ku saabsan howsha loo xilsaaray iyo sida
ay ku wajahayaan falalkaasi ka dhacay magaalooyinka Dhuusamareeb iyo Gaalkacyo.
Maxamed Mursal Sheikh
Cabdiraxmaan Guddoomiyaha Golaha ayaa shaaca ka qaaday inay magacaabeen guddi
ka kooban 13 Xildhibaan ah oo baaritaanno ku sameeya dhacdooyinka ka dhacay
deegaannada galmudug.
Maamulka Galmudug ayaa
horey u sheegay in ay baadi goob ugu jiraan dadkii ka dambeeyay falalkaasi ka dhacay
Gaalkacyo iyo Dhuusamareeb, Cadaaladdana ay hor keeni doonaan dadkii ka
dambeeyay dilalalka.
Nurre Mohamed Ali
[email protected]