Khamiis, June, 20, 2019 (HOL) – Shirkan oo looga hadlayay dejinta qorshaha
hormarinta xoolaha Soomaaliyeed ayaa muddo saddex maalmood ah ka socday
magaalada Muqdisho .
Waxaa
ka qayb galay shirka xubno matalayay Wasaaradaha xanaanada xoolaha Dowlad
goboleedyada dalka , bangiga aduunka ee world bank, hay’ada cunada iyo beeraha
u qaabulsan Qaramada midoobe ee FAO, xubno kasocday hay’adaha deeq bixiye
yaasha, UN-ka ,EU, qaar kamid ah dadka xoolo dhaqatada ah ee Soomaliyeed,
ganacsato iyo marti kale.
Wasiirka
wasaaradda xanaanada xoolaha dhirta iyo daaqa xukuumadda federalka ah ee
Soomaaliya Xuseen Maxamuud sheikh Xuseen oo shirka soo xiray ayaa waxa uu
sheegay in ay tahay markii ugu horeysay ee dib u eegis lagu sameeyo burburkii
kadib qorshaha hormarinta xoolaha Soomaliyeed loona diyaariyay istaraa tiijiyad
dhamaystiran oo laga wada tashaday.
Xuseen
Maxamuud Sheekh Xusseen Wasiirka Wasaaradda xanaanada xoolaha Soomaaliya oo
aqriyay qodobada warmurtiyeedkii kasoo baxay shirka ayaa waxa uu sheegay in
shirka looga hadlay sidii xoolaha Soomaaliyeed loogu heli lahaa daaqasin iyo
biyo nadiif ah.
