Arbaco, June, 19, 2019 (HOL)-Xildhibaanada Golaha Shacabka oo maanta kulankoodii caadiga ahaa ku yeeshay xaruntooda ayaa meel mariyay sharciga Maareynta Maaliyadda.
Kulanka ayaa waxaa goobjoog ahaa 141 xildhibaan, waxaana dood dheer kadib ogolaatay meelmarintiisa 135 Mudane halka 6 Xildhibaan ay diideen in la ansixiyo.
Guddoomiyaha Golaha Shacabka Mudane Maxamed Mursal Sh. Cabdiraxmaan ayaa Ku dhawaaqay Natiijada Codeyntii Maanta ee lagu ansixiyay Sharciga Maareynta Maaliyadda dalka.
Guddoomiyaha Golaha Shacabka ayaa dhinaca kale digniin u diray xubnaha ka maqan kulamada,isagoo xusay in xeer hoosaadka lala tiigsan doono xildhibaankii sabab la”aan u maqan.