Isniin, June, 17, 2019 (HOL)- Magaalada Istanbul ee dalka Turkiga waxaa ku shirsan ergo kala socta dalka gudihiisa iyo dibadiisa kuwaa oo halkaa u tagay ka qeybgalka shirka Qurba-Joogta Soomaaliyeed
Iyadoo ay shirka ku sugan yihiin ergooyin kala duwan oo isaga kala yimid dunida daafaheeda, ayaa fariintooda shirka waxaa markii ugu horeysay soo bandhigay eraga Soomaalida ee ka timid dalka SWITZERLAND, kuwaa oo qeexay ahmiyada uu dalka Soomaaliya u leeyahay aduunka iyo intiisa kala iyo waliba sida loogu baahan yahay in Soomaalidu dhaxdeeda ka heshiiso wixii khilaafaad ah ee jira.
Fariinta oo Warbaahinta lala wadaagay ayaa u dhigneyd siddan :
Walaalaheeyga qiimaha lahoow, waxaan matelnaa oo aan ka kala nimid daafaha kala ee Waddankeenna aan jecel nahay ee Soomaaliya.
Sida aad la socotaan wufuuddaha Qurba joogta ah ee shirkan ka qeyb galeeysa waxaa ay ka kala yimaadeen Dunida oo dhan, waxaanna idiin kaga mahadcelinayaa howsha culus ee aad ka marteen sidii uu u qabsoomi lahaa shirkani.
Sida aan wada og nahay Soomaaliya ma ahan Jasiirad ee waa waddan leh dhaqan soo jireen ah oo qarniyo la soo kala dhaxlayey, dalkeennu waa meel muhiim u ah dhaqaalaha Dunida.
Saddex meelood laba meel xamuulka Dunida isaga kala gooshaa wuxuu ka gudbaa Xeebaha Soomaaliya.
Soomaaliya waa meel ay dhex- ceegaagaan Macaadin iyo Tamar, lagana heli karo Kheyraad aad u fara badan.
Sababta Quwadaha waaweyn iyo Waddammada horumarey ay u daneeynayaan ayaa ah mid si cad u muuqata.
Waxaana ay Waddammadaasi si aan gabasho laheyn ugu dadaalaan in ay kala qeybiyaan Waddankeenna si ay danahooda uga fushadaan.
Doowladda derisku waxaa ay ka leeyihiin dalkeenna danahooda gaarka ah, haddaba haddii aannaan Soomaaliyeey midoobin Aawooddeennu waa ay yaraaneeysaa waana u sahlanaaneeysaa in sidi la doono na loo maamusho.
Dhibaatada Bulshadeenna uu u geystey is barbar yaacu waa ay taabtey Aabeyaal, Hooyooyin, Carruur iyo Cirroole. Waxaana u marqaati ah sida
aan ugu dac darreeysan nahay xeryaha Qaxootinnimo ee dalka gudihiisa iyo
dibaddiisaba.
Dalkeenna iyo dadkeenna Soomaaliyeed waxaa ay
leeyihiin weli oo aad arkeysaa dhaqan fiican, is dhexgal, wada
deggenaasho iyo wax wada qeeybsi.
Dhulkeenna Baaxadda weyn ee Geeska Afrika waxaa looga hadlaa Hal af oo ah Soomaali waxaanna leennahay hal dhaqan.
Dadkeenna qurbaha ka yimid waxaa ay waayo aragnimo u leeyihiin
Waddamada aan ka nimid ee Dimoqraadiga ahi waxaa ay lee yihiin afaf iyo
dhaqammo kala geddisan. Saas oo ay tahay waxaa ay gaareen horumar la
taaban karo.
Waddammada Horumarey Dowladda ayaa ka haqabtirta wax
kasta oo Bulshadu u baahan tahay. Innaguse weli maba aannaan tijaabin.
Ururadda Bulshadu waxaa ay codsanayaan iyadoo aan la fiirin kala
duwanaantu nooc kastoo ay tahay Midab, Af, Dhaqan iyo Diin, in si
wadajir ah meel aan uga soo wada jeesanno sidii aan u caawin laheyn
walaalaheen Soomaaliya.
Waxaanna idiin rajeyneeynaa inaad mid noqotaan Bulshooyinka Caalamka.
Waxaan aad ugu dadaaleeynaa sidii loo heli lahaa Soomaaliya oo Awood leh oo isku duuban. Xiriir fiicanna waxaan la leennahayW
Waddanka aan ku nool nahay. Waxaanna uga Faa'iideyn doonnaa fursaddaas in aan Soomaaliya wax tarno si tartiib ah.
Waxaan dalbaneeynaa in wax Alla iyo wixi dhib, is faham la'aan iyo
dhaawac nafsadeed ah ee horey aan isugu geysanney aan meel iska dhigno
oo aan u gudubno sidii aan u walaaloobi laheyn oo aan meel uga soo wada
jeesan laheyn Horumarinta Soomaaliya.
Waxaan dalbaneeynaa aad
is xaq dhowrtaan oo aad is tixgelisaan waxna aad isu oggolaataan
dhexdiiinna Is maamul u sharciga loo Hoggaansanmo
In aad is Maqashaan, is dhegeysataan, si taxadar lehna uga fekertaan, Hooyooyinkeen, Aabayaasheen, walaalaheen iyo carruurteenna balse aan la eegin uun Kaamirada idin heysa.
In aan kaashataan Qaramada
Midoobey Hay'adda UNRWA, taasoo ay Waddanka dhan Waxbarasho idiin
helayaan carruurtiinnu si aaney fursad ugu helin qolyaha Dhibaatada
wada.
Soomaaliya waxay aheyd Waddankii ugu horreeyey ee diidey oo
ka hor yimid Gumeeystaha kana dhiidhiyey in la dulleysto haddaba sidee
ayaa aan u noqonney kuwo lagu daneeysto oo wax ka fiiriya uun meel
gaaban ?
Dhamaanteen waxaan nahay na saaran Mas'uuliyad, waana in aan wada raadinno Nabadgelyo iyo x Xorriyad sidii Soomaalidu u wada heli laheyd.
Waxaan raadineynaa waa in ay NABAD wada noqoto Soomaaliya, waxaana lagama maarmaan ah in aan ka wada shaqeeyno in Soomaaliya ay hesho xasillooni waarta taas oo dan u ah guud ahaan Gobolka Bariga Afrika, gacanta Cadmeed iyo Badweeynta Hindiya.
C/raxmaan Diini, Hiiraan Online
[email protected]